Wednesday, May 18, 2022

பூக்களால் உருவாக்கப்பட்ட வீடு.

 

பூக்களால் உருவாக்கப்பட்ட வீடு.. கண்ணை கவரும் உதகை ரோஜா மலர் கண்காட்சி


!


நீலகிரியில் ஆண்டுதோறும்  கோடை விழாவின் ஒரு பகுதியாக நடைபெறும்  ரோஜா மலர் கண்காட்சி நடைபெறும்.கொரொனா காரணமாக  2  ஆண்டுகளுக்குப் பின்பு  14/5/2022 அன்று ரோஜா கண்காட்சி  தொடங்கியது.

உதகை அரசு ரோஜா பூங்காவில் 17 வது ரோஜா கண்காட்சி இன்று துவங்கியது. 89,000 ரோஜா மலர்களை கொண்டு பல்வேறு வடிவங்களில் அலங்காரம் செய்யப்பட்டுள்ளதை  சுற்றுலா பயணிகள் ஆர்வத்துடன் ரசித்தனர்.

நீலகிரியில் ஆண்டுதோறும்  கோடை விழாவின் ஒரு பகுதியாக  ரோஜா மலர் கண்காட்சி நடைபெறும். அந்த வகையில்  ரோஜா கண்காட்சி  தொடங்கியது.

14.5.2022 மற்றும் 15,5,2022  என இரு நாட்கள் நடைபெற்றது இந்த  ரோஜா கண்காட்சியில் 89 ஆயிரம் ரோஜா மலர்களைக் கொண்டு பல்வேறு அலங்கார சிற்பங்கள் வைக்கப்பட்டன.

குறிப்பாக 41 ஆயிரம் ரோஜா மலர்களை கொண்டு கொண்டு மரத்தின் மேல் வீடு, 9000 ரோஜாக்களை கொண்டு படச்சுருள்,  6,000 ரோஜாக்களை கொண்டு குழந்தைகளைக் கவரும் வகையில் கார்ட்டூன் சித்திரங்களான மோட்டு , பட்லு, 5000 ரோஜாக்களால் பியானோ ஆகியவையும் , உதகை தோன்றி 200 ஆண்டுகளானதை  நினைவு கூறும் வகையில் ரோஜாக்களால் வடிவமைக்கப்பட்ட 00TY 200 ஆகிய அலங்கார வடிவங்கள் வைக்கப்பட்பது.

தமிழகத்தில் ஈரோடு, தர்மபுரி, திருவண்ணாமலை உள்ளிட்ட மாவட்டங்களில் இருந்தும் தோட்டக்கலை துறை சார்பில் ரோஜாக்களால் வடிவமைக்கப்பட்ட அலங்கார சித்திரங்கள் சுற்றுலா பயணிகளை வெகுவாக கவரும் வகையில் வடிவமைக்கப்பட்டதையும் .  ஒரே இடத்தில் லட்சக்கணக்கான ரோஜா மலர்களை  சுற்றுலா பயணிகள் கண்டு  ரசித்து சென்றனர்.


தூக்குக் கொட்டடியிலிருந்து ஒரு முறையீட்டு மடல்

 


முன்னாள் பிரதமர் ராஜீவ் காந்தி கொலை வழக்கில், 1991-ம் ஆண்டு, ஜூன் மாதம் 11-ம் தேதி பேரறிவாளன் என்கிற அறிவு கைதுசெய்யப்பட்டபோது அவருக்கு வயது 19. 1971-ம் ஆண்டு, ஜூலை 30-ல் வேலூர் மாவட்டம் ஜோலார்பேட்டையில் பிறந்தவர். தாய் அற்புதம்மாள், தந்தை குயில்தாசன் கவிஞர்.

