Nynarin Unarvugal/ஏமாற்றமா|தன்னம்பிக்கை வரிகள்

 Nynarin Unarvugal/ இன்று

ஏமாற்றமா|தன்னம்பிக்கை வரிகள்|

video link

by

தைராய்டு குறைபாட்டிற்கு இயற்கை வழியில் தீர்வு

 

தைராய்டு குறைபாட்டிற்கு இயற்கை வழியில் தீர்வு | Natural Methods to cure Hypothyroidism

video link 

by Dr.S.Revathi's Vlog

ஞாயிறு திரை மலர்,

 ஞாயிறு திரை மலர், 28/02/2021

---------------------------------------------------------------------------------------------------------

முகநூல் பதிவு

பார்த்திபன் அவர்கள் சமூக வலையதளங்களில் அழகாய் எழுதி பல பதிவுகளை போடுவார். அந்த வகையில் கொரோனா நேரத்தில் டாஸ்மாக் திறப்பதை பற்றியும் மிக அழகாக முகநூலில் எழுதியுள்ளார். அதை தன் ட்விட்டர் பக்கத்திலும் பகிர்ந்துள்ளார். அதில் வழக்கம் போல அவரின் கவரும் வார்த்தை கோப்புகள் இருந்தன. அவர் எழுதியதாவது. நாளை நமதே'என நினைத்திருந்தேன் TASMAC திறக்கும் வரை. இனி doubt தான். Social DR(Istanc)KING! பாருங்க..எழுத்துக்களே கொளருது!Bottle மூடியைத் திறந்தாலே போதையேறிகளுக்கு. கடையைத் திறந்தா? Immunity & community நாசமாப் போகும்.

நன்றி: பிலிம் பீட் தமிழ்

-------------------------------------------------------------------------------------------

ரஜினியை பொதுமேடையில் படுமோசமாக திட்டிய மனோரமா.. பதிலுக்கு கூப்பிட்டு உதவி செய்த சூப்பர் ஸ்டார்

ஆச்சி மனோரமா தமிழ் சினிமாவில் அந்தக்காலம் முதல் இந்தக்காலம் வரை 1000 படங்களுக்கு மேல் நடித்து சரித்திரம் படைத்த நாயகியாக வலம் வந்தார். குணச்சித்திர கதாபாத்திரங்களில் மனோரமாவை அடித்துக் கொள்ள ஆளில்லை.

இன்று மனோரமா போல் ஒரு நடிகை கிடையாது என்பது அனைவருக்குமே தெரிந்த ஒன்றுதான். மேலும் மனோரமாவை பலரும் தங்களது குடும்பத்தில் ஒருவராக நினைக்கும் அளவுக்கு ரசிகர்கள் மத்தியில் விசாலமாக பரவி இருந்தார்.

அப்படிப்பட்ட மனோரமா ரஜினியை இவ்வளவு தரக்குறைவாக பேசியுள்ளார் என்ற சம்பவம் ரசிகர்களிடையே அதிர்ச்சியை ஏற்படுத்தியுள்ளது. மனோரமா நடிகை மற்றும் முன்னாள் முதல்வர் ஜெயலலிதாவின் கட்சியை சேர்ந்தவராம்.

படையப்பா படத்தின் போது ரஜினி மற்றும் ஜெயலலிதா ஆகிய இருவருக்கும் தொடர்ந்து மோதல்கள் ஏற்பட்டு வந்தது அனைவருக்குமே தெரிந்த ஒன்றுதான். அந்த சமயம் ஜெயலலிதா ஆட்சி கவிழ காரணமாக இருந்தவரே ரஜினிகாந்த் தான். ரஜினி சொன்ன ஒற்றை வார்த்தைக்காக மொத்த ஓட்டும் வேறுபக்கம் விழுந்தது.

அப்போதைய பிரச்சார பேட்டியில் தான் ஒரு மேடையில் மனோரமா ரஜினியை மிகவும் தரக்குறைவாக மோசமாக பேசியுள்ளார். அதன் பிறகு சில வருடங்கள் தமிழ் சினிமாவால் மனோரமா புறக்கணிக்கப்பட்டாராம். தொடர்ந்து அவருக்கு சினிமா வாய்ப்புகள் தர தயாரிப்பாளர்கள் மறுத்து விட்டார்களாம்.

இந்நிலையில் தான் சூப்பர் ஸ்டார் ரஜினிகாந்த் மனோரமா தன்னை தவறாக பேசியதை மனதில் வைத்துக் கொள்ளாமல் அவருக்கு பட வாய்ப்புகள் கிடைக்க உதவி செய்தாராம். அதன்பிறகு மனோரமா இப்படிப்பட்ட மனிதனை தவறாக பேசி விட்டோமே என குற்ற உணர்ச்சியில் இருந்ததாக கூறுகின்றனர்.

_________________________________________________________________________

கன்னியாகுமரி மாவட்டம் காட்டுப்புதூர் கிராமத்துக்கு அப்போது' பாவைக்கூத்து ' நடத்த ஒரு பிரபலமான ஒரு நாடகக் குழு வந்திருந்தது. அன்றைய தினம் அதே கிராமத்தில் மற்றொரு நாடகமும் நடந்தது. அதனை பார்க்க பாவைக்கூத்துக் குழுவும் அமர்ந்தது. நாடகத்தின் முக்கிய கதாபாத்திரம் ஒன்றிற்காக திரைக்குப் பின்னாலிருந்து ஏற்ற இறக்கங்களுடன் ஒருவர் குரல் கொடுத்துப் பாடினார் . அவர் பாடிய முறை அக்குழுவினருக்கு மிகவும் பிடித்துப் போனதால் குரல் கொடுத்த நடிகரை அழைத்து பாராட்டிய அவர்கள், அவரையும் தங்கள் குழுவில் இணைத்துக் கொண்டனர்.

அப்போது நாடக உலகுக்கும், பின்னாளில் திரையுலகுக்கும் திறமையான நடிகர் ஒருவர் கிடைத்தார். ஊர் ஊராக அந்தக் குழுவினருடன் சுற்றி நாடக அனுபவம்பெற்ற அவர்தான் பின்னாளில் வெடிச்சிரிப்பால் ரசிகர்களை அதிர வைத்த குமரி முத்துவாக மாறினார்.

சுயமரியாதை குணமும் திராவிடக்கொள்கையில் தீவிர பற்றும் கொண்டவர் குமரிமுத்து. சினிமாவில்தான் குமரிமுத்து. நாடக உலகில் அந்நாளில் அவரது பெயர் வாத்தியார் முத்து.

ஆயிரம் ஆயிரமாம் கலைஞர்களை கண்ட சினிமாவில் ஆச்சர்யமாக ஒரு சிலர் மட்டும் தங்களது அங்க சேஷ்டைகள் மூலம் ரசிகர்களிடையே புகழ்பெற்றவர்கள். அவர்களில் ஒருவர் குமரிமுத்து. “ஹாஹ்ஹ்ஹ்ஹ்ஹ்ஹாாா”... என அரைப்புள்ளி, கமா, முழுப்புள்ளி இன்றி ஒரு வார்த்தையை இழுத்து நீட்டி முழுக்கி சிரிப்பது என்பது அவரது பாணி. அவரது பெயரை குறிப்பிட்டால் நம்மையுமறியாமல் அவரது பாணியிலேயே ஒருமுறை சிரித்துவிடுவோம். அதுதான் குமரிமுத்து.

