Thursday, April 30, 2020

பெண்ணின் பிரசவத்திற்கு காவல் துறை வாகனத்திலேயே அழைத்துச் சென்ற பெண் காவல்ஆய்வாளர்*

பெண்ணின் பிரசவத்திற்கு காவல் துறை வாகனத்திலேயே அழைத்துச் சென்ற பெண் காவல்ஆய்வாளர்*


 



 சென்னை திருவொற்றியூர் டோல்கேட் உதயசூரியன் நகரைச்சேர்ந்த கலைவாணி வயது (21) க /பெ பிரேம்குமார்.


கலைவாணி நிறைமாத கர்ப்பிணியான நிலையில் அவருக்கு இடுப்புவலி ஏற்படவே 108 ஆம்புலன்ஸை அழைத்துள்ளார்கள்.


ஆம்புலன்ஸ் வர தாமதிக்கவே அப்பகுதியில் ரோந்துப்பணியில் ஈடுபட்டிருந்த திருவொற்றியூர் குற்றப்பிரிவு ஆய்வாளர் திருமதி.புவனேஸ்வரி காவல் வாகனத்திலேயே ஏற்றிக்கொண்டு ஆர்.எஸ்.ஆர்.எம் மருத்துவமனைக்கு கொண்டு சென்று பிரசவத்திற்காக கொண்டு சேர்த்துள்ளார்.


இதனால் நெகிழ்ச்சியடைந்த அப்பெண்ணின் பெற்றோர் கடவுள் போல உதவியதாக பெண்காவலருக்கு நன்றிகள் தெரிவித்தார்கள்.


திருவண்ணாமலை மாவட்டத்தில் மாவட்ட ஆட்சியர் உத்தரவின் பேரில் ஊரடங்கு நேரத்தில் மாற்றுத்திறனாளிகளுக்கு உணவு வழங்கல் :

திருவண்ணாமலை மாவட்டத்தில் மாவட்ட ஆட்சியர் உத்தரவின் பேரில் ஊரடங்கு நேரத்தில்
மாற்றுத்திறனாளிகளுக்கு
உணவு வழங்கல் :


 


திருவண்ணாமலை மாவட்டம் 
ஆரணி தாலுகா., முள்ளிப்பட்டு கிராமத்தில் அரசு உயர்நிலைப்பள்ளியில் திருவண்ணாமலை
மாவட்ட ஆட்சியர் திரு .கந்தசாமி அவர்களின்., உத்தரவின்படி Covid 19., ஊரடங்கு நேரத்தில்.,,
ஆதரவற்ற முதியோர் மற்றும் 
மாற்றுத் திறனாளிகளுக்கு மொத்தம் 30நபர்களுக்கு இலவசமாக மதிய உணவு தினமும் வழங்கப்பட்டு வருகின்றது..


மேலும்  இந்நிகழ்வில்
கிராம நிர்வாக அலுவலர் முனியாண்டி.,
ஊராட்சி மன்ற தலைவி v.சித்ரா&வெங்கடேசன்., துணை தலைவர் பன்னீர் செல்வம்., அகில இந்திய மாணவர்கள் பொது நலச் சங்கத்தின் ஆரணி தாலுகா ஒருங்கிணைப்பாளரும் மற்றும் சமூக ஆர்வலருமான ஏ.பெருமாள் அவர்களும்
கலந்து கொண்டு
முதியோர்களுக்கு உணவு வழங்கினர்....


 



மதுரை செய்தியாளர் :
S.பெரியதுரை


Super soft Swiss Roll cake Polka Dots

Today's recipe is Swiss Roll cake



Ingredients


Egg white - 3


Sugar - 1/3 cup


Egg yolk - 3


Flour - 1/3 cup


Salt -1/4 tea spoon


Vanilla essence - 1 tea spoon


Oil - 3 table spoon


Colouring as you like


Butter Icing recipe


Butter - 1/4 cup


Icing sugar- 1/2 cup


Vanilla essence -1 te


a spoon Thanks for watching...Enjoy...!!!


to see live preparation



by


Yummy Meal


 


 


 


  வேதாரண்யம் உப்புச் சத்தியாகிரகம்  

உப்புச் சத்தியாகிரகம் நினைவு நாள்


 


இந்தியாவில் ஆங்கிலேய  அரசு  இந்தியர்கள் மீது விதித்த உப்பு உற்பத்தி வரியை எதிர்த்து,  அண்ணல் மகாத்மா காந்தி குஜராத் மாநிலத்திலுள்ள   தண்டியில்    உப்புச் சத்தியாகிரகம் அல்லது தண்டி நடைப்பயணம்  அல்லது  தண்டி யாத்திரை (Salt March) மேற்கொண்டது என்பது  அறவழியில் எதிர்க்கும் திட்டமிட்ட போராட்டமாகும்.


