Monday, February 28, 2022

பரமு என்கிற பரமேஸ்வரி எட்டாம் வகுப்பு. ... #சிறுகதை./எழுத்தாளர் இளங்கோவன்

 பரமு என்கிற பரமேஸ்வரி எட்டாம் வகுப்பு. ... #சிறுகதை.



பூங்குளம் கிராமம்... அந்த கிராமத்தில் குளம் இருக்கா? அதில் பூக்கள் இருக்கா? னு தெரியல... ஆனால் பூங்குளம் கிராமத்தின் பெயர் ஆலங்காயம் - திருப்பத்தூர் நெடுஞ்சாலையில் இருந்து 4 கிலோமீட்டர் தொலைவில் இருக்கும். விவசாய வேலைகளில் மக்கள் மூழ்கியே இருப்பதால், படிப்பறிவு குறைவே. இருந்தாலும், கிராமத்தில் உள்ள ஆரம்ப பள்ளியில் தங்கள் பிள்ளைகளை சேர்த்துள்ளனர்.


கைநாட்டு கைலாசம் என கிராமமே அழைக்கின்ற கைலாசம், ஒன்னாம் கிளாஸ் கூட போகல, ஆனால், சாகக்கிடக்கிற ஒன்னுவிட்ட அத்தைக்காரி எட்டாவது படிச்ச தன் பொண்ணை கைலாசத்துக்கு கட்டி வச்சிட்டு, தம்பி மகனுக்கு பொண்ணை கொடுத்துட்டோம் இனி கவலையில்லை னு கண்ணை மூடிட்டாள்.


மசக்கையான கைலாசம் பொண்டாட்டி, வாக்கப்பட்ட பூங்குளத்தில், எட்டாவது படிச்ச படிப்பாளி னு பெயர் பெற்றவள். பிரசவம் பார்த்த உள்ளூர்க்கிழவி, டேய்...கைலாசம் உனக்கு பொம்பள பொண்ணு பிறந்திருக்காடா என கத்தி கொண்டாடினாள். கிராமமே கள்ளிப்பாலை ஊத்தி சிசுக்களை சாகடிச்ச காலம் போயிடுச்சின்னு மகிழ்ந்தன.


"யோவ்..மாமா... பொண்ணு பொறந்திருக்கா, அவளையாச்சும் படிக்க வைக்கனும்யா" என கைலாசம் பொண்டாட்டி பரமேஸ்வரி சொன்னதும், "ஆகட்டும்...பரமு" என்றான்.


"யோவ்...மாமா... பாப்பாவுக்கு எதிர்ல நீ கைநாட்டு போடாதே, இன் கையெழுத்து போடுய்யா" என பரமு சொன்னதும், தலையாட்டிட்டே " சரி புள்ளே" எனக் கூறியபடியே வெளியே சென்றான்.


உள்ளே நுழைந்தவன் கையில் ஸ்லேட்டும், பல்ப்பமும் இருப்பதைக் கண்டு, மகிழ்ந்தாள் பரமு.


"அ..ஆ...இ...ஈ... என ஆரம்பித்து, A for   apple, B for ball என சொல்லி சொல்லி தமிழும், ஆங்கிலமும் இரண்டும் வெவ்வேறானவை, அதற்கான வித்தியாசத்தை சொல்லி கைலாசத்தை கொஞ்சம் கொஞ்சம் மாற்றத் தொடங்கினாள்.


குழந்தை, தவழ்ந்தது, உருண்டது, கவிழ்ந்தது, நின்றது, நடந்தது, ஓடத்துவங்கியது.... அதற்கேற்றவாறே கைலாசமும், தமிழையும், ஆங்கிலத்தையும் கொஞ்சம், கொஞ்சமா பேசி, படித்து, பழக ஆரம்பித்தான்.

நான்காவது வயதில் குழந்தை பிரதீபாவை பால்வாடியில் சேர்த்தார்கள்.  பிரிநர்சரி போக ஆரம்பித்த குழந்தை, வீட்டிற்கு வந்ததும், தத்து பித்தென பேசப்பேச, அதற்கேற்றவாறே கணவனும், மனைவியும் பேசிப்பேசி மகிழ்ந்தனர். முதல் வகுப்பு, இரண்டாம் வகுப்பு, மூன்றாம் வகுப்பு என தேறிய படியே வளர்ந்த பிரதீபா வீட்டிலே...மம்மி, டாடீ, என்பாள், அப்பா, அம்மா என்பாள், mood எப்படியோ, அதன்படியே பேசி பேசி கேட்பாள். கையில் கொம்பை வைத்து, what is this? என அப்பனை கேட்டால், கைலாசம் பதில் சொல்லுவான். This is  banana... This is mango.

கைலாசத்திற்கோ உள்ளூர மகிழ்ச்சி, எம்பொண்ணு பொறந்த நேரம், நான் படிப்பாளி ஆயிட்டேன், நாலு பேர் சேர்ந்து போனால், நாலெழுத்து தெரிஞ்சவன் கைலாசம் என பேரு பெற்றான்.


" மாமா...மகளை ஆறாவது சேர்க்கனும், மெயின் ரோட்ல இருக்கும் இங்கிலீஸ் ஸ்கூல்ல சேர்க்கலாமா?" என பரமு கேட்டதும், "வேணாம் புள்ள, இங்க புதுசா கவர்மென்ட் பள்ளியே வருதாம், அதில் ஆறாவது சேர்த்துடலாம்" என்றான் கைலாசம்.

"சரி மாமா... உன் இஸ்டம்" என்றாள் பரமு.

உள்ளூரிலே வந்த உயர்நிலைப்பள்ளியில், சேர்ந்த மகள்,  ஆறாவது, ஏழாவது, எட்டாவது, என தேர்ச்சி அடைய அடைய, கைலாசமும் மகளோட பக்க வீட்டிலே படிச்சி படுச்சி அறிவை வளர்த்தான். 


பிரதீபா, பத்தாவது முடிச்சிட்டு, மெயின்ரோட்ல உள்ள மேல்நிலைப் பள்ளியில் சேர்ந்தாள், இரண்டு வருடம் கடுமையாக படித்தாள்,  கைலாசமும் சரி, பரமுவும் சரி மகளுக்கு இணையாக வீட்டிலே படித்தும் வந்தனர்.


நீட் தேர்விலே, தேர்ச்சியடைந்த பிரதீபா, பக்கத்து ஊரிலே புதிதாக வந்த மெடிக்கல் காலேஜ்ல மருத்துவம் எடுத்து படித்தாள்.

ஆறு ஆண்டுகளுக்குப் பிறகு கைநாட்டு கைலாசம்  காம்பவுன்டர் கைலாசம் என கிராமமே கொண்டாடியது. 


பரமுவின் கைகளைப் பிடித்த கைலாசம், "புள்ள... நீ மட்டும் அன்னிக்கி, கைநாட்டு போடாதே, கையெழுத்து போடு னு சொல்லாமல் இருந்திருந்தால், என்னால் இந்தளவுக்கு வந்திருக்க முடியாது" னு சொல்லி புகழ்ந்தான்.


" மாமா... அன்னிக்கி நீங்க, என் வார்த்தைக்கு மதிப்பு கொடுத்ததால் தானே, அதனால உங்களுக்கு தான் நன்றி சொல்லனும்" என்றாள்.


உள்ளே வந்த டாக்டர் பிரதீபா... மிஸ்டர். கைநாட்டு கைலாசம், இனி நீங்கள்  டாக்டரோட அப்பா என பெருமையாக சொல்லி இருவரையும் கட்டிக்கொண்டாள்.


அங்கே ஆண் என்ற ஈகோ, குடும்பத்தலைவன் என்ற ஈகோ, எட்டாவது வரை படித்தவள் என்ற ஈகோ, டாக்டராகிவிட்டோமே என்ற எந்தவிதமான ஈகோவும் இல்லாமல் சிறு குழந்தைகள் போல துள்ளி விளையாடியதில் குடும்பத்தின் அழகு பளிச்சென தெரிந்தது.


முற்றும்.



எழுத்தாளர் இளங்கோவன்

சென்னை.

முக்கோண மனிதன்'/கவிதைகளின் தொகுப்பு.

 வணக்கம்.

'முக்கோண மனிதன்'



கடந்த ஐந்து ஆண்டுகளாகப் பல்வேறு இதழ்களிலும் முகநூலிலும் நான் எழுதிய கவிதைகளின் தொகுப்பு. புதியவை சிலவும் உண்டு.


இந்த ஆண்டு சென்னைப் புத்தக கண்காட்சிக்குக் கொண்டு வரத் திட்டமிட்டு இருந்தேன். 


ஆனால் படப்பிடிப்புப் பணிகளின் காரணமாக இறுதிகட்ட வேலையை செய்ய இயலவில்லை. 


ஆகவே இந்நூல் 2022 ஏப்ரல் இரண்டாவது வாரத்தில் வெளியிடத் திட்டமிடப்பட்டுள்ளது. 


ஏறக்குறைய இருநூறு பக்கங்கள் கொண்ட தொகுப்பு இது. டெம்மி சைஸ். என்  'ஞாயிற்றுக்கிழமைப் பள்ளிக் கூடம் ' தொகுதியைப் போன்ற அளவில் இருக்கும். 


முன்பதிவு செய்ய  விருப்பமுள்ள நண்பர்கள் புத்தகத்தின் விலை 200/- (இரு நூறு ரூபாய் மட்டும்) புத்தக கண்காட்சியில் 'டிஸ்கவரி புக் பேலஸில்' நேரிலோ அல்லது கீழ்கண்ட டிஸ்கவரி புக் பேலஸ் Gpay எண்ணிலோ   முன் பணம் செலுத்தினால் அஞ்சல் செலவு இன்றிப் புத்தகம் வீடு தேடி வரும். 


ஒரே ஒரு புத்தகம் முன்பதிவு ஆனாலும் கூட இத்தனை நாள் நான் எழுதியதற்கு பெருமைப்பட்டுக் கொள்வேன். 


நண்பர்கள் அனைவருக்கும் என் அன்பும் நன்றியும்.

                

  - பிருந்தா சாரதி





முகப்பு: Lark Bhaskaran 


📴 GPay, Phone Pay 𝐭𝐡𝐫𝐨𝐮𝐠𝐡 𝐌𝐨𝐛𝐢𝐥𝐞: +𝟗𝟏 – 99404 46650


ஆர்டர் செய்தவர்கள் மறக்காமல் *9940446650* என்ற எண்ணிற்கு வாட்சப் அனுப்பி உறுதிபடுத்தவும்.