நகைச்சுவை நடிப்பில் மட்டுமல்ல, தேர்ந்த குணச்சித்திர நடிகராகவும் விளங்கிய குமரிமுத்து, சினிமாவுக்கு முதல்தலைமுறை நடிகர் அல்ல. அவரது சகோதரர் நம்பிராஜன் அந்நாளில் மேடை மற்றும் சினிமா பிரபலம்தான். பராசக்தியில் பூசாரியாக வருபவர்தான் குமரிமுத்துவின் சகோதரர். இவரது அண்ணியும் பிரபல நடிகையே. தாம்பரம் லலிதா என்றால் அந்நாளில் கொடுமையான அண்ணி, வெடுக் வெடுக் என பேசும் ஈவு இரக்கமற்ற பெண்மணி போன்ற கதாபாத்திரம் என்றால் அவர்தான் நினைவுக்கு வருவார். மீண்ட சொர்க்கம், பாகப்பிரிவினை, தெய்வப்பிறவி, உள்ளிட்ட படங்களில் தாம்பரம் லலிதாவின் நடிப்பு பிரபலம்.

நன்றி: விகடன்

---------1

-------------------------------------------------------------------------------------------------------------

ஸ்ரீகாந்த் ( பிறப்பு: பெப்ரவரி 28, 1979) தமிழ், தெலுங்கு மற்றும் மலையாளத் திரைப்படங்களில் நடித்து வரும் ஓர் தென்னிந்திய நடிகர் ஆவார். இவரது அறிமுகம் 2002ஆம் ஆண்டில் வெளியான ரோஜாக்கூட்டம் என்ற தமிழ் திரைப்படத்தில் அமைந்தது. இவரது திரைப்படங்கள் பார்த்திபன் கனவு மற்றும் தெலுங்கில் ஆடவாரி மாடலாகு அர்தலு வெருலே பெரும் வெற்றிப்படங்களாக விளங்கின. தெலுங்குத் திரைப்படங்களில் இவர் ஸ்ரீராம் என்று அறியப்படுகிறார்.

ஸ்ரீகாந்த்தின் திரை நுழைவு ரோஜாக்கூட்டம் என்ற சசியின் காதல் படத்தில் பூமிகா சாவ்லாவுடன் அமைந்தது. முதல் திரைப்படமே வெற்றிப்படமாக அமைந்து பாராட்டுக்களையும் பெற்றுத் தந்தது. இவரது அடுத்த வெற்றிப்படமாக சினேகாவுடன் நடித்த ஏப்ரல் மாதத்தில் அமைந்தது. தொடர்ந்து கரு. பழனியப்பன் இயக்கத்தில் உருவான பார்த்திபன் கனவு இவருக்கு தமிழ்நாடு மாநில திரைப்பட சிறப்பு விருது கிடைத்தது. பின்தொடர்ந்த படங்கள் தோல்வியைத் தழுவ சிலகாலம் வாய்ப்புகள் இன்றி இருந்தார். 2007ஆம் ஆண்டில் செல்வராகவன் இயக்கத்தில் தெலுங்கில் நடித்த ஆடவாரி மாடலாகு அர்தலு வெருலே பெற்ற வெற்றியைத் தொடர்ந்து புகழ்பெற்ற இயக்குனர் சங்கரின் நண்பன் உட்பட பல புதிய படங்களில் நடிக்கத் தொடங்கினார்.

கல்லீரல் நோய்க்கு குட்பை

 கல்லீரல் நோய்க்கு குட்பை சொல்லி விடுங்கள்

ஒரு நாளில் 500 விதமான வேலைகளை நீங்கள் செய்ய வேண்டும், ஆனால் உணவு மட்டும்தான் உங்களுக்குச் சம்பளம்' என்று யாராவது கூறினால் அவரை முறைத்துத்தான் பார்ப்போம். ஆனால் அவ்வளவு வேலைகளைத்தான் தினந்தோறும் செய்துகொண்டிருக்கிறது நம் உடலின் அதிசய உறுப்பான 'கல்லீரல் (Liver)'! ஜீரணத்தில் உதவி, உடற்கழிவுகள் மற்றும் நச்சுக்களை நீக்குவது, ஹார்மோன்களை சீர் செய்வது என்று எந்நேரமும் கல்லீரல் படு பிஸி...

நோய் முற்றும் முன்பே காத்துக்கொள்ளக் கூடிய முக்கிய உறுப்புகளில் முதலிடத்தில் இருப்பது கல்லீரல்தான்! கல்லீரல் தொடர்பான நோய்களில் 90% தவிர்க்கக்கூடியவை என்றால் நீங்கள் நம்புவீர்களா?

வாடிக்கையாக மதுபானம் அருந்துகிறீர்களா?

ஒரு முதலாளி அற்ப சந்தோஷத்திற்காக தன் வேலையாளுக்கு அதிக வேலை கொடுத்து, அடித்து உதைத்து துன்புறுத்துகிறார். ஆனாலும்கூட வலியை எல்லாம் தாங்கிக்கொண்டு மீண்டும் மீண்டும் அந்த அப்பாவி வேலைக்காரர் அந்த முதலாளிக்காகவே வேலை பார்க்கிறார். அதீதமாக மது அருந்துபவர்களும் இப்படித்தான் கல்லீரலைக் காயப்படுத்துகின்றனர், தன்னைத் தானே சரிசெய்துகொள்ளக்கூடிய அம்சம் கொண்ட ஒரே உறுப்பான கல்லீரலும் குடிமகன்கள் செய்யும் கொடுமைகளை எல்லாம் பொறுத்துக்கொண்டு இயங்குகிறது!

'மேல்நாட்டினர் தினமும் மது அருந்துகிறார்களே?' 'என் நண்பர் குடிநீரைவிட அதைத்தான் அதிகம் அருந்துகிறார், அவருக்கெல்லாம் கல்லீரல் நோயே இல்லையே?' பலரும் என்னிடம் நாள்தோறும் கேட்கும் கேள்விகள் இவை... மேல்நாட்டினர் நம்மூர்க்காரர்கள் போல போதை தலைக்கேறி புத்தியைக் கிறங்கடிக்கும்வரை குடிப்பதில்லை! மேலும், இங்கு விற்கப்படும் பானங்களில் எவ்வளவு சதவீதம் ஆல்கஹால் சேர்க்கப்பட்டிருக்கிறது என்பதும் கேள்விக்குறியே. எனவே அதிகபட்சம் 30 மில்லி அருந்தலாம். டாக்டர் சொல்லிவிட்டார், இனிமேல் அளந்து குடிக்கிறேன் என்று இறங்காதீர்கள். குடியை விட முடியாமல் தவிப்பவர்களுக்குத்தான் இந்த அறிவுரை.

 டாக்டர் ஜாய் வர்கீஸ்

இந்தியர்களே உஷார்!

குடிப்பழக்கத்துக்கு அடுத்து 'டிரைகிலிசரைட்ஸ் (Triglycerides)' எனப்படும் கொழுப்பு கல்லீரலுக்கு மிகப்பெரிய எதிரியாக திகழ்கிறது. மரபியல் ரீதியாகவே ஆசிய மக்களுக்கு கொழுப்பு சார்ந்த கல்லீரல் பாதிப்பு ஏற்பட நிறைய வாய்ப்புள்ளது. மேலும், இந்திய உணவுகள் பெரும்பாலும் மாவுச்சத்து நிறைந்ததாகவே இருப்பதால், அதீதமாக உட்கொள்ளும்போது இந்த மாவுச்சத்து டிரைகிலிசரைட்ஸ் படிமங்களாக உருமாறி கல்லீரலில் தேங்கி, அதை நாசம் செய்கின்றது. இதையே 'ஃபேட்டி லிவர் டிசீஸ் (Fatty Liver Disease) என்கிறோம். அதீத கொலஸ்டிரால், நீரிழிவு மற்றும் தைராய்டு நோய் உள்ளவர்களும் இதனால் பாதிக்கப்படலாம்.