இப்போராட்டம், மார்ச்சு 12, 1930 இல்  தண்டியில் தடையை மீறி  உப்பெடுக்கும் நடைப்பயணமாகத்  துவங்கியது. 1930 ஜனவரி 30 ஆம் நாள்  இந்திய தேசிய காங்கிரசு  அறிவித்த  முழு விடுதலை  என்ற விடுதலைப் பிரகடனத்திற்குப் பிறகு ஆங்கிலேய ஆட்சியை எதிர்த்து அமைப்பு ரீதியாகச் செய்யப்பட்ட முதல் நடவடிக்கையாகும்.  காந்தி  அடிகள் தனது சபர்மதி ஆசிரமத்திலிருந்து 23 நாள்கள் 240 மைல் தூரத்திலுள்ள தண்டிக்கு நடை பயணத்தை வழி நடத்தினார். 


உப்பை உற்பத்தி செய்வதற்கு விதித்த தடையை மீறி வழியில் அவருடன் இந்தியர்கள் பெருமளவு எண்ணிக்கையுடன் இணைந்தனர். ஏப்ரல் 6, 1930 இல் காந்தி தண்டியில் உப்புச் சட்டங்களை உடைத்தபோது, அது பேரளவில் சட்ட மறுப்பு இயக்கமாக இலட்சக்கணக்கான இந்தியர்களை ஆங்கிலேய ஆட்சிக்கெதிராகப் போராடத் தூண்டியது.


தண்டி நடைப் பயணம்  போன்று, தமிழ்நாட்டின்  வேதாரண்யக்  கடலில் உப்பு அள்ளும் போராட்டமாக 30 ஏப்ரல் 1930 அன்று  வேதாரண்யம் உப்புச் சத்தியாகிரகம்  நடைபெற்றது.


இராஜாஜி  தலைமையில் வேதாரண்யத்தில், நடைபெற்ற உப்புச் சத்தியாகிரகப் போராட்டத்தில் திருவாளர்கள் ஏ. என். சிவராமன்,  ஜி. ராமசந்திரன், துரைசாமி,  கல்கி சதாசிவம், கோயம்புத்தூர் இராஜூ,  ஜி. கே. சுந்தரம்,  ஓ. வி. அழகேசன்,  ரா. வெங்கட்ராமன்,  மட்டப்பாறை  வெங்கட்ட ராமையா முதலிய தலைவர்கள் கலந்து கொண்டனர். 


சர்தார்  வேதரத்தினம் பிள்ளை  போராட்டக் குழுவினர்களுக்கு அனைத்து வகையிலும் உதவினார். இப்போராட்டத்தின் விளைவாக சர்தார் வேதரத்தினம் பிள்ளை,  இராஜாஜி உட்பட பலர் கைதாகி ஆறுமாத சிறைத்தண்டனை அனுபவித்தனர்.


            வேதாரண்யம் வடக்கு வீதியில் உப்பு சத்தியாகிரக நினைவுக் கட்டிடம், வேதாரண்யம் மேலவீதியில் இராஜாஜி தலைமையில் போராட்ட குழுவினர் தங்கியிருந்த இடத்தில் அமைக்கப்பட்டுள்ள இராஜாஜி நினைவுப் பூங்கா, இராஜாஜி சிறை வைக்கப்பட்டிருந்த உப்புத்துறைக்கு சொந்தமான கட்டிடத்தில் உள்ள சிறை ஆகியவை வேதாரண்யம் உப்பு சத்தியாகிரகப் போராட்டத்தை நினைவு கூறும் வகையில் நினைவுச் சின்னங்களாக உள்ளன.  இராஜாஜி உப்பு அள்ளிய இடத்தில் நினைவுத் தூண் அமைக்கப்பட்டுள்ளது.    


செ ஏ துரைபாண்டியன்


ஸ்வைன் புளூ’ பரவிய காலத்தில் ஊரடங்கு இல்லாமல் போனதற்கு காரணம் 

ஸ்வைன் புளூ’ பரவிய காலத்தில் ஊரடங்கு இல்லாமல் போனது ஏன்?


ஸ்வைன் புளூ’ பரவிய காலத்தில் ஊரடங்குசமூக விலகல்முக கவசம் என்று மருத்துவம் சாராத தற்காப்புகள் இல்லாமல் போனது தொடர்பான சில கருத்துக்கள்.


கொரோனா வைரஸ் தாக்குவதற்கு முன்புவரை இந்த 21-ம் நூற்றாண்டின் முதல் இரு தசாப்தங்களில் உலகில் பரபரப்பாக பேசப்பட்ட தொற்று நோய்கள் சார்ஸ், மெர்ஸ், எபோலா மற்றும் ‘ஸ்வைன் புளூ’ என்னும் பன்றிக்காய்ச்சல்.


இவற்றைப் பற்றி அறியாதவர்களுக்காக சுருக்கமாக சில தகவல்கள்.



சார்ஸ்: பிறப்பிடம், சீனாவின் குவாங்டோங்க் மாகாணத்தின் சுன்டே நகரம். வவ்வால்களில் இருந்து பரவி மனிதர்களை தாக்கியது. 2002-ல் தொடங்கி 2004 வரை நீடித்தது. பரவிய நாடுகளின் எண்ணிக்கை 25. மொத்த பலி 774. சீனாவில் மட்டும் பலி 648.