வாகனத்தில் லிஃப்ட் கொடுத்தால் அது சட்ட‍விரோதம்

 வாகனத்தில் லிஃப்ட் கொடுத்தால் அது சட்ட‍விரோதம்  உங்க லைசென்ஸ் பறிபோகும்...!

::::::::::::::::::*:::::::::::::::::::*::::::::::::::::::*::::::::::::::::



இந்திய மோட்டார் வாகன சட்டத்தில் உள்ள சில விதிகள் தெளிவற்றதாக உள்ளன. சில விதிகள் குறித்த விழிப்புணர்வு மக்களிடம் இருப்பதில்லை. 


இவ்வகையில் கார் உரிமையாளர் ஒருவர், சட்ட விரோதம் என தெரியாமல் செய்த ‘சிறு உதவியால்”, இந்திய மோட்டார் வாகன சட்டத்தின்படி தண்டிக்கப் பட்டிருக்கிறார்.


இந்தியாவின் முக்கிய நகரங்களின் பட்டியலில் இரண்டாவதாக உள்ள‍து மும்பை. மும்பையை சேர்ந்த நிதின் நாயர் என்பவர். கடந்த மாதம் 18ம் தேதி காலை தன்காரில், அலுவலகம் சென்றுகொண்டிருந்தார். அப்போது மழை பெய்து கொண்டிருந்தது. சில பஸ்கள் கூட்ட நெரிசலில் நிரம்பி வழிந்துகொண்டிருந்தன. சில பஸ்கள் மிகவும் தாமதமாக வந்தன.


இதனால் அவசரமாக அலுவலகம் செல்ல வேண்டியவர்கள் ‘லிப்ட்’ கேட்டு கொண்டிருந்தனர். அப்படி ஏர்ரோலி சர்க்கிள் என்ற பகுதியில், நிதின் நாயரிடமும் 3 பேர் ‘லிப்ட்’ கேட்டனர். அவர்களில் ஒருவர் 60 வயதை கடந்த முதியவர். 2பேர் புகழ்பெற்ற ஐடி நிறுவனத்தில் வேலை செய்பவர்கள். அவர்கள் காந்தி நகர் என்ற பகுதிக்கு செல்ல வேண்டும். காந்தி நகரை கடந்துதான் நிதின் நாயர் தனது அலுவலகத்திற்கு செல்ல வேண்டியிருந்தது.


இதனால் அவர்களின் சூழ்நிலையை புரிந்துகொண்ட நிதின் நாயர், பெருந்தன்மையுடன் மூவரையும் தன் காரில் ஏற்றி கொண்டார். சிறிது நேரத்தில் போலீஸ் அதிகாரி ஒருவர் காரை நிறுத்தியுள்ளார். உடன் பயணிப் பவர்கள் யார்? என்ற கேள்வியை போலீஸ் அதிகாரி கேட்க, நடந்தவற்றை நிதின் நாயர் கூறியிருக்கிறார். 


உடனடியாக நிதின் நாயரின் லைசென்ஸை அந்த போலீஸ் அதிகாரி பறிமுதல் செய்ததோடு, அபராதம் விதிப்பதற்கான ரசீது ஒன்றை மளமளவென எழுதி, நிதின் நாயரிடம் ஒப்படைத்து விட்டார். எதற்காக இந்த தண்டனை? என்பதே நிதின் நாயருக்கு புரியவில்லை.


எனவே அதற்கான விளக்கத்தை போலீஸ் அதிகாரியிடமே கேட்க  ”தெரியாத நபர்களுக்கு ‘லிப்ட்’ கொடுப்பது சட்டவிரோதம்” என்ற அதிர்ச்சிகரமான பதிலை, போலீஸ் அதிகாரி வழங்கியுள்ளார்.


நிதின்நாயர் இதனை நம்பவில்லை லஞ்சம்பெறுவதற்காக போலீஸ் அதிகாரி சுற்றி வளைப்பதாகவே நினைத்தார். ஆனால் போலீஸ் அதிகாரி மிகவும் கடுமையாக நடந்துகொண்டார். மறுநாள் போலீஸ் ஸ்டேஷன் வந்து அபராதத்தை கட்டிவிட்டு, லைசென்ஸை வாங்கி கொள்ளும்படி கூறிவிட்டு சென்றுவிட்டார். அபராதத்திற்கான ரசீதை மட்டும் நிதின் நாயரிடம் அவர் வழங்கிவிட்டார்.


நிதின் நாயருக்கு ஒன்றுமே புரியவில்லை. அந்த குழப்பத்துடனே மறுநாள் போலீஸ் ஸ்டேஷனுக்கு சென்றார்.  இந்திய மோட்டார் வாகன சட்டம் 66/1988

( Section 66 in The #Motor_Vehicles_Act, 1988

Necessity for permits ) ன்கீழ் தண்டிக்கப்பட்டிருப்பதாகவும், அதனால் கோர்ட்டிற்கு சென்று அபராதம் கட்டி, தான் லைசென்ஸை ( #License ) திரும்ப பெற வேண்டும் எனவும் போலீசார் கூறியுள்ளனர்.


உடனடியாக தனக்குதெரிந்த வழக்கறிஞர்களிடம் ஆலோசனை நடத்தினார். அப்போது தான் தனியார் வாகனத்தில் தெரியாத நபர்களுக்கு லிப்ட் கொடுப்பது தவறு என்ற சட்டம் உண்மையிலேயே இருப்பதவருக்கு தெரியவந்தது.


வேறு வழியின்றி கோர்ட்டிற்கு சென்ற நிதின் நாயன், உதவி செய்ய வேண்டும் என்ற நோக்கத்தில், தெரியாத நபர்களுக்கு ‘லிப்ட்’ கொடுத்து தனது தனிப்பட்ட காரை, பயணிகள் கார் ஆக‌ மாற்றிய ‘குற்றத்தை’ அவர் நீதிபதி முன் ஒப்புக்கொண்டார்.


அவருக்கு 2 ஆயிரம் ரூபாய் #அபராதம் (#fine) விதிக்கப்பட்டது.


கோர்ட் நடைமுறைகளை முடித்து கொண்டு, மீண்டும் போலீஸ் ஸ்டேஷனுக்கு சென்ற நிதின் நாயரை, “இனி யாருக்காவது ‘லிப்ட்’ கொடுத்தால் உங்கள் லைசென்ஸ் பறிமுதல் செய்யப்படும்” என எச்சரித்து அனுப்பினர் .


இதனால் மிகவும் மனம் நொந்துபோன நிதின் நாயர், இப்படிப்பட்ட சட்டங்கள் இருந்தால், சாலையில் யாரேனும் இறந்து கிடந்தால் கூட, யாரும் உதவி செய்ய முன்வர மட்டார்கள் என பேஸ்புக் பக்கத்தின் தனது குமுறலை கொட்டியுள்ளார்.


எந்த ஒரு நபரும் தனது தனியார் வாகனத்தை பயணிகள் வாகனமாகவோ அல்லது சரக்கு வாகனமாகவோ பயன்படுத்த கூடாது என இந்திய மோட்டார் வாகன சட்டத்தில் ( Indian Motor Vehicle Act ) விதிகள் இருப்பது உண்மைதான். இந்த சட்டத்திற்கு 2 காரணங்கள் உள்ளன.


முதல்காரணம்,

1. வரி கட்டுவதை தவிர்க்க வேண்டும் என்பதற்காக சிலர் T-பெர்மிட் அல்லாத தங்கள் சொந்த வாகனங்களை, டாக்ஸியாக பயன்படுத்துகின்றனர். இதன்மூலம் சட்டவிரோதமாக அவர்கள் பணம் சம்பாதிக்கின்றனர். 


இரண்டாவது காரணம்,

2. வாகன உரிமையாளரின் பாதுகாப்பு. தெரியாத நபர்களுக்கு லிப்ட் கொடுக்கும்பட்சத்தில், ஆள் நடமாட்ட மில்லாத பகுதியில் வரும்போது, முன்பின் தெரியாத அந்நபரால், வாகனத்தின் உரிமையாளருக்கு ஏதேனும் பாதிப்பு ஏற்படக்கூடும். இதனால் தான் இந்த சட்டம் அமலுக்கு கொண்டு வரப்பட்டு நடைமுறைப் படுத்தப் பட்டுள்ளது.


எனவே இப்படி ஒரு சட்டம் இருப்பதை  உங்கள் நண்பர்கள் மற்றும் உறவினர்களுக்கும் தெரியப்படுத்துங்கள்..




கற்றல் திருவிழா

 கற்றல் திருவிழா


இனிய உதயம் தொண்டு நிறுவனத்தின் மாலைநேர திறன்வளர் மையங்களில் இதுவரை கற்றுக்கொடுத்த பாடங்களிலிருந்து குழந்தைகளின் திறன் ஆய்வு செய்யும் விழா கற்றலின் விழாவாகும். இந்த கற்றல் திருவிழா காலை 10 மணி முதல் மதியம் 12 30 வரை நடைபெற்றது

இந்த கற்றலின் விழாவை இனிய உதயம் தொண்டு நிறுவனத்தின்  தலைமை செயல்ப்பாட்டாளர் திரு அல்லா பகேஷ் அவர்களின் தலைமையில் AID INDIA  நிறுவனத்தின் பயிற்சியாளர் திரு ராஜேஷ் அவர்கள் குழந்தைகளுக்கு இடையே திறனாய்வு செய்தார். இந்த விழாவில் புதிய கண்ணியம்மன் நகர் மாலைநேர திறன்வளர் மையம், புதுநகர் மாலைநேர திறன்வளர் மையம் மற்றும் ஆவடி திறன் வளர் மையம் ஆகிய மையங்களில் இருந்து 50க்கும் மேற்பட்ட குழந்தைகள் (மூன்றாம் வகுப்பு முதல் எட்டாம் வகுப்பு வரை படிக்கும்) கலந்து கொண்டனர். பயிற்சியாளர் திரு ராஜேஷ் அவர்கள் குழந்தைகளிடம் திறனாய்வு செய்தார் ஆங்கிலம் கணிதம் மற்றும் தமிழ் ஆகிய பாடங்களிலிருந்து குழந்தைகளுக்கு கேள்விகள் கேட்கப்பட்டன. குழந்தைகள் சிறப்பாக தங்களின் பதில்களை பதிவு செய்து அனைவரையும் ஆச்சரியத்தில் மூழ்கடித்தனர். ஆங்கில வாக்கியங்களை அருமையாக அமைத்தனர், கணிதங்களை  கச்சிதமாக செய்தனர், தமிழை தங்குதடையில்லாமல் படித்தனர். மொத்தத்தில் குழந்தைகள் அனைவரும் மிக சிறப்பாக தங்கள் பதிவுகளை செய்தனர். 