ஹெப்படைட்டிஸ் வைரஸ்

கல்லீரல் செல்களைத் தாக்கக்கூடியவை ஹெப்படைட்டிஸ் வகை வைரஸ்கள். இதில் ஹெப். 'பி (B)' வைரஸுக்கு தடுப்பூசி உண்டு. இப்போதெல்லாம் குழந்தைகள் பிறந்த ஒன்றிரண்டு மாதங்களில் இந்தத் தடுப்பூசி போடப்படுகிறது. அந்தக்காலத்தில் தடுப்பூசி இல்லை, எனவே பெரும்பாலும் 30 வயதுக்கு மேற்பட்ட முந்தைய தலைமுறையினர் இந்த வைரஸினால் பாதிக்கப்படுவதைக் காண முடிகிறது. இவர்கள் குழந்தைகள் நல மையத்தில் குறைவான கட்டணமே கொண்ட ஹெப். பி டெஸ்ட் செய்துகொண்டு தடுப்பூசி போட்டுக்கொள்ளலாம். ஹெப். பி 'க்கு அதிக முக்கியத்துவம் கொடுக்கக் காரணம், இது கல்லீரல் புற்று நோயை உண்டாக்கக்கூடியது.

அடுத்து ஹெப். 'சி(C)' வைரஸ். இதற்கு தடுப்பூசி இல்லை என்றாலும் ஆன்டி வைரல் மாத்திரைகளை எடுத்துக்கொள்வதால் தொற்றை முழுவதுமாக நீக்கலாம். ஆனால் இடையே மருந்து எடுத்துக்கொள்வதை எக்காரணம் கொண்டும் நிறுத்தக்கூடாது. இதனால் கல்லீரல் சார்ந்த பல பின்விளைவுகள் ஏற்படும்.

பிற நோய்கள்...

வில்ஸன்ஸ் நோய்: கல்லீரலால் செம்புத் தாதுவை வெளித்தள்ள முடியாமையே இந்த நோய். இந்த நோயாளிகள் மட்டும் செம்புப் பாத்திரங்கள் பயன்படுத்துவதைத் தவிர்க்க வேண்டும்.

ஹிமேட்டோகுரோமேட்டோஸிஸ்: கல்லீரலால் இரும்புத் தாதுவை வெளித்தள்ள முடியாமை இந்த நோய்.

ஆட்டோ இம்யூன் நோய்: சில சமயம் நம் நோய்த்தடுப்பு ஆற்றலே நமக்கு எதிராக வேலை செய்யும். இதுதான் ஆட்டோ இம்யூன் நோய். இந்நோய், இளம்பெண்களுக்கு கல்லீரல் பாதிப்பை ஏற்படுத்துவதைக் காண முடிகிறது.

பைலியரி ஆட்ரீஷியா: குழந்தைகளுக்கு ஏற்படும் பித்தப்பை மற்றும் கல்லீரல் சார்ந்த இந்நோயை, பிறந்து இரண்டு மாதங்களுக்கு உள்ளாகவே கண்டறிய முடியும்.

ஃபைப்ரோசிஸ் மற்றும் சிர்ரோசிஸ்: மேற்கண்ட காரணங்களால் கல்லீரலில் செல்கள் செயலிழந்து, இறந்த செல்கள் அதிகரிப்பதை ஃபைப்ரோசிஸ் என்றும், 80% மேல் பாதிக்கப்பட்டு கல்லீரல் சுருங்கி கருங்கல் போல இறுகிப்போவதை சிர்ரோசிஸ் என்றும் அழைக்கிறோம். சிர்ரோசிஸ்தான் கல்லீரல் பாதிப்பில் இறுதி நிலை. இந்த நிலையை எட்டுவதற்கு குறைந்தது 10

- 15 வருடங்கள் ஆகலாம்.

 

எப்போதும் சோர்வா?

கல்லீரல் நோயின் முக்கிய அறிகுறி உடற்சோர்வாகும். இதனால் ஒருவரின் செயல்திறன் குறைகிறது, தொடர்ந்து வாழ்க்கைத் தரமும் கெடுகிறது. எனவே, கல்லீரல் நோய், நோயாளியை மட்டுமின்றி, அவரின் குடும்பத்தையும், சமுதாயத்தையும் ஒருசேர பாதிக்கிறது. இது தவிர, மஞ்சள் காமாலை, அடிவயிற்றில் வலி, கறுமையான சிறுநீர், வெளிறிய நிறத்தில் மலம், மூட்டுகளில் வீக்கம், வாந்தி, மயக்கம், தோல் அரிப்பு, பசியின்மை இருந்தாலும் உடனடியாகக் கல்லீரலைக் கவனியுங்கள்...

 குளோபல் மருத்துவமனையில் கடந்த ஒரு வருடத்தில் நடத்தப்பட்ட 100 கல்லீரல் மாற்று அறுவை சிகிச்சைக்கான காரணங்களின் அட்டவணை. இதில் 90% நோய்கள் தவிர்க்கப்படக்கூடியவை

மேற்கண்ட படம் மூலம், மது மற்றும் கொழுப்பினாலேயே அதிகம் பேர் பாதிக்கப்பட்டிருப்பதை அறிய முடிகிறது. இவ்விரு காரணங்களையும் நல்ல பழக்கங்களைக் கடைப்பிடிப்பதன் மூலம் நிச்சயம் தவிர்க்க முடியும்!

சிர்ரோசிஸ், ஆட்டோ இம்யூன் நோய் மற்றும் பைலியரி ஆட்ரீஷியா மற்றும் பிற முற்றிய நிலை கல்லீரல் பாதிப்புகளுக்கு மட்டுமே கல்லீரல் மாற்று அறுவை சிகிச்சை தேவைப்படுகிறது. எனவே, இந்தப் புது வருடம் முதல் உங்களிடம் மாற்றத்தைக் கொண்டுவாருங்கள், ஆரம்ப நிலையிலேயே தயக்கமின்றி பரிசோதனைகளைச் செய்துகொண்டு, கல்லீரல் நோயைத் தடுத்து நலத்தோடும் நம்பிக்கையோடும் உற்சாகமாய் வாழ்ந்திடுங்கள்!.......

தேமல் பிரச்சனைக்கு தீர்வு தரும் மூலிகைகளும் பலன்களும்

 

தேமல் பிரச்சனைக்கு தீர்வு தரும் மூலிகைகளும் பலன்களும்...!!

# சில மூலிகைகள் உங்களுக்கு எந்தவிதமான பக்கவிளைவுகளும் இன்றி, தேமல் பிரச்சனைக்கு தீர்வு அளிக்கின்றன. அவற்றை நீங்கள் கடைகளில் தான் வாங்க  வேண்டும் என்பதில்லை. உங்களது வீட்டின் அருகிலேயே இருக்கும் மூலிகைகளை பயன்படுத்தி தேமல் பிரச்சனைக்கு தீர்வு காணலாம்.

# அருகம்புல்: அருகம்புல் உடல் நலத்திற்கும், இரத்தத்தை சுத்தம் செய்யவும் மிக முக்கியமாக பயன்படுத்தப்படுகிறது. அருகம்புல், கஸ்தூரிமஞ்சள், மருதோன்றி  போன்றவற்றை அம்மியில் வைத்து அரைத்து பூச தேமல் விரைவாக குணமாகும்.