 


மெர்ஸ் : பிறப்பிடம், சவுதி அரேபியா. ஒட்டகம் மூலம் மனிதர்களுக்கு பரவியது. 2012 முதல் 2015 ஜூலை வரை உச்சபட்ச தாக்கம் இருந்தது. மத்திய கிழக்கு நாடுகள் மற்றும் அமெரிக்கா, இங்கிலாந்து என 27 நாடுகளில் பரவியது. பலியானோர் எண்ணிக்கை 866.  இன்றும் இந்த வைரஸ் மறையாமல் உள்ளது.


 


 


 


எபோலா: முதன் முதலில் 1976-ல் மேற்கு ஆப்பிரிக்காவில் உள்ள, இன்றைய காங்கோ குடியரசில் தோன்றியது. நோயுற்ற விலங்குகளில் இருந்து மனிதர்களுக்கு பரவியது.


 


 


 


எபோலா என்ற நதிக்கரை அருகே, புதிய வைரஸ் பாதிக்கப்பட்ட முதல் நபர் கண்டறியப்பட்டதால் நதியின் பெயரே அந்த வைரசுக்கும் வைக்கப்பட்டது. பின்னர் கினியா நாட்டில் 2013 டிசம்பர் முதல் 2016 மே மாதம் வரை விசுவரூபம் எடுத்தது. பாதிக்கப்பட்ட நாடுகள் 14. பலியானவர்கள் எண்ணிக்கை 11,323.


ஸ்வைன் புளூ’ (ஹெச்என்1): பிறப்பிடம், அமெரிக்காவின் கலிபோர்னியா மாகாணம். பன்றிகள் மூலம் மனிதர்களுக்கு பரவியது. இதனால் ஏற்பட்ட காய்ச்சலுக்குத்தான் பன்றிக் காய்ச்சல் என பெயர் சூட்டப்பட்டது.


 


 


 


இந்நோய் தீவிரமாக நீடித்த காலம் 2009 ஏப்ரல் 12-ந் தேதி முதல் 2010 ஏப்ரல் 10-ந் தேதி வரை. பாதிக்கப்பட்ட உலக நாடுகள் 117. பாதிக்கப்பட்டோர் 140 கோடி. பலி எண்ணிக்கை 1.5 லட்சம். அதிகபட்ச உயிரிழப்பு மதிப்பீடு 5.75 லட்சம். அமெரிக்காவில் மட்டும் பலியானவர்கள் 12,469. இந்தியாவில் உயிரிழப்பு 833.

2009-ம் ஆண்டு ஏப்ரல் 25-ந் தேதி பன்றிக் காய்ச்சலைப் பெருந்தொற்று நோயாக உலக சுகாதார நிறுவனம் அறிவித்தது.


சார்ஸ், மெர்ஸ் ஆகிய இரண்டு வைரசுகளும் கொடியவைதான். ஆனாலும் இவை விலங்குகளிடம் இருந்து மனிதர்களுக்குப் பரவியபோது அதிக அளவில் அறிகுறிகளை வெளிப்படுத்தின. இதனால் பாதிக்கப்பட்டவர்களை எளிதில் அடையாளம் கண்டு சிகிச்சை அளிக்க முடிந்தது.

மேலும் பாதிக்கப்பட்டவர்களுக்கு நெருக்கமானவர்கள், அவர்களுக்கு சிகிச்சை அளித்த ஒரு சில மருத்துவ பணியாளர்கள் மட்டுமே இந்த வைரசுகளால் பாதிக்கப்பட்டனர்.


எபோலாவைப் பொறுத்தவரை அது ஆப்பிரிக்க மக்களை மட்டுமே அதிகமாக பதம் பார்த்தது. அதைக் கடந்து வெளியே அதன் தாக்கம் மிகக் மிக குறைவு.


ஆனால் பன்றிக் காய்ச்சல் வீரியம் மிக்கதாக இருந்தது. இந்த வைரஸ் தாக்கப்பட்டவர்களுக்கு அறிகுறிகள் வெளிப்படையாக தெரிந்தன. மற்றவர்களை பாதித்தபோதும் உடனடியாக அறிகுறிகள் வெளிப்பட்டன.

பாதிக்கப்பட்ட ஒரு நபர் 1.46 நபர்களுக்கே நோயை பரப்பும் தன்மையை கொண்டிருந்தார். மேலும், ஒருவரிடம் இருந்து இன்னொருவருக்கு ‘ஸ்வைன் புளூ’ வைரஸ் தொற்றிக் கொள்ளும்போது அதன் வேகம் தணிந்து காணப்பட்டது.


 


 


 


தற்போதைய புதிய கொரோனா வைரஸ் போல மின்னல் வேகத்தில் உடலுக்குள் ஊடுருவி அமைதியாக 14 நாட்கள் அடைகாத்து மனித உயிர்களை குடிக்கவில்லை.