இந்த குழந்தைகளுக்கு அருமையாகவும் எளிமையாகவும் இனிமையாகவும் பாடங்களை சொல்லித்தந்த  ஆசிரியர்கள் புதுநகர் மேகலா மற்றும் குணசுந்தரி, புதிய கண்ணியம்மன் நகர் ஜீவிதா மற்றும் ரேவதி, ஆவடி மையத்தின் ஆசிரியர் ஹேமாவதி ஆகியோர் மிகவும் சிறப்பாக பாடங்களை நடத்தியுள்ளனர் அதன் வெளிப்பாடு இந்த கற்றலின் திருவிழாவில் அருமையாக அமைந்தது. 

மேலும் இந்த கற்றல் திருவிழாவில் தன்னார்வலர்காளாக  தனலட்சுமி, ஜீனத் பானு, ஷோபனா, தமிழ்ச்செல்வி, ஹேமலதா, நஸ்ரின் பானு, ராதிகா, சந்தியா ஆகியோர்கள் இந்த திருவிழா அருமையாக நடப்பதற்கு மிகவும் ஒத்துழைப்பு அளித்தனர். 

விழாவில் கலந்து கொண்ட அனைத்து குழந்தைகளுக்கும் சான்றிதழ்கள் மற்றும் பரிசுகள் வழங்கப்பட்டது அது மட்டுமல்லாமல் சிறந்த மையம் , சிறந்த ஆசிரியர்கள், மற்றும் சிறந்த குழந்தைகள் என தேர்ந்தெடுத்து அவர்களுக்கு பரிசு பொருட்கள் வழங்கப்பட்டது. முடிவில் கலந்து கொண்ட அனைத்து குழந்தைகளுக்கும் பிஸ்கட், காபி  வழங்கப்பட்டது. கற்றல் திருவிழாவில் கலந்துகொண்ட அனைத்து குழந்தைகளுக்கும் ஆசிரியர்களுக்கும் பயிற்சியாளர் மற்றும் தன்னார்வலர்கள் அவர்களுக்கு இனிய உதயம் தொண்டு நிறுவனத்தின் சார்பாக மனமார்ந்த நன்றிகளையும் வாழ்த்துக்களையும் பாராட்டுகளையும் தெரிவித்துக் கொண்டது

நன்றி

இனிய உதயம்

Sunday, February 27, 2022

விடுதலைப் போரட்ட வீரர் சந்திரசேகர ஆசாத் நினைவுநாள்

 விடுதலைப் போரட்ட வீரர் சந்திரசேகர ஆசாத் நினைவுநாள் இன்று




பெப்ரவரி 27, 1931 அன்று அலகாபாத் அல்ஃப்ரட் பூங்காவில் தன் இயக்கத்தவரான் சுக்தேவுடன் பேசிக்கொண்டிருந்த போது பிரித்தானிய காவல்துறையினர் சுற்றி வளைத்தனர். சுக்தேவைத் தப்பிக்க விட்டுவிட்டு நீண்ட நேரம் காவல்துறையினரிடம் போராடினார். காலில் குண்டடிபட்டதால் ஆசாத்தால் அங்கிருந்து தப்பிக்க இயலாமல் போனது. தன் துப்பாக்கியில் ஒரு தோட்டா மட்டும் மட்டுமிருக்க காவல்துறையினரிடம் உயிருடன் பிடிபடக்கூடாது என்பதால் தன்னைத்தானே சுட்டுக்கொண்டார். ஆனால் பிரித்தானிய காவல்துறையினர் அவரை என்கவுண்டரில் சுட்டுக் கொன்றதாகவே கூறினர். அவர் பயன்படுத்திய துப்பாக்கி அலகாபாத் அருங்காட்சியகத்திலும் அதன் ஆவணங்கள் லக்னோ சி.ஐ.டி. தலைமையகத்திலும் உள்ளது.
இணையத்தில் இருந்து எடுத்தது
THANKS .r.kandasamy

அகிலன் .

 அடிமை இந்தியாவில் பிறந்து (27/6/1922 ) , சுதந்திரப் போராட்ட உணர்வில் ஈர்க்கப்பட்டு ஈடுபட்டு , மாணவப் பருவத்திலேயே காந்திய வழியில் தேச நலனை வளர்க்கமுடியும் எனக் கனவு மிகக் கொண்டார் அகிலன் .


காட்டிலாகா அதிகாரியாக ராஜாங்க உத்தியோகம் பார்த்த தந்தை . ஊரில் கணக்கப் பிள்ளை வீடு எனும் செல்வாக்கும் செல்வச் செழிப்பும் திடீரென ஓர் நாளிரவு பெய்த புயல் மழையில் அடித்துச் செல்ல , அதன் பின் நோய்ப் படுக்கையில் வீழ்ந்தார் அன்புத் தந்தை . தன் மகன் அகிலனை ஐ சி எஸ் படிக்க வைத்து அடிமை இந்தியாவில் மிக உயர்ந்த பதவியான கலெக்டராகவோ , சுதேச சமஸ்தானத்தின் திவானாகவோ வேலையில் அமர்த்திப் பார்க்க விரும்பியவரின் ஆசையும் அடித்துச் சென்றது அப் புயல் மழையில் . பள்ளிச் சிறுவன் அகிலனை அருகழைத்து , ” நீ திறமைசாலி ; வாழ்க்கையில் முன்னுக்கு வருவாய். நீ எந்தப் பதவியில் , எந்தப் பொறுப்பில் ,
எந்த உத்தியோகத்தில் இருந்தாலும் லஞ்சம் மட்டும் வாங்கக் கூடாது. நீ வாங்கமாட்டாய் என்று எனக்குத் தெரிந்தாலும் , நான் உனக்கு இதைச் சொல்ல வேண்டிய கடமை இருக்கிறது ” என்று கூறி விடை பெற்றார். ( 1938 )
தந்தை அப்பழுக்கற்ற ராஜ விசுவாசி.
தாயின் ஊர் கரூர் .விடுதலைப் போரின் வெக்கை மிகுந்த ஊர். அவ்வூரில் நான்காம் – ஐந்தாம் வகுப்பு மாணவனாய் கள்ளுக்கடை மறியலுக்குச் சென்றவர் அகிலன்.
ஒரு சிற்றூரில் பிறந்து வளர்ந்து நாடே போற்றும் எழுத்தாளராக , சமூக அக்கறை மிகுந்த படைப்பாளியாக உருவாக முடிந்தது அகிலனால் .
உடல் நலன் இல்லாத போதும் இலக்கிய அமைப்பின்அழைப்பைத் தட்டாமல் ஒரிசாவின் புவனேஸ்வருக்குப் பயணித்தார் .
பொதுவாகவே அகிலன் அவர்களுடன் என் சின்னஞ் சிறு வயதிலிருந்தே உடன் பயணிக்கும் பேறு பெற்றவன் என்பதால்தானோ என்னவோ எனக்குள் லேசாய் அகிலனின் இலக்கிய மூச்சுக் காற்று புகுந்ததைப் பெருமையுடன் நினைக்கிறேன்.
சிவாஜி கணேசன் , எம்.ஜி .ஆர் . இருவரும் அகிலன் அவர்கள் மீது உள்ளார்ந்த அன்பும் மதிப்பும் கொண்டிருந்தனர் .பாவைவிளக்கு , வாழ்வு எங்கே ? ( குலமகள் ராதை ) , கயல் விழி ( மதுரையை மீட்ட சுந்தர பாண்டியன் ) ஆகிய இவரது படைப்புகள் திரை வடிவம் கண்டன . சிவாஜி கணேசன் , ‘ வேங்கையின் மைந்தன் ‘ நாவலை மேடை நாடகமாக நடித்தார். நெஞ்சின் அலைகள், வெற்றித் திருநகர் , எங்கே போகிறோம் ? நாவல்களும் மேடையேறின.
- அகிலன் கண்ணன்
நன்றி: இந்து தமிழ் திசை