 

# ஆரஞ்சு தோல்: கமலா ஆரஞ்சு தோலை வெயிலில் உலர்த்தி பொடி செய்து தினமும் உடம்பிற்கு தேய்த்து குளித்து வரவும். எலுமிச்சை பழச்சாறு தேமல் உள்ள  இடங்களில் தேய்த்தால் தேமல் மறையும்

 

# எலுமிச்சை தோல்: எலுமிச்சை தோலை உலர்த்தி தூளாக்கி சம அளவு பொரித்த படிகாரத்தை சிறிது தண்ணீர் சேர்த்து குழைத்து தேமலில் பூசி குளித்து வந்தால் தேமல் குறையும்

 

# மஞ்சள்: மஞ்சள் இடித்து நல்லெண்ணெய்யில் போட்டு காய்ச்சி தேமல் மேல் தேய்த்து வந்தால் தேமல் குறையும். துளசி இலை, வெற்றிலை எடுத்து அரைத்து தேமல் மேல் பூசினால் தேமல் நீங்கும்....

இறப்பு என்பது முற்றுபுள்ளியா?

 இறப்பு என்பது முற்றுபுள்ளியா? – சுஜாதா

செத்த பின் என்ன என்று தெரிந்து கொள்வதால் யாருக்கு லாபம்? நான் செத்த பின் நானாக இருந்தால்தான் எனக்கு பிரயோசனம்; என் மூளை ,என் புத்தகங்கள் ,என் லேசான முதுகெரிச்சல் எல்லாம் இருந்தால்தான் நான் நானாக இருக்க முடியும் .செத்தாலும் ஆத்மா தொடர்ந்து இந்தோனேசியாவிலோ அல்லது வெனிஸ் நகரத்தில் ஒரு படகோட்டியாகவோ பிறப்பதில் அர்த்தமில்லை.

நான் நானாகவே தொடர வேண்டும் . அதற்கு என்னை அறிந்தவர்கள் வேண்டும். உறவினர்கள், என் வாசகர்கள் வேண்டும் . கட்டுரை அனுப்பினால் அதை பற்றி விமர்சிப்பவர்கள் வேண்டும். தமிழ் வேண்டும் . அதெல்லாம் இல்லாவிடில் உயிர் என்பது தொடர்ந்தால் என்ன , முடிந்தால் என்ன? எனவே சாவு என்பது கொஞ்சம் யோசித்து பார்த்தால் நம் நினைவுகளின் அழிவுதான்.

அப்பா மரணத்தைப் பற்றி ஒரு முறை சொன்னது ஞாபகம் வருகிறது “அது ஒரு முற்றுப் பள்ளி.வி ஸீஸ் டு எக்ஸிஸ்ட்.எபிக்யுரஸ் சொன்னதை மறுபடி படி”

“Death is nothing to us since so long as we exist death is not with us but when death comes. we do not exist”.

ஒருவர் தன் தந்தை இறந்ததை பற்றி சுஜாதாவிற்கு உருக்கமாக மெயிலனுப்பிய போது, வந்தது பதில்,” Nobody dies; they live in memories and in the genes of their children”. How True ?

“மனைவி, மக்கள், பழைய பள்ளி, தெரிந்த பாட்டுகள், திறமைகள், கவிதைகள், கடிதங்கள், காதல்கள் எல்லாம் மறந்துபோய் சாப்பிடுவது மட்டும் ஞாபகம் இருந்து, நாளடைவில் சாப்பிடுவதற்காக மட்டும் ஞாபகம் இருந்து, நாளடைவில் சாப்பிடுவதற்கு வாயசைப்பதையும் மறந்துவிடுவோமாம். உயிருடன் இருப்பது என்பது இது தான். உயிர் என்பது மூச்சுக் காற்றல்ல; ஞாபகம்தான்” — 12 வருடங்களுக்கு முன்பு (18-1-1998) சுஜாதா எழுதியிருந்த கட்டுரையின் ஒரு பகுதி.

இன்று சுஜாதா காலமான நாள்

பயிரை மேயும் வேலிகள்

 வேலியே பயிரை மேய்ந்தது என்பார்கள். இங்கு வேலி, வேலியையே மேய்ந்த அவலமாகியுள்ளது. பெண் ஐ.பி.எஸ் அதிகாரி ஒருவர், தனக்குப் பாலியல் தொல்லை கொடுத்ததாகக் காவல்துறை உயரதிகாரியான சிறப்பு டி.ஜி.பி ராஜேஷ் தாஸ் மீது கொடுத்துள்ள புகார், காவல்துறை தாண்டியும் அரசியல் தளம் முதல், பொதுமக்கள் வரை பரபரப்பை ஏற்படுத்தியுள்ளது.

இதில், மேலும் அதிர்ச்சி ஏற்படுத்துவது, புகார் கொடுக்கச் சென்ற பாதிக்கப்பட்ட பெண் ஐ.பி.எஸ் அதிகாரி, ராஜேஷ் தாஸ் அழுத்தத்தின் காரணமாகக் காவல்துறை உயரதிகாரிகள் இருவரால் புகாரை தவிர்க்கும்படி அறிவுரை கூறப்பட்டிருக்கிறார், தடுக்கப்பட்டிருக்கிறார், மிரட்டப்பட்டிருக்கிறார், உடல் ரீதியான மல்லுக்கட்டு அளவுக்கு மரியாதையின்றி நடத்தப்பட்டிருக்கிறார்.

நடந்த சம்பவங்களின் கோவை, ஒரு பெண் ஐ.பி.எஸ் அதிகாரிக்கே இந்த நிலைமை என்றால், சாமான்யப் பெண்களின் நிலை என்ன என்பதை வெளிச்சமிட்டுக் காட்டுகிறது. குற்றங்களைத் தடுக்க வேண்டிய பொறுப்பில் முதலாவதாக இருக்கும் காவல்துறையிலேயே மலிந்துகிடக்கும் பாலியல் குற்றங்கள், அம்பலமாகியுள்ளன.

என்ன நடந்தது?

தமிழக முதல்வர் எடப்பாடி பழனிசாமி, கடந்த ஞாயிற்றுக்கிழமை, அதாவது பிப்ரவரி 21-ம் தேதியன்று திருச்சி, புதுக்கோட்டை மாவட்டங்களுக்கு சுற்றுப்பயணம் செய்தபோது, சட்டம் ஒழுங்கு சிறப்பு டி.ஜி.பி ராஜேஷ் தாஸ் அவருடைய பாதுகாப்புப் பணிக்கு நியமிக்கப்பட்டிருந்தார். பணி முடிந்து சென்னைக்குத் திரும்பிய ராஜேஷ் தாஸ், தன் மாவட்டம் வழியாகச் சென்றபோது, மரியாதை நிமித்தமாகத் தன் மாவட்ட எல்லையில் நின்று அவரை வரவேற்றுள்ளார் பாதிக்கப்பட்ட பெண் எஸ்.பி.

முக்கிய ஆலோசனை என்று கூறி பெண் எஸ்.பியை காரில் ஏறச்சொன்ன ராஜேஷ் தாஸ், அவருக்கு பாலியல் தொல்லை கொடுத்துள்ளார். அதிர்ச்சியும் கோபமும் அடைந்த பெண் எஸ்.பி ராஜேஷ் தாஸை எச்சரித்துவிட்டு அங்கிருந்து விலகி, உள்துறைச் செயலாளர் எஸ்.கே.பிரபாகர், டி.ஜி.பி திரிபாதி ஆகியோரிடம் இது குறித்துப் புகார் செய்தார். ராஜேஷ் தாஸ், ஏற்கெனவே இந்தப் பெண் எஸ்.பி-க்கு விரும்பத்தகாத பெர்சனல் மெசேஜ்கள் அனுப்பியிருப்பதும் தெரியவந்திருக்கிறது. அதையும் தன் புகாரில் ஆதாரங்களாகச் சேர்த்திருக்கிறார் அவர்.