பன்றிக் காய்ச்சல் மெல்ல மெல்ல சீராக பரவி முதல் 5 மாதங்களுக்கு பின்பே அதிக மனிதர்களை கொன்றது. இதனால் மருத்துவ உலகம் விழிப்படைந்து பன்றிக் காய்ச்சலை கட்டுக்குள் கொண்டுவந்து விட்டது. எனவேதான் 140 கோடிக்கும் மேற்பட்டோர் பாதிக்கப்பட்டும் இறப்பு விகிதம் குறைவாக இருந்தது.


அதேநேரம், கொரோனா வைரஸ் ஒருவர் மூலம் பரவினால் 2.2 பேருக்கே அது பாதிப்பை ஏற்படுத்தும் என்று தொடக்கத்தில் மதிப்பிடப்பட்டது.

தற்போது, 5.7 பேர் வரை அது பாதிப்பை ஏற்படுத்தும் என்ற மருத்துவ நிபுணர்களின் ஆய்வுகள் வயிற்றில் புளியை கரைக்கின்றன. இப்படி ஒருவர் அதிகபட்சம் சுமார் 400 பேருக்கு கொரோனா வைரசை பரப்பி விடமுடியும். (கடந்த 3 மாதங்களில் மட்டும் 2 லட்சம் உயிர்களை கொரோனா காவு வாங்கி விட்டது. இது அடுத்த மாத(மே) இறுதிக்குள் 6 லட்சம் பேரை பலி வாங்கி விடும் என்று மதிப்பிடப்பட்டு உள்ளது). இது தவிர, பன்றிக் காய்ச்சலை விட புதிய கொரோனா வைரஸ் 10 மடங்கு வேகத்தில் பரவி வருவதாக உலக சுகாதார நிறுவனம் மதிப்பிட்டு உள்ளது.


அதே நேரம் கொரோனா தாக்கியதற்கான அறிகுறி 80 சதவீதம் பேருக்கு தெரிவதில்லை. மருத்துவ பரிசோதனைக்கு உட்படுத்தினால் மட்டுமே அவர்களை கண்டறிய முடிகிறது. மேலும் ஒருவர் தும்மினாலும், இருமினாலும் அவரிடம் இருந்து வெளியேறும் கொரோனா வைரஸ் எளிதில் இறந்து போவதில்லை. பல மணி நேரம் வரை உயிர் வாழ்ந்து மனிதர்களுக்கு அபாயத்தை ஏற்படுத்துகிறது. அதைத் தொடுபவர் களிடம் உடனடியாக தொற்றிக்கொள்கிறது. மேலும் அது உடலுக்குள் புகுந்த உடன் நுரையீரலைத்தான் குறி வைத்து தாக்குகிறது.

இந்த சங்கிலித்தொடரை தகர்த்து எறியத்தான் ஊரடங்கு, சமூக விலகல், முக கவசம் என்று மருத்துவம் சாராத தற்காப்புகள் கொரோனாவை எதிர்த்து போராட தேவைப்படுகிறது.


பன்றிக் காய்ச்சல் வந்தபோது இதுபோன்ற விழிப்புணர்வு முறைகள் அதிகம் பேசப்படவில்லை, மருத்துவம் சார்ந்த சிகிச்சை முறைகளும், தடுப்பு மருந்துகளும் துரிதமாக தயார்படுத்தப்பட்டன.


 


மேலும், இந்த நோயின் தன்மையை பாதிப்பு ஏற்பட்ட 11 நாட்களில் அமெரிக்கா வெளிப்படையாக அறிவித்ததால் உலக நாடுகள் விழிப்படைந்து தற்காப்பு நடவடிக்கைகளில் இறங்கின  (மெக்சிகோ மட்டும் 2009 ஏப்ரல் 30-ந் தேதி முதல் மே 5-ந் தேதி வரை ஊரடங்கை அமல்படுத்தியது). இதற்கான தடுப்பு மருந்துகளும் 2009-ம் ஆண்டின் நவம்பர் மாதம் தயாராகி விட்டது.


எனவேதான், பன்றிக் காய்ச்சல் காலத்தில் ஊரடங்கு, சமூக விலகல் என்ற பேச்சுக்கு அதிக இடமில்லாமல் போனது என்பது உண்மை.


 


செ ஏ துரைபாண்டியன்


Rishi Kapoor passes away

Bollywood veteran Rishi Kapoor passes away at 67 in Mumbai with wife Neetu Kapoor by his side on Thursday.

The news was broke by megastar Amitabh Bachchan on Twitter. He wrote, "Rishi Kapoor... gone... passed away. I am destroyed !"



Wednesday, April 29, 2020

ஒவ்வொருவர் வாழ்வும் குருஷேத்திரமே..

ஒவ்வொருவர் வாழ்வும் குருஷேத்திரமே.


 


படித்ததை பகிர்ந்தேன்  
ஒருமுறை படியுங்கள். 


களத்தில் வீழ்த்தப்பட்டார் பீஷ்மர் என்ற செய்தி கர்ணனை அடைந்ததும், அதிர்ந்துபோனான். எவர் வீழ்த்தியது என ஆவேசப்பட்டான். அர்ஜீனனின் பெயர் கேட்டவுடன் கொதித்தான்.