என் தந்தை அமரர் அகிலனின் நூலகத்தில் பற்பல துறைப் புத்தகங்கள் ‘என்னை எடுத்துப் படி’ எனத் தூண்டும். பள்ளியிறுதி நாள்களில் நான் எடுத்துப் படித்த முழுப் புத்தகங்கள் பாரதியார் கவிதைகள், காந்தியின் சத்தியசோதனை போன்றவை.
இவற்றிடையே ‘அன்பு நண்பர் அகிலனுக்கு வாழ்த்துகளுடன் கண.முத்தையா’ என்று கம்பீரமான எழுத்துக்களில் முன்பக்கத்தில் எழுதப்பட்டிருந்த ராகுல்ஜியின் ’பொதுவுடமைதான் என்ன?’ நூலைப் படித்தேன். இச்சமயத்தில் வீட்டருகே குடியிருந்த நண்பர்(ன்) பாலகுமாரன் ’ஜீன் பால் சாத்ரே’யை அறிமுகப்படுத்தினார். அறிஞர் அண்ணா அவர்களின் பல கூட்டங்களில் ராகுல்ஜியின் ‘வால்காவிலிருந்து கங்கை வரை’, நூல் பற்றிப் பேசிய செய்திகளைப் படிக்க நேர்ந்தது. படித்தவர்கள் எல்லாம் அந்த நூலைப் பற்றிப் பேசக் கேட்டதும் ’பொதுவுடமைதான் என்ன’ நூலும், என்னை ’வால்காவிலிருந்து கங்கை வரை’ நூலைப் படிக்கத் தூண்டின.
அன்றிலிருந்து இன்று வரை அந்த நூல் எனக்குள் ஏற்படுத்திய தாகம் மிகச் சிறந்த அனுபவமாகும். மனித சமுதாய நாகரீக வளர்ச்சியைத் தெரிந்துகொள்ளவும் உலக அரசியல் சரித்திரத்தின் பின் புலனைப் புரிந்துகொள்ளவும் பார்வையை விசாலப்படுத்தவும் அந்த நூல் தந்துள்ள அறிவுப் பகிர்தலும் ஆதாரப் பூர்வமான நிலை நிறுத்தல்களும் என்னை பிரமிக்க வைத்தன.
சமுதாயத்தின் தோற்றம், வளர்ச்சி, நாகரீகம் முதலியன பற்றிச் சாதாரண மக்களும் புரிந்து கொள்ளும் வகையில் 20 கதைகளாக எழுதியுள்ளார் ராகுல்ஜி. சரித்திரம் சலிப்பை ஏற்படுத்தும் எனும் பொதுவிதியைத் தகர்க்கக் கதை வடிவில் அதைத் தந்துள்ளார்.
காலங்காலமாக மக்களின் மனவெளிப்பாட்டை, செயல் வடிவங்களை மருளச்செய்யும் உண்மைகளை அப்படியே நிதரிசனமாகச் சொல்லும் கதைகள் இவை.
நிஷா, திவா, அமிர்தாஸ்வன், புருகூதன், புருதானன், அங்கிரா, சுதாஸ், பிரவாஹன், பந்துலமல்லன், நாகதத்தன், பிரபா, சுபர்ணயெளதேயன், துர்முகன், சக்ரபாணி, பாபா நூர்தீன், சுரையா, ரேக்கா பகத், மங்கள சிங், சபதர், சுமேர் என்று கதை மாந்தர் வடிவில் சரித்திரத்தைச் சுவைபடக் கூறுகிறார். காந்தி வரை வருகிறார்.
பந்துலமல்லன், மக்கள் விருப்பத்தை, வெறுப்பை உணர்ந்து இந்தச் சமயத்தில் நான் தேவையில்லை. ’’குசீனாராவுக்குப் பந்துலனின் சேவை தேவையாயிருக்கும்போது அவன் எங்கிருந்தாலும் சரி… உடனே இங்கு வந்துவிடுவான்’’ என்று தான் வளர்ந்த பூமியை விட்டுப் பயணமாவதைப் படிக்கும்போது தலைமையின் தலைமைப் பண்பை உணர்கிறோம். அங்கங்கே தற்போது கால நிகழ்வுகள் பற்றிய ராகுல்ஜியின் விமர்சனங்கள் மின்னல் கீற்றுகளாகவும் பளிச்சிடும். இப்புத்தகத்தில் அன்றைய அரசியல், சரித்திரம் ஆதாரங்களுடன் படம்பிடித்துக் காட்டப்படுகின்றன.
’36 மொழிகள் தெரிந்த அறிஞர் ராகுல்ஜி, 150 நூல்களை எழுதியவர். அவரது இந்த நூலைத் தமிழில் மொழிபெயர்த்துப் பதிப்பித்தவர் அமரர் கண.முத்தையா.
‘உலகத்தில் எத்தைனையோ பாஷைகளில் உள்ள தர்க்க ரீதியிலான மொழியாராய்ச்சி, மண், கல், தாமிரம், பித்தளை, இரும்பு, இவைகளிலே எழுதப்பெற்றும் செதுக்கப்பெற்றும் உள்ள சரித்திரம், இலக்கியங்கள், எழுத்து வடிவம் பெறாத பாடல்கள், கதைகள், பலநாட்டின் பல பழக்க வழக்கங்கள், புதைபொருள்கள் இவைகளில் இருந்ததெல்லாம் ஆதாரங்கள் தேடப்பட்டு’ இந்த நூலை எழுதியுள்ளார் ராகுல சாங்கிருத்தியாயன்.
திருமழிசையில் தங்கித் தமிழ் கற்ற இவர் இம்மொழி பெயர்ப்பைத் தமிழிலேயே படித்து அங்கீகரித்துள்ளார்.
ராகுல்ஜி இந்த மக்களை இம்மக்களின் மேம்பாட்டை எவ்வளவு நேசித்திருந்தால், இந்த அறிவுப் பெட்டகத்தை நமக்குத் தந்திருப்பார் என மலைக்க வைக்கும் புத்தகம் இது. 1949 முதல் இன்று வரை 23 பதிப்புகள் கண்டுள்ள அரிய நூல் ‘வால்காவிலிருந்து கங்கை வரை’, இந்தியாவில் ராகுல்ஜியின் பெயர் புழங்கும்வரையில் தமிழகத்தில் அவரது வால்காவிலிருந்துகங்கை வரை நூலும் அதை மொழிபெயர்த்துப் பதிப்பித்த தமிழ்ப்புத்தகாலய நிறுவனர் கண.முத்தையாவின் நினைவும் போற்றப்படும் இதே நூல்கள் சில ஆதிக்க சக்திகளால் அண்மையில் தெருவில் வீசி எறியப்பட்டுத் தீக்கிரையாக்கப்பட்டது. இந்தத் தாக்குதலுக்கு போற்றுதலுமே இந்த நூலில் உண்மைக்குச் சான்று.
- அகிலன் கண்ணன்
நன்றி: தினமணி

பாசி பயிறு முளைகட்டுவது எப்படி)/

 



5 mins Healthy Snacks - Sprouts - Easy to make, Zero efforts (பாசி பயிறு முளைகட்டுவது எப்படி)