தகவலறிந்த ராஜேஷ் தாஸ், பெண் எஸ்.பி-யை சமாதானம் செய்ய அவரது அலைபேசி, அலுவலக எண் என்று அழைத்தும் பலனில்லை. அடுத்ததாக, பெண் அதிகாரியின் அலுவலகத்தைச் சேர்ந்த தனிப்பிரிவு இன்ஸ்பெக்டர், ராஜேஷ் தாஸின் `அசைன்மென்ட்'டின்படி பெண் எஸ்.பி-யிடம் பேசினார். `இதெல்லாம் நடக்குறதுதான், பெரிது படுத்த வேண்டாம், அவரு பெரிய ஆளு, உங்களுக்குத்தான் பிரச்னை' என்ற ரீதியில் `பஞ்சாயத்து' செய்ய, எதற்கும் பணியாத பெண் எஸ்.பி அவர் பெயரையும் புகாரில் சேர்த்தார்.

தன் புகாரை நேரில் தெரிவிப்பதற்காக சென்னைக்குக் கிளம்பிய பெண் எஸ்.பி-யிடம் தனது அடுத்த 'மீடியேட்டர்' அம்பாக, செங்கல்பட்டு மாவட்ட எஸ்.பி-யான கண்ணனை அனுப்பினார் ராஜேஷ் தாஸ். சாலையில் பெண் எஸ்.பியின் கார் நிறுத்தப்பட்டு, சமாதானம், மிரட்டல், உடல் ரீதியான மறித்தல்வரை அதிகாரம் பாய்ந்துள்ளது. அனைத்தையும் மீறிச் சென்ற பெண் எஸ்.பி, செங்கல்பட்டு மாவட்ட எஸ்.பி-யின் பெயரையும் தன் புகாரில் இணைத்தார்.

ஐ.பி.எஸ்ஸே ஆனாலும் பாலியல் புகார் தெரிவிக்கும் பெண்கள் ஆதரவற்ற நிலைக்கு ஆளாவார்கள் என்ற எச்சரிக்கையை அனுப்பும் விதமான காட்சிகள், அடுத்து அரங்கேறின. கொடுக்கப்பட்ட புகார், காவல்துறையில் ஆதிக்கம் செலுத்தும் ஆண் அதிகாரத்தால் நகர்வின்றிக் கிடக்க, ஒரு சில மீடியா அதைக் கையில் எடுக்க, அடுத்து எதிர்க்கட்சி தலைவர்களும் குரல் கொடுக்க, அதன் பிறகே நடவடிக்கைகள் ஆரம்பமாகியுள்ளன.

தொடர்ந்து, ராஜேஷ் தாஸிடம் விசாரணை நடத்த 6 பேர் கொண்ட குழுவை அமைத்து உத்தரவிட்டார் தமிழக உள்துறை செயலாளர். சட்டம் ஒழுங்கு சிறப்பு டிஜிபி ராஜேஷ் தாஸ், காத்திருப்போர் பட்டியலில் வைக்கப்பட்டுள்ளார். அவருக்கு `உதவி' செய்த இன்ஸ்பெக்டரும் காத்திருப்போர் பட்டியலில் வைக்கப்பட, செங்கல்பட்டு எஸ்.பி மீது விசாரணை நடத்தப்பட்டு வருகிறது.

இந்த நடவடிக்கைகள், விசாரணைகள் எல்லாம் தேர்தல் நேர அச்சம் காரணமாக மேற்கொள்ளப்பட்ட ஸ்டன்ட்கள் என்பதையும் நாம் அறியாமல் இல்லை. இதற்கு முன் காவல்துறையைச் சேர்ந்த பெண்களால் தங்கள் துறை உயரதிகாரிகள் குறித்து கொடுக்கப்பட்ட பாலியல் புகார்கள் சீந்துவாரின்றிக் கிடப்பதே அதற்கு சாட்சி.

இதற்கு சமீபத்திய உதாரணம்... லஞ்ச ஒழிப்புத்துறை ஐ.ஜி-யான முருகன் மீது, அந்தத் துறையிலேயே பணியாற்றி வந்த ஒரு பெண் எஸ்.பி கொடுத்த புகார். ஓராண்டுக்கு மேலாகியும் இந்தப் பிரச்னையில் உரிய நடவடிக்கை இல்லை. மாறாக, உயர்ந்த பொறுப்பு கொடுத்து அழகு பார்க்கப்படுகிறார்... முருகன். பிறகு, அந்தத் துறையிலிருப்பவர்ளுக்கு பயமா வரும்... துணிச்சல்தானே வரும்? அமைச்சர்களாகவும் அரசியல்வாதிகளாகவும் இருக்கும் எஜமானர்களின் காலில் விழுந்தால் காப்பாற்றிவிடப் போகிறார்கள் என்கிற தைரியத்தில் யாரை வேண்டுமானாலும் கைப்பிடித்து இழுக்கத்தானே செய்வார்கள்.

சென்னை: பெண் ஐபிஎஸ் அதிகாரியின் பாலியல் புகார்! - சிறப்பு டிஜிபி ராஜேஷ்தாஸ் சிக்கியது எப்படி?

என்ன படித்து, பொறுப்பு வகித்தாலும் ஓர் ஆணின் மனதில் பெண் என்பவள் பாலியல் கருவி என்ற எண்ணம் மாறாதிருப்பது இன்னொரு முறை வெளிப்பட்டிருக்கிறது. இவர் காவல்துறையைச் சேர்ந்த உயரதிகாரியாக இருந்தால்கூட என்ன, இவரை `அணுகி' பார்க்கலாம்' என்ற ராஜேஷ் தாஸ்களின் தைரியத்துக்குக் காரணம் என்ன தெரியுமா? அவர்கள் இதுவரை இவ்வாறு பாலியல் ஒடுக்குமுறை செய்த பெண்களின் கண்ணீர் மௌனங்கள். புகார் சொன்னவரையே குற்றவாளியாக்கும் சமூக மதிப்பீடுகள். ஒருவேளை மீறி இவர்களின் ஆண் அதிகாரத்தை எதிர்த்தாலும் அதற்கான எந்த ஆதரவும் எவரிடமும் இருந்து கிடைக்காத கைவிடப்பட்ட நிலை. இதுபோல இன்னும் பல தடைகள்.

ஆனால், இம்முறை இந்தத் தடைகளை எல்லாம் தளராமல் கடந்து துணிச்சலுடன் புகாரை பதிவு செய்திருக்கும் சம்பந்தப்பட்ட பெண் அதிகாரிக்கு... வணக்கங்கள்.

பாலியல் குற்றங்களுக்கு எந்தத் துறையும் விதிவிலக்கல்ல என்பதே துயரம். அதிலும், காவல்துறையில் அந்தக் குற்றம் வெளிப்படும்போது, அதற்கு எதிரான கண்டனங்கள் இரட்டிப்பாக்கப்பட வேண்டியிருக்கிறது. காரணம், நாட்டின் குற்றங்களை சுத்தப்படுத்த வேண்டிய பொறுப்பில் முதல் வரிசையில், முதல் எண்ணில் நிற்கும் துறை இது. மேலும், இனி பாலியல் குற்ற நடவடிக்கைகளை காவல்துறை மேற்கொள்ளும்போது, `நீங்க மட்டும் ஒழுங்கா? எங்க மேல நடவடிக்கை எடுக்க உங்களுக்கு என்ன தகுதி இருக்கு?' என்ற கேள்வி திருப்பப்பட்டால் தலைகுனிந்து நிற்க வேண்டும் காக்கித் தொப்பிகள்.