பிதாமகரை அத்தனை எளிதாய் வீழ்த்திவிட்டானா அர்ஜீனன் ?.. என கோபப்பட்டான் கர்ணன்.


இல்லை. சிகண்டியை முன்னிறுத்தி பீஷ்மரை வீழ்த்திவிட்டார்கள்.. என்றான் தகவல் கொண்டுவந்த வீரன்.


அதர்மத்தின் பக்கம் நாங்கள் நிற்கிறோம் என்று எங்களை குறைகூறிய பாண்டவர்களே, அதர்மத்தினைக் கையாளுவதுதான் தர்மமா ?  
அர்ஜீனா.. இதோ வருகிறேன். சந்திக்கிறேன் உன்னை களத்தில். உன்னைக் கொல்லவேண்டும் என நான் நினைத்ததற்கான காரணங்கள் ஒன்றன்பின் ஒன்றாக கூடிக்கொண்டே போகின்றன.. என தனக்குள் பொங்கினான்.


இறுதியாக ஒருமுறை, பீஷ்மரின் திருமுகத்தைக் கண்டுவரக் கிளம்பினான் குருஷேத்திரம் நோக்கி.


கௌரவர் சேனையும், பாண்டவர் சேனையும் அணிவகுத்து நின்று, ஒவ்வொருவராய் பீஷ்மரைக் கண்டு கலங்கியபடியே நகர்ந்தார்கள் களத்தில்.  
போதும் புறப்பட்டுவிடலாம் என நினைத்த பீஷ்மம், தனது தாயின் மடியினைத் தேடியது. தாய் தந்த அமுதோடு உயிர்கொண்டோம். அதோடே, உயிர் துறப்போம் என்று எண்ணிய பீஷ்மர், அர்ஜீனனை அருகில் அழைத்தார்.


அர்ஜீனா.. தாகம் அதிகம். இதுவரை கொண்ட அத்தனை தாகத்தினையும் மறக்கச் செய்யும் அதீத தாகம். என் தாய் கங்கையால் மட்டுமே தீர்க்கமுடிந்த தாகம். தீராமல், இவ்விடம் விட்டு நகர்தல் என்பது இயலாது. புரிகிறதா ?.. என்றார்.


அர்ஜீனனின் கண்கள் கண்ணனை நோக்க, அவனும் தலையசைக்க, தனது பாணங்களை நிலம் நோக்கி செலுத்தினான் அர்ஜீனன். நிலம் பிளந்து, பாறைகள் தாண்டி, ஆழத்தில் பயணித்துக் கொண்டிருந்த கங்கையினை தொட்டது அர்ஜீனனின் அம்புகள்.


அம்பு பயணித்த இடைவெளியின் ஊடே, பீஷ்மரின் சுவாசமும் கலந்து பயணிக்க, சீறி எழுந்தாள் கங்கை. கிடைத்த இடைவெளியில் பொங்கி வழிந்து ஊற்றாய் பெருகி, பாலாய்ப் பொழிந்தாள். மண்தொட்டு கிளம்பிய கங்கை, நேராக, தன் மகனின் தாகம் தீர்க்கத் தாயாக மாறி, பாலூட்ட ஆரம்பித்தாள் பிதாமகர் பீஷ்மருக்கு.


கங்கை உள்நிரம்பியதும், வெம்மையாய் இருந்த கொஞ்ச நஞ்ச எண்ணங்களும் குளிர்ந்துபோக,


போதும் தாயே போதும். கொண்டதொரு பணி நிறைவாய் முடிந்தது. விடைகொடு எனக்கு.. என்று மனதாலேயே தன் தாயை வணங்க, கங்கை அடங்கினாள்.


பீஷ்மத்தைப் பெற்றதனால், புனிதமானாள் கங்கை என நாளைய சரித்திரம் சொல்லுமடா உன் பெயரை.. என வாழ்த்தினாள்.


பீஷ்மரின் கண்கள் விண்ணை நோக்கின. தேவர்களும், விண்ணவர்களும் புடைசூழ நிற்பது கண்டு வணங்கினார். சூரிய தேவனுக்கு அருகிலேயே, மரண தேவனும் தன் அனுமதிக்கு காத்திருப்பது தெரிந்தது.


வாரும் மரணதேவரே.. வாரும். இதுநாள்வரை உம் கடமை நிறைவேற்றத் தடையாயிருந்தமைக்கு மன்னியும் என்னை. நானே அழைக்கிறேன் உம்மை. வந்தெம்மை ஆட்கொள்ளும்.. என பீஷ்மரின் மனம் இறைஞ்சியது.


சற்றுப் பொறும் பீஷ்மரே. இருக்கும் அத்தனை பேரையும் விருப்பு வெறுப்பின்றி ஆசீர்வதித்து செல்கிறீரே.. வந்து கொண்டிருக்கிறான் எம் மைந்தன். அவனையும் ஆசிகொடுத்துவிட்டுச் செல்லாமே.. வேண்டினான் சூரியதேவன்.