VIDEO LINK


BY





பாரதி படத்தை கமலுக்கு போட்டுக் காட்ட முயன்ற சுஜாதா**

 பாரதி படத்தை கமலுக்கு போட்டுக் காட்ட முயன்ற சுஜாதா**




பாரதி படத்தை இயக்கிய ஞான ராஜசேகரன் ஒரு ஐ ஏ எஸ் அதிகாரியாக / தணிக்கைக் குழு அதிகாரியாக தன் பணிகளைத் திறம்படச் செய்தவர் என்பது பலர் அறிந்த விஷயம். அவர் பாரதி படத்தை இயக்கியபோது, அதை மீடியா ட்ரீம்ஸ் நிறுவனம் சார்பாகத் தயாரித்தவர் நம் சுஜாதா. அவருடன் வரதராஜன், மணிபிரசாத் என்ற இருவரும் இணைந்து தயாரித்து வெளியிட்டனர்.
பாரதி திரைப்படம் வணிக ரீதியாக வெற்றி பெற்றதா என்பது தெரியாது, இருந்தும் ஒரு யுக புருஷனைப் பற்றிய அந்தப் படத்தில் பாரதியாக மராட்டிய நடிகர் சாயாஜி ஷிண்டே பாரதியாக வாழ்ந்திருந்தார் என்றால் அது மிகையாகாது.
பாரதியார் என்றாலே தமிழ் ரசிகர்களுக்கு எஸ் வி சுப்பையாவின் பண்பட்ட நடிப்புதான் நினைவுக்கு வரும். அந்த அளவு அவர் பாரதியாராக கப்பலோட்டியத் தமிழன் படத்தில் நடித்திருந்தார். அந்தப் படத்தில் கப்பலோட்டியத் தமிழனாக நடிகர் திலகம்
அருமையாக
நடித்திருந்தும், மகாகவி பாரதியாராக நடித்த எஸ் வி சுப்பையாவின் மறக்க முடியாத நடிப்பும் அப்போது பெரிதும் பேசப்பட்டது என்பார்கள்.
மீடியா ட்ரீம்ஸ் சார்பாக எடுத்த பாரதி படத்தைப் பற்றி, இயக்குனர் ஞான. ராஜசேகரன், சித்ரா லெட்சுமணனுடன் நடத்திய உரையாடலை மிகவும் ரசிக்க முடிந்தது. அதில், இயக்குனர், பாரதியாரின் வாழ்க்கையைத் திரைப்படமாக எடுக்க வேண்டும் என்று நினைத்தவுடன், முதலில் மனதில் தோன்றிய நடிகர் கமல் என்கிறார். தான் கமலைச் சந்தித்து இந்தப் படம் பற்றி கூறியவுடன், கமல் மகிழ்ந்து, "நான் ஸ்டார் என்பதை மறந்து விடுங்கள். ஒரு நடிகனாக என்ன செய்ய முடியுமோ அதை நிச்சயம் நன்றாகச் செய்கிறேன்" என்று வாக்களித்து இருக்கிறார். முதலில் இந்தப் படத்தின் தயாரிப்பாளராக தாணு முன்வந்து எடுக்க ஆர்வமாக இருந்திருக்கிறார். "பாரதியின் படத்தை மிக நன்றாக எடுத்து அது ஓடாமல் நஷ்டப்பட்டாலும் பரவாயில்லை" என்று அவர் சொன்னதாக இயக்குனர் சொல்கிறார்.
படம் சம்பந்தமாக, கமலை தயாரிப்பாளர் சந்தித்ததாகவும், அப்போது கமல், இயக்குனர்
ஞான. ராஜசேகரனிடம் பேசியதற்கு நேரெதிராக தனக்கு வர வேண்டிய கோடிகள் சம்பளமாக வந்துவிட வேண்டும் என்றும், அதில் எந்தவித சமரசமும் இல்லை" என்று கராறாகப் பேசியிருக்கிறார். அப்போதும், தாணு தயாராக இருந்தும், இயக்குனர் அதற்கு ஒப்புக்கொள்ளவில்லை. பாரதி வாழ்ந்தவரை ஒரு பரதேசியாக, எந்தவித படாடோபமும் இல்லாமல் வாழ்ந்தவர். எனவே அவர் படத்தை அவ்வளவு செலவளித்து எடுப்பதில் தனக்கு விருப்பமில்லை என்று சொல்லிவிட்டு வேறு பொருத்தமான நடிகரைத் தேடியுள்ளார்.
அப்போது சாயாஜி ஷிண்டே புகழ்பெற்ற பெரிய நடிகர் ஆகவில்லை. ஷூல் (சூலம்) என்ற படத்தில் வில்லனாக நடித்ததைப் பார்த்து, அவரை பாரதியாராக நடிக்க வைக்கலாம் என்று இயக்குனருக்குத் தோன்றியுள்ளது.
ஷூல் ஹிந்தித் திரைப்படம் 1999-ம் ஆண்டு வெளிவந்தது. தற்போது சூப்பர் ஸ்டாராக விளங்கும் மனோஜ் பாஜ்பாயி நாயகனாக நடிக்க, சாயாஜி வில்லனாக நடித்துள்ளார். அவரை, மும்பையில் சந்தித்த ஞான ராஜ சேகரன் தன்னுடைய படமான பாரதியைப் பற்றிக் கூறி, நடிக்க விருப்பமா என்று கேட்க, சாயாஜி அதில் மிகவும் ஈடுபாடு காட்டியுள்ளதோடு, தான் பட்ஜெட் படமாக எடுப்பதால், அவருக்கு ஊதியமாக ரூ. ஐந்து லட்சம் மட்டுமே தர முடியும் என்று கூறியும். சாயாஜி மறுப்பு ஏதும் கூறாமல், அவ்வளவு புகழ்பெற்ற கவியைப் பற்றிய படம் என்பதால், பணம் பெரிதில்லை என்று கூறியுள்ளார். உடனே மளமளவென வேலைகளை ஆரம்பித்துள்ளார் ஞான ராஜசேகரன்.
படத்தின் முழு வசனத்தையும் கேட்டு வாங்கிக் கொண்டுள்ள சாயாஜி, நடிக்கப் பயிற்சி செய்ததோடு மட்டுமல்லாமல், வசனங்களையும் மனப்பாடம் செய்துள்ளார். படத்தில் அவருக்குப் பின்னணிக் குரல் கொடுத்த நடிகர் ராஜீவ், மிக கச்சிதமான வேலையைச் செய்திருந்தாலும், பாரதியின் வேடத்தில் சாயாஜி ஒன்றியதால் மிகவும்
அருமையாக
நடிக்க வந்துள்ளது.
முதலில், சாயாஜிக்கு பாரதியார் உருவ ஒப்பனை செய்துவிட்டு, எப்படி நடக்க வேண்டும், எப்படிப் பேச வேண்டும், எப்படி உணர்ச்சிவசப்பட வேண்டும் என்றெல்லாம் சொல்லிக்கொடுத்துள்ள ஞான. ராஜசேகரன், சாயாஜியை நடிக்கச் சொல்லி தனக்கு அந்த வீடியோவை அனுப்பும்படி கூறியுள்ளார்.
சாயாஜி அப்படியே செய்துள்ளார். அதைப் பார்த்த இயக்குனர் மகிழ்ச்சியில் உறைந்துள்ளார். அந்த அளவுக்கு சாயாஜியின் நடிப்பு அந்த வீடியோவில் இருந்துள்ளது. பேசுவதும், பாடுவதும், சித்தப்பிரமை பிடித்தவர் போல அமர்வதும், பிதற்றுவதும் என்று எல்லாவற்றையும் மிகக் கச்சிதமாக நடித்துள்ளார் சாயாஜி.
இத்தனை கலாட்டவுக்கு நடுவே, படத்தின் தயாரிப்பை மீடியா ட்ரீம்ஸ் நிறுவனம் ஏற்றுக்கொள்ள, அதன் சார்பாக, சுஜாதா மற்றும் இருவர் செயல்பட்டுள்ளனர்.
சுஜாதாவை ஏற்கனவே இயக்குனர் ஞான. ராஜசேகரன் அறிந்துள்ளதால், தான் ஏற்பாடு செய்த அந்த வீடியோவை சுஜாதாவுக்குப் போட்டுக்காட்ட, சுஜாதாவும் அசந்து போயிருக்கிறார். "என்ன சார், இவன் இப்படி நடிச்சிருக்கான்" என்று வியந்து பாராட்டியிருக்கிறார்.
இதன் பின், பாரதியின் மனைவி செல்லம்மாவாக தேவயானியியும், இசையமைப்பாளராக இசைஞானி இளையராஜாவும், மற்ற நடிகர்களும் படத்தில் இணைந்துள்ளனர். இளையராஜாவின் இசையில் "நிற்பதுவே, நடப்பதுவே" பாடலை யார் மறக்க முடியும்? அதைப் பாடிய ஹரிஷ் ராகவேந்திரா மிகவும் அருமையாகப் பாடியிருந்தார். மற்ற பாடல்களும் இந்தப் படத்தில் தெவிட்டாத தேனாக இனிக்கும்.
இதன் நடுவே சாயாஜிக்கு உடல்நலம் சரியில்லை என்று ஞான. ராஜசேகரனுக்குத் தகவல் வந்துள்ளது. பயந்து போன அவர் மும்பை விரைந்துள்ளனர். அவர் சாயாஜியைச் சந்தித்த போது, அவர், "சார், இந்தப் படத்தை விரைவில் முடித்துவிடுங்கள். பாரதி எனக்குள் இருந்துகொண்டு என்னவோ செய்கிறார்" என்று கூறியுள்ளதைக் கேட்டு, இயக்குனர் பாரதியின் பாத்திரத்தில் சாயாஜி எவ்வளவு தூரம் ஒன்றிப்போயுள்ளார் என்று உணர்ந்து மகிழ்ந்திருக்கிறார்.
படம் முடிந்த பிறகு, மும்பைக்கு விமானம் ஏற்றிவிட, சாயாஜியுடன் ஞான ராஜ சேகரன் விமான நிலையம் சென்றுள்ளார். வேறு ஏதோ விமானம் ஒன்று இயந்திரக் கோளாறு காரணமாக மற்ற விமானங்கள் தாமதமாக, சாயாஜி இயக்குனரிடம் சொல்லியுள்ளார்.
"சார், நேரமாகிவிட்டது, நீங்கள் கிளம்புங்கள். நான் செல்லும் விமானம் ஏதாவது விபத்துள்ளாகி, நான் இறந்து போனாலும் பரவாயில்லை. ஒரு மிக நல்ல பாத்திரத்தில், நல்ல படத்தில் நடித்துவிட்டேன்" என்றதைக் கேட்டு கண் கலங்கியுள்ளார் இயக்குனர்.
இந்தப் படம் ரிலீஸானாவுடன் அதை கமலுக்கு போட்டுக்காட்ட, மீடியா ட்ரீம்ஸ் நிறுவனத்தின் Consulatant ஆகவும், நல்ல நண்பராகவும் சுஜாதாவே முயன்றும், கமல் அதில் ஆர்வம் காட்டவில்லை என்று தெரிகிறது. பாரதி படத்தின் Creative Head ஆக சுஜாதா இருந்துள்ளார்.
எங்கோ மகாராஷ்டிரத்தில் பிறந்து, பாரதியாக வாழ்ந்து காட்டிய சாயாஜி ஷிண்டேயைப் பார்க்கும் போது இந்த வசனம் தான் நினைவுக்கு வருகிறது.
தசாவதாரத்தில் நாயுடு வேடத்தில் நடிக்கும் கமல் பேசுவதாக ஒரு வசனம் வரும், "தெலுகு தாய்மொழி எனக்கு, நான் தமிழில் பேசுகிறேன். ஆனால், தமிழ் தாய்மொழியாகக் கொண்ட நீங்கள் ஆங்கிலம் பேசினால் தமிழ் எப்படி வளரும்?" என்று விஞ்ஞானியாக வரும் கமலிடம் கேட்பார். அதற்கு, அந்தக் கமல் அலட்சியமாக, "உங்கள் மாதிரி யாராவது ஒரு தெலுங்கர் வந்து வளர்ப்பார்" என்பார்.
தமிழ் மொழியின் அடையாளமான மஹாகவியின் வேடத்தில் நடிக்க, தன்னை பாரதியின் பெரும் ரசிகன் என்று சொல்லிக்கொள்ளும் ஒரு முன்னணி தமிழ் நடிகர் நடிக்க விரும்பவில்லை என்பது கொடுமை.
-THANKS
சுஜாதா வாசகர்கள் குழு FACE BOOK

புத்தகத்துக்கு வலிக்கும்'

 



புக் ஷாப்புக்குச் சென்று சில புத்தகங்கள் வாங்கினாள். அழகேசனுடன் சேர்ந்ததில் வந்த பழக்கம் அது... ' முதலில் சின்னப் புத்தகமாக ஏதாவது வாங்கிப் படி.. லேசான கதைகள், கட்டுரைகள். உனக்கு நாட்டமிருந்தால் கவிதைகள்... ஏதாவது புத்தகம் வாங்குவதற்கு முதலில் பழகவேண்டும். அப்புறம் அதில் தவறாமல் கையெழுத்து போடு. வாங்கின தேதி, இடம். நிச்சயம் மறுபடி அதைப் புரட்டும்போது, அடடா வாங்கி ஒரு மாசமாகி விட்டதே என்று படிக்கக் ஆரம்பிப்பாய். அப்புறம் படித்த பக்கம்வரை ஒரு அடையாளம் வை. காதை மடக்காதே. புத்தகத்துக்கு வலிக்கும்' என்பான்.”

― சுஜாதா [Sujatha]
இன்று இவரின் நினைவு நாள்

"உங்களில் ஒருவன்" மு.க ஸ்டாலினின் சுயசரிதை

 






தமிழக முதல்வர் மு.க ஸ்டாலினின் சுயசரிதையான "உங்களில் ஒருவன் (பாகம் 1)" வெளியீட்டு விழா, நாளை  பிப்ரவரி 28 ஆம் தேதி சென்னையில் நடைபெறவுள்ளது. இந்த வெளியீட்டு விழாவில், இந்தியா முழுவதிலுமிருந்து முக்கிய எதிர்கட்சி தலைவர்கள் பங்கேற்கவுள்ளனர். மு.க.ஸ்டாலி‌னின் அரசியல் வாழ்க்கை 1967ஆம் ஆண்டு, ‌‌அவரது பதினான்காவது வயதிலேயே தொடங்கி விட்டது. ‌ஏறத்தாழ அரைநூற்றாண்டு கால அரசியல் அனுபவத்தை ஸ்டாலின் பெற்றிருக்கிறார். முதலமைச்சர் அவ்வளவு சாதாரணமாக இந்த பதவிக்கு வந்துவிடவில்லை. பல சவால்களை சந்தித்த பின் தான் இந்த பதவிக்கு வந்துள்ளார். "உங்களில் ஒருவன்" சுயசரிதையைப் படிப்பதன் மூலம் அவரது போராட்டங்களைப் பற்றி மேலும் அறியலாம். 

இந்த விழாவில், நடிகர் சத்யராஜ் ரசிகர்களுக்கு ஒரு மகிழ்ச்சியான தருணம். எங்கள் "புரட்சித் தமிழன்" அவர்கள் இந்த விழாவில் பங்கேற்று வாழ்த்துரை வழங்கவுள்ளது குறிப்பிடத்தக்கது. இந்த வரலாற்று சிறப்புமிக்க நிகழ்வில் சத்யராஜ் அவர்களின் குரல் ஒலிப்பது என்பது பெருமைக்குரியது. புரட்சித் தமிழனின் வாழ்க்கைப் பயணத்தில் இந்தப் பெருமைக்குரிய தருணத்தை வழங்கிய முதல்வர் மு.க. ஸ்டாலின் அவர்களுக்கு நெஞ்சார்ந்த நன்றிகள் பல. 

இந்த வேளையில், தமிழகத்தை சிறப்பாக வழிநடத்திச் செல்லும் முதல்வர் ஸ்டாலினுக்கு மனமார்ந்த வாழ்த்துக்கள். நீங்கள் தலைமைப் பொறுப்பை ஏற்ற பிறகு பல அதிரடி மாற்றங்கள் ஏற்பட்டுள்ளன. பல திறமையான மற்றும் அர்ப்பணிப்புள்ள ஊழியர்கள் நிர்வாக பதவிகளில் நியமிக்கப்படுகிறார்கள். பொதுமக்களின் குரலைக் கேட்க உங்கள் நேரத்தை ஒதுக்குகிறீர்கள். உங்கள் தலைமை தமிழகத்தின் வெற்றியை அடுத்த கட்டத்திற்கு கொண்டு செல்லட்டும். 