ஓர் உயரதிகாரி பாலியல் குற்றம் செய்கிறார். அடுத்தடுத்த அடுக்கில் உள்ள அதிகாரிகள் அவரை பாதுகாக்க ரௌடியிஸம் செய்கிறார்கள். குறிப்பாக, பாதிக்கப்பட்ட பெண் எஸ்.பி-யின் கார் செங்கல்பட்டு சுங்கச்சாவடியில் வழிமறிக்கப்பட்ட காட்சிகள், ஒரு கேங்ஸ்டர் படத்துக்கான ஸ்கிரிப்ட் அளவுக்கு வன்முறையுடன் நடந்துள்ளன.

`ராஜேஷ் தாஸ் மீதான பாலியல் புகாரில் விசாரணை எப்படி இருக்கும்?' - முன்னாள் ஐ.பி.எஸ் அதிகாரி திலகவதி

`பாஸ்' ராஜேஷ் தாஸால் அனுப்பப்பட்ட `கூலிப்படை' ஐ.ஜி மற்றும் எஸ்.பி, அதிரடிப்படை காவலர்கள் மூலம் பெண் எஸ்.பியின் காரை வழிமறித்துள்ளனர். சமாதானம் முதல் பகிரங்க எச்சரிக்கைவரை மிரட்டியுள்ளனர். அவரை திரும்பிப் போகச் சொல்லியுள்ளனர். அவரது கார் சாவியை எடுத்துள்ளனர். மல்லுக்கட்டும் அளவுக்கு நிலைமை மீறியுள்ளது. எனில், இவர்கள் `போலீஸ் இல்ல பொறுக்கி' என்பதில் மாற்றுக் கருத்து என்ன இருக்க முடியும்?

மேலும், `சட்டம் ஒழுங்கு(!)' டிஜிபி பாலியல் புகாருக்கு ஆளாகிறார் எனில், காவல்துறையில் உள்ள பெண்களின் நிலைமை மேல் கவலை ஏற்படுகிறது. காவல்துறை வாட்ஸ்அப் குரூப் உரையாடல்களில்கூட, இந்தப் புகார் குறித்து காவல்துறை ஆண்கள் யாரும் கண்டனங்களைக்கூட பகிராமல் இருப்பதாகவும், அதைக் குறிப்பிட்டு அதே குரூப்பிலேயே தங்கள் வேதனை, ஆற்றாமை, கோபத்தைத் தெரிவித்திருக்கிறார்கள் காவல்துறையைச் சேர்ந்த பெண்கள் என்றும் கூறப்படுகிறது.

இன்னொரு பக்கம், இந்தச் செய்தி பொதுச்சமூகத்தில் ஏற்படுத்தக்கூடிய விளைவு பற்றி யோசிக்கும்போதும் சோர்வு சேர்கிறது. வீட்டிலிருந்து பொதுவெளிவரை எந்தப் பெண்ணின் உடலையும் தங்கள் பாலியல் வேட்கைக்கான பொருளாகவே கருதிவந்த ஆண் மனதுக்கு, பாலியல் தொல்லை தண்டனைக்குரிய குற்றம் என்பதே இப்போதுதான் தீவிரமான சட்ட செயல்பாடுகளாலும், தண்டனைகளாலும் கொஞ்சம் கொஞ்சமாக உணர்த்தப்பட்டு வருகிறது. இந்நிலையில், `பெண்ணின் உடைகள்தான் பாலியல் குற்றங்களுக்கான காரணம் என்றீர்களே, காவல்துறை சீருடையிலும் இப்போது அதே காரணம் சொல்லப்படுமா?' என்ற கேள்வியை நாம் பொதுச் சமூகத்தை நோக்கி வீசும் வேகத்தில், இன்னொரு கவலையும் கூடுதலாகச் சேர்கிறது. `போலீஸ்லேயே இப்படித்தான் இருக்காங்களாம், நாம பண்ணினா என்ன தப்பு?' என்று, அவர்களின் குற்றவுணர்வற்ற மனநிலை இன்னும் கெட்டிப்படாதா?

பெண்களை இழிவுசெய்யும் இதிகாச உதாரணங்கள்... இன்னும் அவை தொடர வேண்டுமா அழகிரி?

இப்போது, சிறப்பு டி.ஜி.பி ராஜேஷ் தாஸ் மீதான பாலியல் புகாரை விசாரிக்க, விசாகா கமிட்டி குழு அமைக்கப்பட்டிருக்கிறது. பணியிடத்தில் பெண்களுக்கு ஏற்படும் பாலியல் தொல்லைகளை குறித்த புகாரை விசாரிக்க அமைக்கப்படும் இந்த விசாகா கமிட்டி குறித்த தரவுகள், இன்னொரு தேசிய அவலம். இந்தியாவில், பணியிடத்தில் பாலியல் தொல்லையைத் தடுப்பதற்கான வரையறைகள் உருவாக்கப்பட்டு 24 வருடங்கள் ஆகின்றன. அதைச் சட்டமாக்கி எட்டு வருடங்கள் ஆகின்றன. முறைசார்ந்த பணியிடங்களில் இவற்றின் செயல்பாடுகள் குறித்து சொற்பமான வெளிப்படை தரவுகளே உள்ளன. சொல்லப்போனால், பெண்கள் எதிர்கொள்ளும் பணியிட பாலியல் தொந்தரவு புகார்கள் குறித்து ஒருங்கிணைக்கப்பட்ட தரவுகள் எதுவும் அரசால் நிர்வகிக்கப்படவில்லை. இந்தப் பெண்களின் நிலை இப்படியிருக்க, இந்திய பெண் உழைப்பாளர்களில் 95% முறைசாரா பணிகளில் ஈடுபட்டிருக்கிறார்கள். அவர்களின் நிலை இன்னும் துயரம்.

இப்படி எல்லா வகையிலும் இது ராஜேஷ் தாஸ்களின் தேசமாகவே இருக்கிறது. என்றாலும், இப்படி ஒரு சூழலிலும், அதிகார அடுக்குகள் தாண்டி தன் புகாரை பதிவு செய்திருக்கும் பெண் எஸ்.பி-யின் தீர்க்கம், தொடர்ந்து கிழிக்கப்படவிருக்கும் முகமூடிகளுக்கான எச்சரிக்கை.

நன்றி: விகடன்

சுஜாதா தரும் எழுத்து ஆலோசனைகள்

 எழுத்தாளர் சுஜாதா தரும் எழுத்து ஆலோசனைகள்

எழுத்தாளர் சுஜாதா

எழுத்தாளர்களில் நமக்கு யாரைத் தெரியவில்லை என்றாலும், நிச்சயம் எழுத்தாளர் சுஜாதா தெரியாமல் இருக்க வாய்ப்பில்லை. தன் எளிமையான எழுத்துக்களால் பலரைக் கவர்ந்தவர். Image Credit

எழுத்தாளர் சுஜாதா

சுஜாதா கேள்வி பதில்கள் ரொம்ப பிரபலம். அதில் நான் ரசித்த கேள்வி பதில்களைக் கொடுத்துள்ளேன் படித்துப் பாருங்கள். நீங்களும் ரசிப்பீர்கள் என்று நினைக்கிறேன்.

Credit http://balhanuman.wordpress.com/

பல்செட்டில் உள்ள பற்கள் கூசுமா ?

தெரியவில்லையே. உங்களுக்குக் கூசுகிறதா என்ன ?

ஒருவன் எப்போது வயதாகி விட்டது என்பதை அப்பட்டமாக உணர்கிறான் ?

பக்கத்து வீட்டுப் பெண் பதற்றம் இல்லாமல் பக்கத்தில் உட்கார்ந்து பேசும்போது!