சிறையிலிருந்தபடி பி.சி.ஏ., எம்.சி.ஏ முடித்தார். ஐந்துக்கும் மேற்பட்ட சான்றிதழ் படிப்புகளையும் முடித்துள்ளார். மேலும், தமிழ்நாடு திறந்தநிலைப் பல்கலைக்கழகத்தில் Desktop Publishing டிப்ளோமா படிப்பில் முதல் மாணவராகத் தேர்ச்சிபெற்று தங்கப் பதக்கம் வென்றார். தான் எழுதிய, 'தூக்குக் கொட்டடியிலிருந்து ஒரு முறையீட்டு மடல்' என்ற நூலில், தான் நிரபராதி என்பதற்கான ஆதாரங்களை உணர்ச்சிகளின் அடிப்படையில் அல்லாமல், உண்மைகள் மற்றும் தர்க்கங்களின் அடிப்படையில் எழுதியுள்ளார் என்பதும் குறிப்பிடத்தக்கது
நன்றி: விகடன்

மரண தண்டனை வேண்டாம் என்பதில் நம்பிக்கை உள்ளவன் நான்’’

 


"தொய்வில்லாத இந்த சட்டப்போராட்டத்தில், என் அம்மாவுடைய உழைப்பை உறிஞ்சிவிட்டேன் என்ற எண்ணம், வேதனை எனக்கு இருக்கும். இவ்வளவு தூரம் கஷ்டப்பட்டார்கள். எனவே, நியாயம் வெல்ல வேண்டும் என்ற எண்ணம் எப்போதுமே உண்டு. ஏதோ ஒரு வகையில் எல்லாருமே ஒவ்வொரு காலக்கட்டத்தில் தங்களுடைய சக்திக்கு மீறி அளவில்லாமல் உழைத்துள்ளார்கள். அவர்களை எல்லாம் வாழ்க்கையின் ஒருக்கட்டத்தில் வாய்ப்பு கிடைக்கிற பட்சத்தில் நேரடியாக சென்று நன்றி சொல்ல வேண்டும். இந்த நீண்ட போராட்டத்தில் மிகப்பெரிய திருப்புமுனை. அரசின் ஆதரவு என்ற தளத்தையும், மக்கள் ஆதரவு என்ற பெருந்தளத்தையும் உருவாக்கியதில் மிகப்பெரிய காரணம் என்னுடைய தங்கை செங்கொடியின் தியாகம்.