வாழ்க 🙏 வளமுடன் 


ராஜ் குமார் மலேசியா


போலியோ சொட்டு மருந்து முகாம் 2022/#பீப்பிள் டுடே செய்தி








 நாட்டில் போலியோ நோயை முழுமையாக ஒழிப்பதற்கு ஆண்டுதோறும் தீவிர போலியோ சொட்டு மருந்து முகாம் நடத்தப்பட்டு வருகிறது. இந்த முகாமில் 5 வயதிற்கு உட்பட்ட அனைத்து குழந்தைகளுக்கும் ஒரே நேரத்தில் போலியோ சொட்டு மருந்து வழங்கப்படுகிறது. இதன் பலனாக இந்தியாவில் போலியோ நோயின் தாக்கம் இல்லாத நிலை உருவாகியுள்ளது. இந்த நிலை தொடர 5 வயதிற்கு உட்பட்ட அனைத்து குழந்தைகளுக்கும் போலியோ சொட்டு மருந்து இன்று (ஞாயிற்றுக்கிழமை) கூடுதலாக கொடுக்க திட்டமிடப்பட்டுள்ளது.

இந்த நிலையில் தமிழகத்தில் குழந்தைகளுக்கு போலியோ சொட்டு மருந்து வழங்கும் முகாம் இன்று தொடங்கியது.  காலை 7 மணிக்கு தொடங்கிய சொட்டு மருந்து முகாம் மாலை 5 மணி வரை நடைபெறுகிறது.

இதற்காக  43,051 இடங்களில் போலியோ சொட்டு மருந்து முகாம் அமைக்கப்பட்டுள்ளது. அரசு ஆரம்ப சுகாதார நிலையங்கள், அரசு மருத்துவமனைகள், அங்கன்வாடி மையங்கள், சத்துணவு மையங்கள், பள்ளிகள் மற்றும் முக்கிய இடங்கள் என மொத்தம் 43,051 மையங்களில் இந்த முகாம் நடைபெறவுள்ளது.


இந்த மையங்களில் 47.36 லட்சம் குழந்தைகளுக்கு போலியோ சொட்டு மருந்து வழங்க இலக்கு நிர்ணயிக்கப்பட்டு ஏற்பாடுகள் செய்யப்பட்டுள்ளன. காய்ச்சல், இருமல் மற்றும் கோவிட் தொற்று இருந்தால் மையங்களுக்கு அனுமதி இல்லை என்று தெரிவிக்கப்பட்டுள்ளது. அண்மையில் பிறந்த குழந்தைகளுக்கு சொட்டு மருந்து கொடுப்பது அவசியம் என்றும் தமிழக அரசு தெரிவித்துள்ளது.


இதன்படி, சென்னை தேனாம்பேட்டை திருவள்ளுவர் சாலையில் மருத்துவ துறை சார்பில் அமைக்கப்பட்ட போலியோ சொட்டு மருந்து முகாமில் முதல்-அமைச்சர் மு.க. ஸ்டாலின் இன்று காலை பங்கேற்றார்.  இதன்பின் குழந்தைகளுக்கு சொட்டு மருந்து வழங்கி முகாமை தொடங்கி வைத்துள்ளார்.



இதில், 5 வயகுக்கு உட்பட்ட குழந்தைகளுக்கு சொட்டு மருந்து வழங்கி அவர்களுக்கு பொம்மை உள்ளிட்ட பரிசுகளையும் வழங்கினார்.  உடல்நலம் பாதித்த குழந்தைகள் அடுத்தடுத்த நாட்களில் சொட்டு மருந்து எடுத்து கொள்ளலாம்.  சொட்டு மருந்து தரப்படும் குழந்தைகளுக்கு கை விரலில் மை வைக்கப்படும்.  சொட்டு மருந்து வழங்கும் பணியில் 2 லட்சம் பேர் ஈடுபட உள்ளனர் என தெரிவிக்கப்பட்டு உள்ளது.

 சென்னை கொளத்துரில் உள்ள எவர் வின் மெட்ரிகுலேஷன் higher செகண்டரி பள்ளியில் இன்று 27.2.2022 ஒரு பெரிய மெகா கேம்ப் நடத்த பட்டு வருகிறது 55000 குழந்தைகளுக்கு போலியா சொட்டு மருந்து வழங்கபடும் என தெரிவிக்க பட்டுள்ளது

அனைத்து குழந்தைகளுக்கும் கிப்ட் வழ ங்கப்பட்டு வருகிறது

பெற்றோர்களும் குழந்தைகளும் மிகவும் உற்சா கத் துடன் பங்கு கொண்டு வருகிறார்கள்

,இந்த நிகழ்வு பற்றிய ஒரு காணொளி



#பீப்பிள் டுடே செய்தி



Saturday, February 26, 2022

"ஹீரோ" ஸ்டாலின்.. நியூஸ்பேப்பரை திறந்தால்

 

"ஹீரோ" ஸ்டாலின்.. நியூஸ்பேப்பரை திறந்தால்.. இப்படியும் ஒரு முதல்வரா.. மாஸ் காரியம்.



சென்னை:  நேற்று  திமுக அரசு செய்த காரியத்தை பார்த்து, பல்வேறு தரப்பினர் வியந்துபோயுள்ளனர்.. குறிப்பாக திமுக தலைவரை பாராட்டி கொண்டிருக்கிறார்கள்.. சோஷியல்மீடியா முழுமையிலும் இதே பேச்சாகத்தான் உள்ளது.
முன்னாள் முதல்வர் ஜெயலலிதாவின் 74-வது பிறந்தநாளை அதிமுக தொண்டர்கள் உற்சாகத்துடன் கொண்டாடி வருகின்றனர்
ராயப்பேட்டை, தலைமை கழகமான எம்ஜிஆர் மாளிகையில் உள்ள ஜெயலலிதாவின் திருவுருவச் சிலைக்கு கட்சி சார்பில் மரியாதை செலுத்தப்பட்டது.
தமிழக அரசு அதேபோல, தமிழக அரசு சார்பில் ஜெயலலிதாவின் புகைப்படத்திற்கு மலர் தூவி அஞ்சலி செலுத்தப்படுகிறது... இந்த நிகழ்ச்சியில் அமைச்சர்கள் சேகர்பாபு. மா.சுப்ரமணியன் கலந்துக் கொள்ள உள்ளனர்.. இந்நிலையில், நாளிதழ்களில் இன்றைய தினம் திமுக அரசு ஒரு விளம்பரம் தந்துள்ளது.. அதுவும் மறைந்த முதல்வர் ஜெயலலிதா பிறந்தநாள் விளம்பரம் தந்துள்ளது.. அந்த விளம்பரத்தில் உள்ளதாவது:


திமுக அரசு விளம்பரம் "முன்னாள் முதலமைச்சர் செல்வி ஜெ.ஜெயலலிதா அவர்களின் 74-ஆவது பிறந்த நாளை முன்னிட்டு, சென்னை காமராஜர் சாலையில் உள்ள டாக்டர் ஜெ.ஜெயலலிதா வளாகத்தில் தமிழ்நாடு அரசின் சார்பில் நிறுவப்பட்டுள்ள அவரது திருவுருவச்சிலைக்கு, சீர்மிகு பெருமக்கள் தனிமனித இடைவெளியைக் கடைப்பிடித்து மலர்தூவி மரியாதை செலுத்துவார்கள். நாள்:24.2.2022, வியாழக்கிழமை, நேரம்: காலை 10,00 மணி, இயக்குனர், செய்தி - மக்கள் தொடர்புத்துறை சென்னை" என்று அந்த விளம்பரம் வெளியாகி உள்ளது.. ஜெயலலிதாவின் போட்டோவும் அதில் இடம்பெற்றுள்ளது
பிறந்த நாள் அரசு சார்பில் தரப்பட்ட இந்த விளம்பரம் பலரது கவனத்தையும் ஈர்த்து வருகிறது. அதிமுகவின் மறைந்த முதல்வர் ஜெ ஜெயலலிதாவின் 74வது பிறந்தநாளை முன்னிட்டு திமுக அரசு தமிழ் நாளிதழில் இப்படி விளம்பரம் செய்துள்ளதே.. ஆனால், அதிமுக ஆட்சியில் கருணாநிதியின் பிறந்தநாளுக்கு இதுபோன்ற விளம்பரங்களை பார்த்ததாக நினைவில்லை. தமிழகத்தின் பெருந்தன்மை கொண்ட தலைவராக முதல்வர் ஸ்டாலின் விளங்குகிறார் என்று ட்விட்டர்வாசிகள் கொண்டாட ஆரம்பித்துள்ளனர்.

அணுகுமுறை 
சிலருக்கு ஸ்டாலினின் இந்த அணுகுமுறை புதிதாக இருந்தாலும், இயல்பாகவே மாற்று கட்சியினரை மதிக்கக்கூடிய பண்பு அவரிடம் உள்ளது என்பதை மறுக்க முடியாது.. இப்போது சட்டசபையில் அந்த மாண்பை நேரடியாக பலர் பார்க்க நேர்ந்தாலும், இதற்கு மிகச்சிறந்த உதாரணமாக ஒரு நிகழ்வை குறிப்பிடலாம்.. ஜெயலலிதா இறந்தபோது, திமுக சார்பில் இரங்கல் அறிக்கை வெளியிட்டார் அப்போதைய எதிர்க்கட்சி தலைவரான ஸ்டாலின்.. பிறகு தன்னுடைய ட்விட்டர் பக்கத்தில் ஒரு இரங்கல் ட்வீட்டும் பதிவிட்டிருந்தார்.