அதேநேரம், கர்ணனும் நுழைந்தான் அவ்விடம். அம்புப் படுக்கையில் கிடத்தப்பட்டிருந்த பீஷ்மரைக் கண்டதும் ஆடிப்போனான் கர்ணன். மனம் கலங்கியது. அவரை எதிர்த்து உதிர்த்த வார்த்தைகள் நினைவில் வந்து நெஞ்சினைக் கிளறியது. அவரது கால் தொட்டு வணங்கினான். அருகே சென்றான்.


பிதாமகரே.. அறியாமல் கோபத்தில் நான் உதிர்த்த வார்த்தைகள், உம்மைக் காயப்படுத்தியிருப்பின் மன்னியுங்கள் என்னை... என்றான் கர்ணன்.


தவறான புரிதலால் ஏற்பட்ட விளைவிற்கு காரணமாக எதையுமே கற்பிக்க இயலாது கர்ணா.. இதோ.. நீ விரும்பியது காத்திருக்கிறது. நாளைமுதல் நான் களத்தில் இருக்கப் போவதில்லை... என்றார் பீஷ்மர்.


அவசரப்பட்டு பேசிவிட்டேனோ என்று அதற்காகப் பலமுறை வருந்தியிருக்கிறேன் பிதாமகரே. உம்மோடு களம்புகுந்து, பார்போற்றும் உமது வீரத்தினை அருகிருந்து காணும் கொடுப்பினை கிட்டியும், அவசரப்பட்டு தவறவிட்டுவிட்டேனே என வருந்தாத நாளில்லை ஐயனே.. என்றான் கர்ணன் உருக்கமாக.


எல்லாம் நன்மைக்கே கர்ணா.. என் இடத்தை நிரப்பாமல் செல்கிறேனே என்ற கடைசிக்குறையும் தீர்ந்தது உன்னால். களம் காண்பாய் கர்ணா.. என்றார் பீஷ்மர்.


நீங்கள் இட்ட பணி தொடர, வெற்றி பெற வாழ்த்தியருள வேண்டுகிறேன் பிதாமகரே.. என்றான் கர்ணன்.


எவரும் பெறமுடியாத புகழினை இக்களத்தினில் நீ பெறுவாய் கர்ணா.. உன் தர்மம் அதற்குத் துணைநிற்கும்.. என கர்ணனை ஆசீர்வதித்த பீஷ்மர், கண்மூட ஆரம்பித்தார்.  
மனதாலேயே மரணதேவனை ஆட்கொள்ள அழைக்க, பீஷ்மரின் ஆன்மாவினை தனதாக்கிக் கொண்டான் மரணதேவன். உடல் மட்டுமே உயிர்ப்போடு இருந்தது.


விண்ணெங்கும், மண்ணெங்கும் பீஷ்ம.. பீஷ்ம..பீஷ்ம.. என்னும் குரல்கள் ஒலித்துக் கொண்டே இருந்தன.


கலங்கிய கண்களோடும், கனத்த இதயத்தோடும் செய்வதறியாது நின்ற அர்ஜீனனை அவ்விடம் விட்டு சற்று தூரமாய் அழைத்துவந்தான் கண்ணன்.


இழப்பின் வலி என்னவென்பதை பிதாமகர் உணர்த்திப் போனபின்பும், மண்ணிற்கான இப்போர் தொடரத்தான் வேண்டுமா கண்ணா ?.. கலங்கியபடியே கேட்டான் அர்ஜீனன்.


பீஷ்மர் ஆவது அத்தனை எளிதென்று எண்ணிவிட்டாயா அர்ஜீனா ?.. கேட்டான் கண்ணன்.


நான் கேட்பது என்ன ? நீ சொல்வது என்ன ?.. எரிச்சலோடு கேட்டான் அர்ஜீனன்.


புரிந்துகொள்ளும் மனநிலையில் நீயில்லை எனப் பொருள் அர்ஜீனா.. என்றான் கண்ணன்.


என்ன புரியவில்லை ? இன்னும் என்ன புரியவேண்டும் ? எவர் பார்த்து இவர்போல் ஆகவேண்டும் என நினைத்தேனோ, அவரை என்னைக் கொண்டே வீழ்த்த வைத்தது புரியவில்லையா எனக்கு ? மனம் முழுதும் நிறைந்திருந்த பிதாமகரை, மண்விட்டு அனுப்ப, காரணமாகிப் போனேனே நான்.. இதுகூடவா எனக்குப் புரியவில்லை ?.. படபடத்தான் அர்ஜீனன்.


பீஷ்மர் மண்விட்டுப் போய் வெகுகாலமாகிவிட்டது அர்ஜூனா... என்றான் கண்ணன்.


திகைப்பாய்ப் பார்த்தான் அர்ஜீனன்.


ஆம் அர்ஜீனா.. மண்ணாள மட்டும் பீஷ்மர் நினைத்திருந்தால், தடுப்பார் எவருமில்லை அன்று. மண்ணோடு தன் தொடர்பை என்றோ விட்டொழித்தார் பீஷ்மர். அதனாலேயே, தன் சுக துக்கங்களை அவரால் மறக்க முடிந்தது.  
தன்னைப் பற்றிய நினைவே இன்றி, தம் குலத்திற்காக மட்டுமே வாழ்வினை அர்ப்பணிக்க முடிந்தது.