‘பேரறிவாளன் ஒரு நிரபராதி. அவரது வாக்குமூலத்தை தவறாக பதிவு செய்துவிட்டேன்’ என்று 2013-ல் தியாகராஜன் ஐ.பி.எஸ் அவர்கள் வெளிப்படையாக வந்து பேட்டி கொடுக்கும்போதும், உச்ச நீதிமன்றத்தில் வாக்குமூலமாக பதிவு செய்யும்போது மிகப்பெரிய திருப்புமுனையை கொடுத்தது. அதன்பிறகு, உச்ச நீதிமன்றத்தில் தீர்ப்பு கொடுத்த கே.டி.தாமஸின் பேட்டி, கட்டுரைகளும் மிகப்பெரிய தாக்கத்தை ஏற்படுத்தியது. இதெல்லாம் சேர்ந்துதான் என்னை இங்கு கொண்டுவந்து நிறுத்தியிருக்கிறது. அதேபோல, நீதியரசர் கிருஷ்ணய்யரைப் பற்றியும் சொல்ல வேண்டும்.
நான் இன்று வெளியில் வந்ததற்கும் அவர்தான் காரணம். முன்னாள் பிரதமர் மன்மோகன்சிங்கிற்கும் அவர் கடிதம் எழுதினார். ‘மண்டியிட்டு கேட்டுகொள்கிறேன்’ என்று எனக்காக நீதியரசர் கிருஷ்ணய்யர் மன்மோகன்சிங்கிடம் கேட்டுகொண்டார். அதுமட்டுமில்லாமல், நான் நினைத்துகூட பார்க்க முடியாத வழக்கறிஞர்களை உச்ச நீதிமன்றத்தில் அமர்த்திகொடுத்திருந்தார். இந்த விடுதலை சாத்தியப்படுத்துவதற்கு 6 ஆண்டுகளுக்கும் மேலாக பொருளாதாரத்தையும், கட்டணத்தையும் எதிர்பார்க்காமல் மூத்த வழக்கறிஞர் கோபால் சங்கரநாராயணன் வாதாடியிருக்கிறார்.
அதேபோலவே, தமிழக அரசு தங்களுக்குள்ள அதிகாரத்தை நிலைநாட்டும் வகையில் அஃபிடவுட் ஃபைல் செய்தார்கள். மூத்த வழக்கறிஞரை வைத்து திறம்பட வாதாடி தீர்ப்பை பெற்றுத் தந்துள்ளனர். மரண தண்டனை காலங்களில் எங்களோடு துணையாக இருந்த மும்பையைச் சேர்ந்த வழக்கறிஞர் இக்மோர் சௌத்ரியையும் இந்த நேரத்தில் நினைத்துப் பார்க்கின்றேன். அதேபோல, ஊடகங்கள் இல்லையெனில் இந்த மாற்றம் ஏற்பட்டிருக்காது. உண்மைகள் வெளியில் வந்திருக்கிறது. சிறைத்துறை, காவல்துறையிலிருந்தும் எங்களுக்கு உதவி செய்திருக்கிறார்கள். 31 ஆண்டுகால சட்டப்போராட்டம்தான் என்னுடைய வாழ்க்கை. கொஞ்சம் காற்றை சுவாசிக்க வேண்டும். மூச்சு விட வேண்டும். ஆசுவாசப்படுத்திக் கொள்கிறேன். சட்டப்போராட்டத்துக்காகவே என்னுடைய வாழ்க்கையை செலவுப் பண்ணியிருக்கின்றேன். நீதி அமைப்பு முறையில் திறம்பட சட்டப்போராட்டம் நடத்தினால், ஏதோ ஒரு வகையில் வெற்றிப்பெறலாம். எதிர்காலம் குறித்த எல்லா கேள்விகளுக்கும் பின்னர் விடையளிக்கிறேன். மரண தண்டனை வேண்டாம் என்பதில் நம்பிக்கை உள்ளவன் நான்’’ என்றார் புன்னகை மலர்ந்த முகத்தோடு பேரறிவாளன்

மரணதண்டனை விதிக்கப்பட்டால் ஆயுள் தண்டனையை அனுபவிக்க வேண்டும் என்கிற அவசியம் இல்லை