ஆனால், சட்டசபையில் இரங்கல் தீர்மானத்தின்போது ஸ்டாலின் பேசிய பேச்சு அனைவரையும் வியக்க வைத்தது.. அதன் சுருக்கம் இதுதான்: 89-ம் ஆண்டு தேர்தலில் வெற்றி பெற்று முதன்முதலாக அம்மையார் ஜெயலலிதா அவர்களும், நானும் ஒரே நேரத்தில் சட்டமன்றத்தில் காலடி எடுத்து வைத்தோம்.. அன்றைக்கு நான் ஆளுங்கட்சி வரிசையில் உட்கார்ந்திருந்தேன்.. அம்மையார் எதிர்கட்சித் தலைவர் வரிசையில் இருந்து பணியாற்றினார்கள். இதை இப்போது எண்ணிப்பார்க்கின்றேன்.
தலைவர் கலைஞர் திமுக சார்பில் 21 லட்ச ரூபாய் நிதி திரட்டப்பட்டு, அம்மையாரிடம் நிதியினை அளிக்கச் சென்ற போது தான் முதன் முதலாக அவர்களை நான் நேரில் சந்தித்தேன்... என்னிடம் அவர் "தலைவர் கலைஞர் அவர்கள் எப்படி இருக்கிறார். அவர் உடல்நிலை எப்படி இருக்கிறது" என்று விசாரித்தார்.. அதையும் நான் நினைத்து பார்க்கிறேன்.

2016-ம் ஆண்டு அ.தி.மு.க வெற்றி பெற்று ஆட்சி பதவியேற்பு நிகழ்ச்சி பல்கலைகழக நூற்றாண்டு மண்டபத்தில் நடைபெற்றது. அந்த நிகழ்ச்சிக்கு எதிர்கட்சியான எங்களுக்கும் அழைப்பு அனுப்பப்பட்டது. நாங்களும் சென்றிருந்தோம். எங்களுக்கு 11-வது வரிசையில் இடம் ஒதுக்கப்பட்டிருந்தது. நாங்களும் அந்த நிகழ்ச்சியில் கலந்து கொண்டு நிகழ்ச்சி முடிந்ததும் கலைந்து சென்றோம். இந்த நிகழ்வைப் பற்றி நான் கூட பெரிதாக நினைக்கவில்லை.
நினைவலைகள் 
ஆனால் சில பத்திரிகைகளில் அது குறித்த செய்தி வந்ததும், அம்மையார் அவர்கள் இது குறித்து அறிக்கை ஒன்றை வெளியிட்டிருந்தார்கள். அதில் ' என்னையோ, தி.மு.க-வையோ அவமதிக்கும் நோக்கத்தில் நாங்கள் செயல்படவில்லை' என்று அதற்காக வருத்தம் தெரிவித்து இருந்தார்.. எங்களைப் பொறுத்தவரை மறைந்த அம்மையாரை பாராட்டக்கூடிய விஷயம் என்னவென்றால், எதற்கும் அஞ்சாமல், எதைப் பற்றியும் கவலைப்படாமல் அதை சந்திக்கக் கூடிய ஆற்றல் பெற்றவராக அவர் விளங்கினார் என்பது உண்மை" என்று ஸ்டாலின் ஜெயலலிதாவின் நினைவலைகளை அன்று புகழ்ந்தார்.
கருணாநிதி 
சட்டசபையில் இப்படி இரங்கல் தீர்மானத்தின்போது பேசுவது வழக்கம் என்றாலும், ஜெ.பற்றிய ஸ்டாலினின் உயர்ந்த மதிப்பீடு அன்றே வெளிப்பட்டது.. அது இன்றும் வெளிப்பட்டுள்ளது.. கருணாநிதியின் மகனுக்கு அரசியல் நாகரீகம் சொல்லி தர வேண்டுமா என்ன?! அதனால்தான் அவர் இந்த தமிழகத்தின் முதல்வராக மக்கள் மனதில் போற்றப்படுகிறார்..
:
நன்றி

மகா சிவராத்திரியால் இந்த 4 ராசிக்கும் மூட்டை மூட்டையாக பணம் கொட்ட போகுதாம்

 

மகா சிவராத்திரியால் இந்த 4 ராசிக்கும் மூட்டை மூட்டையாக பணம் கொட்ட போகுதாம்...யாருக்கு விபரீத ராஜயோகம்!





மகாசிவராத்திரி மார்ச் 01 ஆம் தேதி கொண்டாடப்படவுள்ளது.

இந்நாளில் பலர் விரதம் இருந்து இரவு முழுவதும் தூங்காமல் சிவபெருமானை வழிபடுவார்கள்.

மகா சிவராத்திரி நாளானது சில ராசிக்காரர்களுக்கு அதிர்ஷ்டம் அடிக்கப் போகிறது. அந்த ராசிக்காரர்கள் யார்யார் என்பதையும், எப்படிப்பட்ட பலன்களைப் பெறப் போகிறார்கள் என்பதையும் தொடர்ந்து படித்து தெரிந்து கொள்ளுங்கள்.  

மேஷம்

மகா சிவராத்திரியில் இருந்து நல்ல காலம் ஆரம்பிக்கிறது. மகா சிவராத்திரியால் உங்கள் அதிர்ஷ்ட நட்சத்திரங்கள் மேலும் உயரும். சம்பள உயர்வுக்கான வாய்ப்புக்களும் உண்டு. சிவபெருமானின் அருளால் உங்கள் ஆசைகள் அனைத்தும் நிறைவேறும்.  

சிம்மம்

சிவருபெருமானின் அருளால் சிம்ம ராசிக்காரர்களின் நிதி நிலைமை சிறப்பாக இருக்கும். பணிபுரிபவர்கள் சிறப்பான சாதனைகளைப் புரிவார்கள். புதிய வேலையைப் பெற நினைப்பவர்களுக்கு அல்லது வேலை தேடுபவர்களுக்கு நினைத்த வேலை கிடைக்கும். வியாபாரத்தில் நல்ல லாபத்தைப் பெற்று மூட்டை மூட்டையாக பணம் சேர்க்க அதிக வாய்ப்புகள் கிடைக்கும்.

துலாம்

துலாம் ராசிக்காரர்களுக்கு இந்த நாள் மிகவும் சிறப்பாக இருக்கும். இந்நாளில் இந்த ராசிக்காரர்கள் சிவபெருமானுக்கு வில்வ இலைகளை வழங்குவது நல்லது. ஒன்றுக்கு மேற்பட்ட ஊடகங்களில் இருந்து பணத்தை சம்பாதிப்பீர்கள். பணியிடத்தில் பதவி உயர்வைப் பெற வாய்ப்புள்ளது. தொழிலை தொடங்க நினைத்தால், அதற்கு இந்த காலம் மிகவும் நன்றாக இருக்கும். வாழ்க்கையில் புதிய சிந்தனையுடன் முன்னேறுவீர்கள்.

விருச்சிகம்

மகா சிவராத்திரி இந்த ராசிக்காரர்களை புதிய சாதனைகளைப் படைக்க வைக்கும். அலுவலகத்தில் மேலதிகாரிகளின் முழு ஒத்துழைப்பு கிடைக்க. சம்பள உயர்வு பெறுவதற்கான வாய்ப்புக்கள் உள்ளன. இந்நாளில், சிவனுக்கு வில்வ இலைகளைப் படைத்து வழிபடுவது இந்த ராசிக்காரர்களுக்கு நல்லது. அதோடு சில சாலிசாவைப் பாராயணம் செய்யுங்கள்.

சமையலில் தெரியாமல் கூட இந்த 12 விஷயங்களை செய்து விடாதீர்கள்

 சமையலில் தெரியாமல் கூட இந்த 12 விஷயங்களை செய்து விடாதீர்கள்



ஆண், பெண் என்கிற பாகுபாடின்றி சமையல் கலையை மனிதன் வளர்த்துக் கொண்டால் நீண்ட நாட்கள் ஆயுளுடன் வாழ முடியும்! ஒரு ஜான் வயிற்றுக்கு தானே இந்த போராட்டம் எல்லாம் என்று நினைக்க தோன்றும் அளவிற்கு உணவின் முக்கியத்துவம் இன்றி அமையாதது. அதில் இந்த 12 விஷயங்களை செய்யக்கூடாதது எதெல்லாம்? என்பதைத் தான் இந்த பதிவின் மூலம் கற்றுக் கொள்ள இருக்கிறோம்.


குறிப்பு 1: சமையல் கலையில் முதலில் தெரிந்து கொள்ள வேண்டியது ரசத்தை அதிகம் கொதிக்க வைக்கக் கூடாது என்பது ஏன்? முந்தைய காலங்களில் ஈய பாத்திரத்தில் ரசம் வைப்பார்கள். அதிகம் கொதித்தால் ஆகாது என்பதால் அவ்வாறு கூறப்பட்டது. ஆனால் இப்போது எவர்சில்வரில் வைப்பதால் ரசம் கொதிக்கும் முன்பு அணைக்க தேவை இல்லை.

குறிப்பு 2: மோர் குழம்பு செய்யும் பொழுது குறைந்த தீயில் வைத்து செய்ய வேண்டும். இல்லை என்றால் மோர் திரிந்துவிடும். மோர் குழம்பு ஆறிய பிறகே மூடி வைக்க வேண்டும். அதற்கு முன்பு மூடி போடக்கூடாது.

குறிப்பு 3: காய்கறிகளை நறுக்கும் பொழுது எப்பொழுதும் அதன் முழு சத்துக்கள் நமக்கு கிடைப்பதற்கு பெரிது பெரிதாக நறுக்க வேண்டும். பொடிப் பொடியாக நறுக்கக் கூடாது என்பதை தெரிந்து கொள்ளுங்கள்.


குறிப்பு 4: எந்த ஒரு பொருளிலும் நீங்கள் எலுமிச்சை சாற்றை சேர்க்கும் பொழுது சூடாக இருக்கும் பொழுதே பயன்படுத்தக் கூடாது. எலுமிச்சை சாற்றை நேரடியாக முகத்திற்கு பயன்படுத்தக் கூடாது.


குறிப்பு 5: வெங்காயம், தக்காளி வதக்கும் போது வெங்காயத்தை வதக்கிய பின்பு தான் தக்காளியை போட்டு வதக்க வேண்டும் இரண்டையும் ஒன்றாக சேர்த்து வதக்கக் கூடாது. குறிப்பு 6: சமையல் கலையை இன்னும் சுலபமாக்க கூடிய இந்த ஃப்ரிட்ஜ் ரொம்பவே முக்கியமானது. அதில் வைக்கக்கூடாத 2 பொருட்களில் ஒன்று உருளைக்கிழங்கு, இன்னொன்று வாழைப்பழம் ஆகும்.

குறிப்பு 6: சமையல் கலையை இன்னும் சுலபமாக்க கூடிய இந்த ஃப்ரிட்ஜ் ரொம்பவே முக்கியமானது. அதில் வைக்கக்கூடாத 2 பொருட்களில் ஒன்று உருளைக்கிழங்கு, இன்னொன்று வாழைப்பழம் ஆகும்.