பிரம்மச்சரியம் மட்டுமே பீஷ்மமாகாது அர்ஜீனா.. விருப்பு, வெறுப்பின்றி எதனையும் அணுகமுடிவதே #பீஷ்மம்.  
கொண்ட கொள்கைக்காக, தனைப்பற்றிய சிந்தனையே இன்றி, தொடர்ந்து கடமையாற்றுவதே #பீஷ்மம்.


பீஷ்மரின் கொள்கை தன் குலம் காத்து நிற்பது மட்டுமே. அதற்கு எது சரியோ, அதை மட்டுமே சிந்தனையில் கொள்பவர். அது சரியா, தவறா என்றுகூட யோசிக்கமாட்டார்.  
தன் நிலை தாழ்ந்தாலும் கவலைப்படாமல், தன்னை நம்பியிருக்கும் தன் குலம் காப்பவர் எவரோ.. அவரே #பீஷ்மர். அதற்காக, அவர் கைக்கொண்ட தவம்தான் பிரம்மச்சர்யம்.


மண்ணிலிருந்து தன்னை விலக்கிக் கொள்பவனால் மட்டுமே பீஷ்மனாக முடியும்.. என்றான் கண்ணன்.


பஞ்சபூதங்களில் ஒன்றுதானே இம்மண். அதை மட்டும் விட்டு விலகிநின்றால் போதுமா ?.. கேட்டான் அர்ஜீனன்.


நீர், நெருப்பு என இரண்டையும் தன்னுள் அடக்கி, தன்னைத் தொட்டே தன் பலத்தினை நிரூபிக்க முடியும் என வாயுவிற்கும் வாய்ப்பளிக்கும் மண்ணை அத்தனை சாதாரணமாக எண்ணிவிடாதே அர்ஜீனா. இங்கு அனைத்திற்கும் காரணம் மண்தான். மண்தொட முடியாத ஒரே விஷயம் ஆகாயம் மட்டுமே. அதுவும், இறப்பிற்கு பின்மட்டுமே அடையமுடியும் இடம்.


உலகின் அத்தனை செயல்களுக்கும் ஆதாரமாய் நிற்பது #மண் மட்டுமே. மனிதப்பிறவியின் அசைக்கவே முடியாத, விடவே இயலாத, ஆழமான ஓர் உணர்வு ஆசை. அந்த ஆசையின் அஸ்திவாரமே #மண்தான்.


கருவில் இருக்கும்வரை, மண்ணோடு தொடர்பில்லை. வெளியில் வந்தபின்னும், தாய்மடியில் இருக்கும்வரை, தனக்கென்று ஓர் தனித்த சிந்தனை இருப்பதே இல்லை எந்தக் குழந்தைக்கும்.


எப்போது குழந்தை என்ற ஓருயிர், மண்தொட ஆரம்பிக்கிறதோ.. அப்போது நுழைகிறது அதனுள் ஆசை. தான் படுத்திருக்கும் இடம் தன் இடம். அதுமட்டும் போதுமா ? போதாது. உள்நுழைந்த ஆசை விட்டுவிடுமா என்ன ? புரள்கிறது குழந்தை.. இன்னும் இடம் கிடைக்கிறது. அதுவும் தன் இடம் என்றபின், முன்னோக்கி நகர்கிறது.. தவழ்கிறது இடம் பிடிக்க.


அதுவும் போதவில்லை. கண்படும் இடமெல்லாம் தனதாகவேண்டுமே.. எழ முயற்சித்து தொட நினைக்கிறது.. எழுகிறது.. நடக்கிறது.. ஓடுகிறது.. இத்தனை இடம் கிடைத்தும் போதவில்லை. மண் மட்டும் போதுமா ? மண்மேல் இருக்கும் அத்தனை சுகங்களும் வேண்டும்.. ஓடுகிறது.. தேடுகிறது.. வாழ்நாள் முழுதும் தேடியே ஓய்கிறது.


முதுமையில் தளர்ந்து மறுபடியும் மண்மேல் விழும்வரை ஓய்வதில்லை. எல்லாம் ஓய்ந்தபின்னே, உயிர்பிரிந்து போனபின்னே, மண்ணால் வந்த மனிதனின் ஆசை, மண்ணுக்குள்ளேயேதான் புதைக்கவும் படுகிறது. இத்தனைக்கும் காரணமான இம்மண்ணை மட்டும், அத்தனை எளிதாய் எவராலும் துறக்க முடியாது.


வாழும் காலத்திலேயே, மண்ணாசையை.. மண்ணால் கொண்ட உணர்வுகளை துறந்து நின்றதால்தான் அவர் பீஷ்மர்.. என கண்ணன் கூறியதைக் கேட்ட அர்ஜீனன் திகைத்தான்.


அதனால்தான், மண்படாது பீஷ்மரை அம்புப் படுக்கையில் ஏற்றச் சொன்னாயா கண்ணா ?.. விழிகள் விரியக் கேட்டான் அர்ஜீனன்.