பிரிட்னி ஸ்பியர்ஸ், ஜென்னிஃபர் லோபஸ் கேட்பதுண்டா ?

அவர்கள் கேட்பதற்கல்ல, பார்ப்பதற்கு.

உங்களுடைய எழுத்து நடையை நீங்களேதான் தேர்ந்தெடுத்துக் கொண்டீர்களா?

ஆமாம், நானேதான் தேர்ந்தெடுத்துக் கொண்டேன். ‘அவன் அங்கே போனான்’ அப்படின்னு எழுதணுமானா’ அவன்’ஐ எடுத்துட்டு ‘அங்கே போனான்’னு எழுதுவேன்.

திரும்பப் படிக்கும்போது எழுதினதைச் சின்னதாக ஆக்குவது. இலக்கணம் ஒழுங்காகத் தெரிஞ்சதனாலே அதைக் கொஞ்சம் மீறலாமேன்னு தோணித்து.

இதுலே ஏற்படுகிற பலன் என்னன்னா படிப்பதிலே வாசகனுக்கும் ஒரு பங்களிப்பைக் கொடுக்கிறது. அவனுடைய புத்திசாலித்தனத்தையும் பயன்படுத்திக் கொண்டு அவன் புரிந்து கொள்வான் என்ற நம்பிக்கையில் எழுதுவது. இதுதான் என் வெற்றின்னு நினைக்கிறேன்.

நீங்கள் கற்ற பாடங்கள் ?

நான் எழுதியதை இடைவெளி விட்டுப் படிக்கையில் ஒரு வாசகனின் கோணம் கிடைக்கும். எத்தனை முறை திரும்ப எழுதினாலும் ஒவ்வொரு முறையும் எழுதியது மெருகேறுகிறது; என்பதெல்லாம் நாற்பத்தோரு வருஷங்களாய்க் கற்ற பாடங்கள்.

சுஜாதா கூறிய இந்த விஷயம் 100 % உண்மை. எப்போதுமே எழுதியவுடன் பல முறை திரும்பத் திரும்பப் படித்துப் பார்ப்பேன். பின் அதில் திருத்தங்களைச் செய்வேன்.

இதில் என்னவியப்பு என்றால்.. எத்தனை முறை திருத்தங்கள் செய்தாலும் மேலும் மேலும் அதில் நமக்கு ஏதாவது திருத்தங்கள் தோன்றிக்கொண்டே இருக்கும், தவறுகளைச் சரி செய்து கொண்டே இருக்க முடியும்.

எழுத்தாற்றலை வளர்த்துக் கொள்ள எதாவது எளிய முறைகள் ?

எழுத்தாற்றலை ஓரளவுக்குப் பயிற்சியால் வளர்த்துக் கொள்ள முடியும். தமிழ் நன்றாகத் தெரிய வேண்டும். தமிழில் நிறையப் படிக்க வேண்டும். அதிகம் பேசாமல் நிறையக் கவனிக்க வேண்டும்.

எழுத்து என்பது ‘Memory shaped by art‘ என்று சொல்வார்கள். உண்மை எத்தனை? கற்பனை எத்தனை? அவற்றை எந்த அளவில் கலப்பது? நடந்ததைச் சொல்வதா? நடந்திருக்க வேண்டியதைச் சொல்வதா?

– இந்த ரசாயனம் புரிந்து கொள்ளக் கொஞ்சம் நாளாகும். இதற்குக் குறுக்கு வழியே இல்லை. நிறைய எழுதிப் பார்க்க வேண்டும்.

பொன்னியின் செல்வன் என்னுடைய புத்தக ஆர்வத்தை மீட்டெடுத்துள்ளது.

எழுதியதைத் திருத்துவதும், திரும்பத் திரும்ப எழுதுவதும் அவசியமா ?

எழுதியதைச் சில தினங்கள் விட்டுப் படித்துப் பார்க்க வேண்டும். அப்போது ஒரு வாசகனின் கோணத்திலிருந்து அதைப் பார்க்க இயலும்.

கொஞ்சம் கூடக் கருணையே காட்டாமல் அநாவசிய வார்த்தைகளையும் வாக்கியங்களையும் சிதைத்து விட வேண்டும்.

நான் எழுதியதெல்லாம் மந்திரம் போல; ஒரு வார்த்தையை நீக்க முடியாது; நீக்கக் கூடாது என்பதெல்லாம் மடத்தனம்.

உங்களுக்கே திருப்தி வரும்வரை திரும்பத் திரும்ப எழுதுவதிலும் திருத்துவதிலும் நீக்குவதிலும் சேர்ப்பதிலும்தான் நல்ல எழுத்து ஜனிக்கிறது.

இதுவும் ஒரு

அருமையான

ஆலோசனை. எழுதியதை ஓரிரு நாள் கழித்துப் படித்துப்பார்த்தால் அதில் மாற்றங்களைச் செய்யத் தோன்றும்.

தற்போது எழுத்துப் பிழைகளைக் குறைத்து விட்டேன், சந்திப் பிழைகள் இல்லாமல் எழுத முயற்சித்துக் கொண்டு இருக்கிறேன். ரொம்ப சிரமமாக உள்ளது.

கூற வருவதை சுருக்கமாக, குழப்பம் இல்லாமல் கூற வேண்டும்.

எனவே, எழுத்தாளர் சுஜாதா கூறியது போலத் திரும்பத் திரும்பத் திருத்துவதன் மூலமே ஒரு நல்ல கட்டுரையைக் கொடுக்க முடியும்.

இணையத்தில் இருந்து எடுத்தது

எளிமையான நபர்

 மறைந்த எழுத்தாளர் சுஜாதா குறித்து பலரும் அறியாத அவரது வாழ்க்கை பயணம் பற்றி அவரது மனைவி சுஜாதா ரங்கராஜன் Behindwoods-ன் பிரத்யேக பேட்டியில் பகிர்ந்துக் கொண்டுள்ளார். அவர் பேசுகையில், சுஜாதாவின் வாழ்க்கை வரலாற்றை திரைப்படமாக எடுத்தால் அதில் யார் நடிக்கலாம் என்ற கேள்வி கேட்கப்பட்டது.

அதற்கு பதிலளித்த அவர், அப்படி ஒரு படம் உருவானால் அதில் சுவாரஸ்யமே இருக்காது. அவருக்கு எழுதுவதும் மிகவும் பிடிக்கும். அது அவருடைய கற்பனை உலகம். அதைத்தவிர அவரது வாழ்க்கை பற்றி சுவாரஸ்யமான விஷயங்கள் ஏதும் இல்லை. அவர் மிகவும் எளிமையான நபர் என கூறினார்.

இயக்குநர்நள் மணிரத்னம், ஷங்கர் ஆகியோரின் பல வெற்றிப்படங்களில் பணியாற்றிய சுஜாதா மறைவுக்கு முன் பணியாற்றிய திரைப்படம் ‘எந்திரன்’. அப்படத்தில் வெறும் 30 சீன்களுக்கு மட்டுமே வசனம் எழுதிய சுஜாதா, அதில் ஐஸ்வர்யா ராயை கடித்த கொசுவுக்கு தனது நண்பர்கள் தன்னை அழைக்கும் ரஷ்ய பெயரான ரங்கூஸ்கி என்பதை வைத்தார் என்ற உண்மையை பகிர்ந்துக் கொண்டார்.