 2014 இல் ராம்ஜெத்மாலனி கூறியது


முருகன், பேரறிவாளன், சாந்தன் ஆகியோர் மீதான தூக்கு தண்டனையை நீக்க கோரி உயர்நீதிமன்றத்தில் தொடர்ந்த வழக்கில் தூக்குதண்டனைக்கு தடை விதிக்கப்பட்டது நமக்கு கிடைத்த முதல் வெற்றியாகும்.
அதன் பின்னர் உச்சநீதிமன்றத்தில் தூக்கு தண்டனையை ரத்து செய்து வந்த அறிவிப்பு இரண்டாவது வெற்றியாகும். இந்த வெற்றி தொடரவேண்டும்.
இந்த விவகாரத்தில் தமிழக முதல்வர் ஜெயலலிதா எடுத்த நடவடிக்கை சரியானதாகும். விதிமுறைகளை மீறாமல் சட்டத்துக்கு புறமாக எதுவும் செய்யவில்லை. தற்போது உச்சநீதிமன்றத்தில் விதிக்கப்பட்ட தடை தற்காலிகமானது.
இவர்களுக்கு மரண தண்டனை விதிக்கப்பட்டதில் இருந்து மரணத்தின் பிடியில், அதன் நிழலில் சிக்கி தவித்தனர். இது 5 ஆயுள் தண்டனைக்கு சமமானது. இதுபற்றி சுப்ரீம் கோர்ட்டில் விரிவாக எடுத்துரைப்பேன்.
தமிழக அரசு சரியான முடிவு
ஆனால் மத்திய அரசில் உள்ள சிலர் தமிழக அரசு தவறு செய்துவிட்டதாகவும், விதிமுறைகளை மீறிவிட்டதாகவும் கூறியிருப்பது சரியானதல்ல. பிரதமர் மன்மோகன்சிங் எதிர்ப்பு தெரிவித்து கூறியதற்கு வருகிற லோக்சபா தேர்தலில் மக்கள் தங்கள் எதிர்ப்பை தெரிவிப்பார்கள்.
உச்சநீதிமன்ற விதித்துள்ள தடையை எதிர்த்து, மத்திய அரசின் சீராய்வு மனுவை எதிர்த்து போராட எல்லா வழிவகைகளும் தமிழக அரசுக்கு உள்ளன. அவர்கள் விடுவிக்கப்பட்டதன் காரணம் இரண்டு தண்டனைகள் இருக்கக்கூடாது என்பதன் அடிப்படையில்தான். அவர்களுக்கு மரணதண்டனை விதிக்கப்பட்டால் ஆயுள் தண்டனையை அனுபவிக்க வேண்டும் என்கிற அவசியம் இல்லை. அரசியல் சாசனத்திலேயே அப்படி இல்லை என்றார் ராம் ஜெத்மலானி.
நன்றி: ஒன் இந்தியா தமிழ்

அவர் இனி மகிழ்ச்சியாக சாதாரண வாழ்க்கை வாழ வேண்டும்

 


இந்த வரலாற்றுச் சிறப்புமிக்க தீர்ப்பு குறித்து பேசியுள்ள முன்னாள் உச்சநீதிமன்ற நீதிபதி கே டி தாமஸ், தான் பேரறிவாளனை நேரில் சந்திக்க வேண்டும் என்றும், அவர் இனி மகிழ்ச்சியாக சாதாரண வாழ்க்கை வாழ வேண்டும் என்றும் வாழ்த்தியுள்ளார்.