குறிப்பு 7: நீங்கள் சமையல் செய்யும் பொழுது கூடுமானவரை பெருங்காயத்தூள் சேர்ப்பது ஆரோக்கியத்திற்கு நல்லது. அப்படி பெருங்காயம் சேர்க்கும் பொழுது தாளிக்கும் எண்ணெய் அதிகம் காயக்கூடாது.

 குறிப்பு 8: குருமா மற்றும் தேங்காய் சேர்த்து செய்யப்படும் குழம்பு வகைகளில் தேங்காயை இறுதியாக சேர்க்கும் பொழுது குழம்பு அதிகம் கொதிக்கக் கூடாது.


குறிப்பு 9: குலாப் ஜாமூன் செய்யும் பொழுதும் எண்ணெய் அல்லது நெய் அதிகம் கொதிக்க விடாமல் பொன்னிறமாக வறுத்து எடுக்க வேண்டும். 

குறிப்பு 10: குழம்பு, பொரியல் என்று நீங்கள் எதைச் சமைப்பதாக இருந்தாலும் அதில் கடைசியாக தான் கொத்தமல்லி தழையை நறுக்கி போட வேண்டும். அடுப்பில் வைத்துக் கொண்டே கொத்தமல்லியை நறுக்கிப் போட கூடாது

குறிப்பு 11: காய்கறிகளை எப்பொழுதும் நறுக்குவதற்கு முன்பே கழுவி கொள்ள வேண்டும். நறுக்கிய பின்பு தண்ணீரில் கழுவ கூடாது. அது போல நறுக்குவதற்கு முன்பு தண்ணீரில் ஊற வைப்பதும் கூடாது. 


குறிப்பு 12: பன்னீர் தயாரிக்கும் பொழுது பாலை திரிய செய்ய எலுமிச்சை சாறு ஊற்றுவது வழக்கம் ஆனால் அதற்கு பதிலாக தயிர் சேர்த்து பாலை திரிய செய்தால் பன்னீர் புளிக்காமல் சுவையாக இருக்கும்.



நன்றி https://dheivegam.com/

அமெரிக்கா அவ்வளவு "கெஞ்சியும்".. ரஷ்யாவை எதிர்க்காத இந்தியா!

 

அமெரிக்கா அவ்வளவு "கெஞ்சியும்".. ரஷ்யாவை எதிர்க்காத இந்தியா! உருவான மாஸ் டீம்?


ரஷ்யாவிற்கு எதிரான ஐநா பாதுகாப்பு கவுன்சிலில் அமெரிக்கா கொண்டு வந்த தீ

ர்மானத்தை இந்தியா புறக்கணித்து உள்ளது. அதாவது இந்தியா இந்த தீர்மானத்தின் மீது வாக்களிக்கவில்லை. இந்தியாவின் இந்த முடிவிற்கு பின் வேறு சில காரணங்கள் இருக்கின்றன.


உக்ரைனில் ரஷ்யா தீவிரமாக போர் நடத்தி வருகிறது. உக்ரைன் எல்லைக்குள் புகுந்த ரஷ்யா இன்று காலை உக்ரைன் தலைநகர் கிவ் அருகே சென்றுள்ளது. அங்கு ரஷ்யா - உக்ரைன் படைகளுக்கு இடையே கடுமையான போர் நடந்து வருகிறது

.ரஷ்யாவின் இந்த போர் உலக நாடுகள் இடையே கோபத்தை ஏற்படுத்தியது. இதையடுத்து இன்று ரஷ்யாவிற்கு எதிராக ஐநா பாதுகாப்பு கவுன்சிலில் முக்கியமான தீர்மானம் கொண்டு வரப்பட்டது.

உக்ரைனுக்கு எதிரான ரஷ்யாவின் போரை கண்டிக்கும் வகையில் அமெரிக்கா இந்த தீர்மானத்தை கொண்டு வந்தது. ஐநா பாதுகாப்பு கவுன்சிலில் இருக்கும் நிரந்தர உறுப்பினர்கள், தற்காலிக உறுப்பினர்கள் ஆகியோர் முன் இன்று இந்த தீர்மானம் வாக்கெடுப்பிற்கு வந்தது. முறைப்படி இந்த தீர்மானம் இன்று காலை மிக சீக்கிரமாக வந்து இருக்க வேண்டும். ஆனால் இந்த தீர்மானத்தை இந்தியா ஏற்கவில்லை என்று முன்பே அமெரிக்காவிடம் தெரிவித்துவிட்டது.

அதேபோல் சீனாவும் இந்த தீர்மானத்தை ஆதரிக்க போவதில்லை என்று தெரிவித்து இருக்கிறது. இதையடுத்து தீர்மானத்தை இந்தியா ஏற்றுக்கொள்ள வேண்டும் என்று அமெரிக்கா தரப்பு கொஞ்சம் தீவிரமாக முயன்று இருக்கிறது. கிட்டத்தட்ட கெஞ்சாத குறையாக அமெரிக்கா இதற்கான முயற்சிகளை எடுத்துள்ளது. இதற்காக தான் முன்மொழிய இருந்த தீர்மானத்தில் கண்டனம் என்ற வார்த்தையை கூட நீக்கிவிட்டு விமர்சனம் என்று மாற்றியது. ரஷ்யாவை போருக்கு எதிராக கண்டிக்காமல் விமர்சிக்கும் வகையில் இந்த தீர்மானம் குறைக்கப்பட்டது.
ஆனால் அப்போதும் கூட இந்த வரைவு தீர்மானத்தை இந்தியா ஏற்கவில்லை என்று அமெரிக்காவிடம் கூறிவிட்டது. ரஷ்யா உக்ரைனில் இருந்து உடனடியாக வெளியேற வேண்டும். உக்ரைன் போரை உடனடியாக கைவிட வேண்டும். உக்ரைனில் இருக்கும் படைகளை திரும்ப பெற்று ஆக்கிரமித்த நிலங்களை மீண்டும் கொடுக்க வேண்டும். அதோடு உக்ரைனில் இரண்டு பகுதிகளை ரஷ்யா சுதந்திர இடமாக அறிவித்ததை திரும்ப பெற வேண்டும் என்பதுதான் இந்த தீர்மானத்தின் முக்கிய அம்சம்.அமெரிக்கா அவ்வளவு கெஞ்சியும் இந்த தீர்மானத்தை இந்தியா ஏற்கவில்லை. 

அதேபோல் ஐநா பாதுகாப்பு கவுன்சிலில் ரஷ்யா நிரந்தர உறுப்பு நாடாக உள்ளது. நிரந்தர உறுப்பு நாடுகளுக்கு வீட்டோ அதிகாரம் இருக்கும். அதாவது டோ அதிகாரம் உள்ள நாடுகள் தங்கள் ஒரே ஒரு வாக்கின் மூலம் மொத்தமாக தீர்மானங்களை முறியடிக்க முடியும். ரஷ்யா இன்று எதிர்பார்த்தது போலவே தனது அதிகாரத்தை பயன்படுத்தி தனக்கு எதிரான தீர்மானத்தை முறியடித்தது.

சீனா இந்த தீர்மானத்தை ஆதரிக்கவில்லை. சீனாவும் இந்த தீர்மானத்திற்கு எதிர்ப்பு தெரிவித்தது. அதேபோல் ஐக்கிய அரபு எமிரேட் வாக்கெடுப்பில் பங்கேற்காமல் ஒதுங்கியது. எனவே மீதம் உள்ள 11 உறுப்பு நாடுகள் ரஷ்யாவிற்கு எதிராக வாக்களித்தன. திடீரென.. அமெரிக்காவின் கெஞ்சலுக்கு கூட செவி சாய்க்காமல் இந்தியா இப்படி ரஷ்யாவிற்கு எதிராக செயல்படாமல் ஒதுங்கியது பல கேள்விகளை எழுப்பி உள்ளது. இந்தியா எங்கே ரஷ்யா - சீனாவுடன் டீம் போடுகிறதோ என்ற கேள்வியை எழுப்பி உள்ளது

சீனா தனது விளக்கத்தில் , உக்ரைன் நாட்டின் பாதுகாப்பு ரஷ்யாவிற்கு அச்சுறுத்தலாக இருக்க கூடாது. பிற நாடுகளின் ராணுவ விரிவாக்கம் ரஷ்யாவிற்கு அச்சுறுத்தலாக இருக்க கூடாது என்று கூறி நேட்டோவை விமர்சனம் செய்து ரஷ்யாவிற்கு ஆதரவாக பேசி இருக்கிறது. அதாவது ரஷ்யா தனது பாதுகாப்பிற்காகவே இப்படி செய்வதாக சீனா கூறியுள்ளது. ஆனால் இந்தியா அப்படி சொல்லவில்லை. இந்தியா இதற்கு வேறு காரணம் சொல்லி இருக்கிறது. இந்தியா இந்த விவகாரத்தில் நடுநிலையாக இருக்கவே விரும்புகிறது.

இந்தியா விளக்கம் இந்தியா கூறிய விளக்கத்தில், இந்தியா எதிர்கால பேச்சுவார்த்தைகளுக்கு வழி வகுக்கும் வகையில் இந்த வாக்கெடுப்பில் கலந்துகொள்ளவில்லை. ரஷ்யாவுடன் உள்ள பாரம்பரிய உறவை பேணும் வகையிலும், அமெரிக்கா உள்ளிட்ட மேற்கு உலக நாடுகளிடம் உள்ள நட்பை காக்கும் வகையிலும் நாங்கள் இங்கு வாக்களிக்கவில்லை என்று இந்தியாவின் டிஎஸ் திருமூர்த்தி கூறியுள்ளார். இதன் அர்த்தம் இந்த முறையும் இந்தியா அணி சேரா நாடாக இருக்கும். இந்தியா இந்த முறையும் எந்த பக்கமும் சாயாமல் இருக்கும் என்பது உறுதியாகி உள்ளது..

 நன்றி

இயற்கை கவிதை| இன்றைய நயினாரின் உணர்வுகளில்

 

இன்றைய நயினாரின் உணர்வுகளில்

இயற்கை கவிதை|Nynarin Unarvugal



வீடியோ லிங்க்



நன்றி


Featured Post

மனிதனை மீறிய சந்தர்ப்பங்கள் வாழ்க்கையை எவ்வளவு தூரம் திருப்பிவிடுகின்றன

  மனிதனை மீறிய சந்தர்ப்பங்கள் வாழ்க்கையை எவ்வளவு தூரம் திருப்பிவிடுகின்றன என்பதற்கு நான் ஓர் உதாரணம்.’’ – இது, ‘சரித்திர நாவல்களின் ஜாம்பவான...