உடல்நலக் குறைவால் மருத்துவமனையில் அனுமதிக்கப்பட்டு சிகிச்சை பெற்று வந்தபோது, சாப்பிட முடியாமல் வருத்தப்பட்டபோது, வாழ்க்கையே வெறுத்துவிட்டதாக கூறியது மனதிற்கு கஷ்டமாக இருந்தது என சுஜாதா ரங்கராஜன் பகிர்ந்துக் கொண்டார்.

இணையத்தில் இருந்து எடுத்தது

தொல்லைபேசி

 தொல்லைபேசி

கஸ்டமர் கேர் கொடுமைகளை தமக்கே உரிய பாணியில்..

ஒரு முறை உன் சொத்தையே எழுதி வை என்று பில் வந்தபோது தான் கஸ்டமர் கேரை தொடர்புகொண்டேன். 180 டயல் செய்தவுடன் முதலில் வாஞ்சையுடன் வரவேற்றது. மொழியை தேர்ந்தெடுத்து அமுக்கி முடிந்ததும் அர்ஜென்ட்டா, ஆர்டினரியா என கேட்கிறது. ஹோட்டல்களில் சாதாவா, நெஸ் ரோஸ்டா என்பதுபோல் உடனே எண்ணை அழுத்துவது தப்பு. தாமதமானால் மீண்டும் முதலிலிருந்து.. அதான் முன்னாடியே சொல்லியாச்சே சனியனேனு திட்டமுடியாது. கேள்வி காலாவதியாகியிருக்கும். மீண்டும் ஆம் என்றால் 1, இல்லையெனில் 2, தலைமுடியை பிய்த்துக்கொள்ள 3, போனை உடைக்க 4 என இருந்தால் பரவாயில்ல என சொல்லியிருப்பார். இது இன்றுவரை தொடர்கிறது. இன்னும் அந்த அதிகாரிகள் ஏழு மலை, ஏழு கடல் தாண்டி கிளியிடம் பேசுவதுபோலத்தான் சேவைமைய அதிகாரிகளிடமும் பேச முடிகிறது.

ஒரு டெலிபோன் உரையாடல்

நண்பர்: ஹலோ

மகள்: நான் சந்தியா பேசறேன். இரண்டாம் வகுப்பு

நண்பர்: அப்பா இல்லையா

மகள்: ம்..ம்.. இல்லை

நண்பர்: வீட்டில வேற யாரு இருக்காங்க

மகள்: சேகர் இருக்கான். இருங்க போனை கொடுக்கிறேன்

நண்பர்: ஹலோ சேகர்..

சேகர்: ம்ம ல லா

(சேகர் இரண்டு வயது குழந்தை)

இதை நினைத்து நினைத்து சிரித்துள்ளேன். இறுதியில் ஒரு ருசிகர நகைச்சுவை.

நிரந்தர ஆச்சர்யக்குறி

நல்ல வரிகளைக் கண்டுபிடிப்பதில் அவருக்கு மோப்பசக்தி அதிகம் உள்ளதாக மனுஷ்யபுத்திரன் தெரிவித்திருப்பார். விரும்பிய பாடலில் நமக்குப் பிடித்தமான சுதியோ, இசையோ வருவது போலத்தான் சுஜாதாவின் எழுத்தின் இடையே.. எப்போது நகைச்சுவை வருமென எதிர்பார்ப்பதும், காத்திருப்பதும் சுவாரஸ்யம். காரின் கியர் போடுவதுபோல சங்கத்தமிழ், மேலைநாட்டு இலக்கியம், சமகால பார்வை, எதிர்கால டிஜிட்டல் யுகமென எல்லா இடத்திலும் சிக்சர் அடித்தவர் சுஜாதா மட்டும்தான். இந்த வல்லவனுக்கு வல்லவன் இன்னும் பிறக்கவில்லை என்பதே நிதர்சனம். ஒவ்வொரு வருடமும் சொல்வதுதான் அதையே மீண்டும் மீண்டும் புதுப்பிப்போம்.

``ஒரு பெயர் அதன் பின்னே நிரந்தரமான ஆச்சர்யக்குறி ``சுஜாதா..!"

-மணிகண்ட பிரபு

நன்றி: விகடன்

சந்திரசேகர ஆசாத்.!

 சந்திரசேகர ஆசாத்.!

பகத்சிங்கை "தம்பி இன்குலாப்.!"என்று அன்புடன் அழைத்தவர்.

இந்திய வரலாற்றிலேயே முதல்முறையாக ஒரு புரட்சிக்காரனை பிடிக்க முடியவில்லை என்று ஆங்கில அரசு கோர்ட்டில் அறிக்கை தாக்கல் செய்த புகழுக்கு சொந்தக்காரர்.

மாறுவேடமிடுவதில் கில்லாடி.சாண்டர்ஸனை சுட்டு விட்டு தப்பிய பகத்சிங்கை பிடிக்க முயன்ற கான்ஸ்டபிள் சனான்சிங்கை சுட்டு தள்ளி பகத்தை தப்பிக்க வைத்தவர்.

அலகாபாத்பூங்கா ஒன்றில் நண்பர்களை சந்திக்க காத்திருந்தவரை துரோகி ஒருவன் காட்டிக் கொடுக்க போலீஸ் சுற்றி வளைத்தது.

உத்திரபிரதேச காவல்துறை உயர் அதிகாரியாக பணியாற்றிய ஹார்லிஸ் என்பவர் தனது ‘பணிக்கால நினைவலைகள்’ என்ற தலைப்பில் (1958 அக்டோபர் மாத ‘Men only’ ஆங்கில மாத இதழில்) ஆசாத்தை சுட்டுக் கொன்ற நிகழ்ச்சி குறித்து கீழ்க்கண்டவாறு எழுதியுள்ளார்.

"ஆசாத்தின் முதல் துப்பாக்கிக் குண்டு வெள்ளைக்கார காவல்துறை கண்காணிப்பாளர் நாட்பாவர் கையைப் பதம் பார்த்தது. காவலர்கள் புதர்களில் மறைந்திருந்து ஆசாத்தை குறிபார்த்துச் சுட்டனர்.

மற்றொரு காவல் துறை கண்காணிப்பாளர் விஸ்வேஸ்வரர்சிங் குறிபார்த்துச் சுட்டார். தனது உடலில் மூன்று, நான்கு குண்டுகள் துளைத்துக் குருதி ஒடிக் கொண்டிருந்த நிலையிலும், தன்னைச் சுட்ட விஸ்வேஸ்வர்சிங்கின் முகத்தைக் குறிபார்த்துச் சுட்டு அவரது தாடைகளைச் சிதறடித்தார்.

ஆசாத்தின் கடைசியானதும், ஆனால், பாராட்டுக்குரியதுமான செயல்திறமை அவர் குறி தவறாமல் சுடுவதே" என்று குறிப்பிட்டுள்ளார்.ஆசாத்தின் மீதிருந்த பயத்தால் மூன்று மணி நேர காத்திருப்புக்கு பிறகு இறப்பு உறுதியான பின்பே உடலை நெருங்க முடிந்தது.!

ஆசாத்தை சுட்டுத் தள்ளிய ஆர்பர்ட் பூங்காவில் இருந்த மரத்தில் துப்பாக்கிக் குண்டுகள் பதிந்தன. அந்த மரம் மக்களின் தெய்வமானது. பல்லாயிரக்கணக்கான இளைஞர்களும், பொதுமக்களும் வந்து மரத்தை வணங்கி மரியாதை செலுத்தினர்.

எரிச்சலுற்ற பிரிட்டிஷ் அரசு அந்த மரத்தையே வெட்டி வீழ்த்தியது!தீரமாக போராடி மரித்த போது February 27, 1931ஆஸாத்தின் வயது பகத்தை போலவே இருபத்தி நான்கு.!

இணையத்தில் இருந்து எடுத்தது