ஓய்வு பெற்ற உச்சநீதிமன்ற நீதிபதி கே டி தாமஸ்,1999 ஆம் ஆண்டு ஏஜி பேரறிவாளனுக்கு தூக்கு தண்டனை விதித்த உச்ச நீதிமன்ற அமர்வுக்கு தலைமை தாங்கியவர் ஆவார். பின்னர், 2013 ஆம் ஆண்டு இந்த வழக்கில் ‘இரட்டை ஆபத்து’ பிரச்சினையை எழுப்பிய தாமஸ், 23 ஆண்டுகளுக்குப் பிறகு குற்றவாளிகளை தூக்கிலிடுவது அரசியலமைப்பிற்கு விரோதமானது என்று கூறினார். இது 2014ம் ஆண்டு மூன்று குற்றவாளிகளின் தூக்கு தண்டனையை உச்சநீதிமன்றம் குறைக்கம் உத்தரவுக்கு வழிவகுத்தது.
இது தவிர, நீதியரசர் தாமஸ், ராஜீவ் காந்தியின் மனைவி சோனியா காந்தியிடம் இந்த வழக்கில் பெருந்தன்மை காட்டுமாறு வேண்டி கேட்டுக்கொண்டார். மேலும் தமிழக ஆளுநரின் முடிவை குடியரசுத் தலைவருக்கு அனுப்பும் முடிவை “கேட்கப்படாதது மற்றும் அரசியலமைப்பிற்கு விரோதமானது” என்றும் குறிப்பிட்டு இருந்தார். அதோடு, மகாத்மா காந்தி படுகொலை வழக்கில் சதி செய்ததாக குற்றம் சாட்டப்பட்ட நாதுராம் கோட்சேவின் சகோதரர் கோபால் கோட்சேவின் 14 ஆண்டுகள் சிறைதண்டைனைக்குப் பிறகு 1964-ல் விடுவிக்க மத்திய அரசு எடுத்த முடிவையும் அவர் மேற்கோள் காட்டி இருந்தார்.
இந்நிலையில், பேரறிவாளன் விடுதலை குறித்து நீதியரசர் கேடி தாமஸ் கேரளாவின் கோட்டயத்தில் உள்ள தனது இல்லத்தில் இருந்து “தி இந்தியன் எக்ஸ்பிரஸ்” இதழுக்கு அளித்துள்ள பேட்டி பின்வருமாறு:
“பேரறிவாளனை நான் நேரில் பார்க்க விரும்புகிறேன். அவருக்கு நேரம் கிடைத்தால், அவர் தயவுசெய்து என்னைப் பார்க்கவும். நீண்ட சிறைதண்டனை மற்றும் 50 வயதில் விடுதலையான பிறகு, நான் அவரிடம் என்ன சொல்ல வேண்டும்? அவருக்கு விரைவில் திருமணம் நடக்க வேண்டும். அவர் தனது அன்பானவர்களுடன் மகிழ்ச்சியாக வாழ வேண்டும். மேலும் அவருடைய தாயாருக்கு (அற்புதம் அம்மாள்) முழுப் புகழையும் அளிக்கிறேன். அவர்தான் முழுப் புகழுக்கும் உரியவர்.
மாநில அரசின் அறிவுரைப்படி செயல்பட வேண்டிய ஆளுநர், அதை ஏன் புறக்கணித்தார்? எத்தனை வருடங்கள் தாமதம் பாருங்கள்.” என்று கூறியுள்ளார்.
மேலும், பேரறிவாளன் வழக்கில் உச்சநீதிமன்றம் வழங்கிய தீர்ப்பு மற்ற 6 குற்றவாளிகளுக்கும் பொருந்தும் என்றும் நீதிபதி தாமஸ் குறிப்பிட்டுள்ளார். “மற்றவர்களும் உச்சநீதிமன்றத்தில் மேல்முறையீடு செய்ய வேண்டும். அவர்களை சிறையில் அடைக்க வேண்டுமானால், சிறை ஆலோசனைக் குழு அவர்களுக்கு எதிராக பாதகமான அறிக்கைகளை அளிக்க வேண்டும். எனக்கு தெரிந்த வரையில் அவர்களுக்கு எதிராக அப்படி எந்த புகாரும் இல்லை,” என்று தெரிவித்துள்ளார்.
நன்றி: இந்தியன் எக்ஸ்பிரஸ் தமிழ்

எத்தனை நீண்ட நெடிய சட்ட போராட்டம் இந்த முதுமையிலும்,

 


"அரசியல்

பார்வையில்

ஆயிரத்தெட்டு

தர்க்கம்

உண்டு

இன்றைய

உச்ச நீதிமன்றத்தின்

பேரறிவாளன்

விடுதலை

அதிரடி

தீர்ப்பு..!!


ஆயினும்

தனிப்பட்ட

முறையில்

அந்த தாயுடன்

பழகி

இருக்கிறேன்,

அறிவையும்

இரண்டு முறை

வேலூர்

மத்திய

சிறைச்சாலையில்

சந்தித்து

இருக்கிறேன்,

தானும்

படித்து

மற்றவர்களையும்

படிக்க

வைத்திருக்கிறார்

சிறைச்

சாலையில்,

நன்னடத்தை..!!


இளம் வயது

பேரறிவாளன்

தமிழ் தேசிய

அரசியலால்

உந்தப்பட்டு

தன்

தந்தை

குயில்

தாசனின் 

பெரியாரிய

கருத்தியல்

பார்த்து

வளர்ந்தவர்..!!


தமிழகமே

அன்று

அந்த

ஈழ மக்கள்

அவல நிலை

பார்த்து 

உதவத்

துடித்தது,

அன்றைய

முதல்வர்

பொன்மனச்

செம்மல்

உட்பட..!!


விசாரணையில்

கூட

(அந்த துன்பியல்

சம்பவம்

மூண்றே

பேருக்கு, இயக்க தலைமைக்கு

மட்டுமே

தெரியும் நடக்கும்

வரை என தெரிவிக்க பட்டுள்ளது ).!! 


உணர்ச்சி

வசப்பட்டு

அந்த உதவி

எதற்கென்றே

தெரியாமல்

சின்ன உதவி

செய்தவர்கள்

தான்

பலிகடா

ஆனார்கள்..!!


நான் முறைப்படி

சட்டம்

படிக்கவில்லை, 

ஆயினும்

பல

வருடங்களுக்கு

முன்பே

சொன்னேன்,

ஏழு பேர்

விடுதலை

என்பது சட்ட

சிக்கல்கள்

நிறைந்தது,

தனியாக

பேரறிவாளன்

விடுதலையை

மட்டும்

முன்னெடுத்து

செல்லுங்கள்

என,

இதோ இன்று

அந்த ஒரு

முன்னெடுப்பு

தான்

அறிவின்

விடுதலைக்கு

உதவி

இருக்கிறது..!!


மீண்டும்

சொல்கிறேன்

இன்றைய

இளைஞர்கள்

அரசியல்வாதிகளின் மேடைப்பேச்சு

கேட்டு புல்லரித்துப்

போய்

உணர்ச்சிவசப்பட்டு

செய்யும்

சிறு தவறும்

அவர்கள்

வாழ்க்கையை

திசை

திருப்பி விடும்..!!


எத்தனை

நீண்ட நெடிய

சட்ட போராட்டம்

இந்த

முதுமையிலும், 


மனமார்ந்த

நல்வாழ்த்துக்கள்

அம்மா,

மகிழ்ச்சி

அறிவு..!! "


கவிமுரசு பிரவீன்.


அஸ்ஸாம் மாநிலத்தில் 4 நாள்களாக தொடர் கனமழை


 அஸ்ஸாம் மாநிலத்தில் 4 நாள்களாக தொடர் கனமழை பெய்துவருகிறது. பிரம்மபுத்திரா, கொபிலி உள்ளிட்ட முக்கிய ஆறுகளில் வெள்ள பெருக்கு ஏற்பட்டுள்ளது. மொத்தம் 20 மாவட்டங்களை சேர்ந்த 652 கிராமங்களில் வெள்ள நீர் சூழ்ந்துள்ளது. 2 லட்சம் பேர் பாதிக்கப்பட்டுள்ளனர். 7 பேர் உயிரிழந்துள்ளனர். 1,400-க்கும் மேற்பட்ட கால்நடைகள் வெள்ளித்தில் அடித்துச் செல்லப்பட்டன. 16 ஆயிரத்து 645 ஹெக்டேர் பயிர் நிலங்கள் மூழ்கின. 300 வீடுகள் மூழ்கின.தேசிய மற்றும் மாநில பேரிடர் மீட்பு குழுக்களுடன் காவல்துறை, தீயணைப்புத்துறை அலுவலர்கள் தீவிர மீட்புப்பணியில் ஈடுபட்டுவருகின்றனர். 7 மாவட்டங்களில் 55 நிவாரண முகாம்கள் அமைக்கப்பட்டுள்ளன.

Featured Post

பூக்களால் உருவாக்கப்பட்ட வீடு.

  பூக்களால் உருவாக்கப்பட்ட வீடு.. கண்ணை கவரும் உதகை ரோஜா மலர் கண்காட்சி ! நீலகிரியில் ஆண்டுதோறும்  கோடை விழாவின் ஒரு பகுதியாக நடைபெறும்  ரோஜ...