சரியான புரிதல்தான் அர்ஜீனா.  
பிதாமகர் பீஷ்மர் வாவென்றழைக்காமல், மரணதேவனால் அவரை நெருங்கக்கூட இயலாது. வாழும்போது மண்ணோடு தான் கொண்ட உறவறுத்து வாழ்ந்த பீஷ்மர், இறுதி நேரத்தில் மண்மீது விழுந்துவிட்டால், மண் அவரை விட்டுவிடுமா என்ன ? மறுபடியும் வாழவேண்டும் என்ற ஆசைதனை அவருள் புகுத்திவிட்டால் ?..


மீண்டும் எழுந்து, பீஷ்மம் மறந்து, மண்ணாள ஆசை கொண்டுவிட்டால். ?  
உன்னால், என்னால், எவராலும் அவரை தடுத்து நிறுத்திட இயலாது என்பதால்தான் அம்புப் படுக்கையில் கிடத்தச் சொன்னேன்.


ஒருவேளை, அதிலிருக்கும்போதும், மண்தொட அவர் விரும்பினாலும், அம்புகள் குத்தி நிற்கும் உடலின் வலி அதிகரிக்கும்.


மண்தொட ஆசைப்பட்டால், வலிதான் மிஞ்சும் என்பதாலேயே, மறந்தும் கூட அவர் அதனை செய்ய மாட்டார். அதனாலேயே, இறுதிவரை அவரை மண் பார்க்க விடாமல், விழிகளை விண்நோக்கியே இருக்கச் செய்தேன்.


பீஷ்மர் தவறலாம் அர்ஜீனா.. அவர் கொண்ட பீஷ்மம் தவறிவிடக்கூடாது.. என்றான் கண்ணன்.


இத்தனையும்தான் நானறிந்து கொண்டேனே ? மண் வேண்டாம் என என்னால் போரிடாமல் விலக முடியாதா ?.. ஆதங்கத்தோடு கேட்டான் அர்ஜீனன்.


சிரித்தான் கண்ணன்.  
நீ நிற்பதே மண்மீதுதான். உன் இருப்பே மண்மீதுதான் என்றபின், விலகி எங்கு செல்ல முடியும் அர்ஜீனா ? விண் நோக்கிச் செல்ல, உனக்கான காலம் இன்னும் வரவில்லை என்றபின்,


மண்ணில்தான் போராடவேண்டும். மண்ணோடுதான் போராடவேண்டும்.. மண்ணிற்குள் மறைந்து மண்ணாகும்வரை.. என்றான் கண்ணன்.


அர்ஜீனனுக்குப் புரிந்தது.  
மண்ணில் கலக்கத்தான் இத்தனை போராட்டங்களும்.. மண்ணாக மாறத்தான் இந்த ஓர் பிறவியும். நாம் கொண்ட சுகங்களும், துக்கங்களும் மண்ணால்தான் அருளப்பட்டது. அதை அடையத்தான் இந்த வாழ்க்கைப் போராட்டமும்.


எதை வெல்ல நினைத்தோமோ, அதில்தான் அடங்கப் போகிறோம். இங்கு நாம் கண்ட உறவுகள் அத்தனையும், இந்த மண் தந்ததுதான். உறவுகளையும், உணர்வுகளையும் கொடுத்த மண்தான், அவைகளை திரும்பவும் பெற்றுக் கொள்ளப் போகிறது.


எனில், நான் என்பது யார் ? நான் என்பதும் அதுதான்.  
இதைப் புரிந்து கொள்ளவே வாழ்க்கை. புரிந்தாலும், புரியாவிட்டாலும், தான் யார் என்பதை மண் புரியவைத்துவிடும்.


அர்ஜீனன், தர்மன், பீமன், நகுலன், சகாதேவன், துரியோதனன், கர்ணன், துரோணன் என எல்லாம் ஒன்றுதான். அத்தனை பேரும், விரைவாய் மண்ணோடு கலக்க, போராடும் களமே வாழ்க்கை. எவர் முந்துகிறார் என்பது மட்டுமே வாழ்க்கையின் சுவாரஸ்யம்.


வா கண்ணா.. நாளைய போருக்கு தயார் செய்ய வேண்டிய வேலைகள் நிறைய உண்டு.. என அர்ஜீனன் கூற, கண்ணனுக்குப் புரிந்தது.. தன்னை எவரென உணர்ந்துவிட்டான் அர்ஜீனன் என்பது.


இங்கு ஒவ்வொருவர் வாழ்வும் குருஷேத்திரமே.. ஒவ்வொருவரும் அர்ஜீனரே. விளங்கச் சொல்ல, கண்ணன் எனும் சாரதி ஒவ்வொருவர் உள்ளும் உண்டு.


வாழும்போதே அதை உணர்ந்தது, பீஷ்மரைத் தவிர  வேறு எவரும் இல்லை..  


பகிர்ந்தவர் 


மஞ்சுளாயுகேஷ்


இலக்கியச் சோலை    3

 

இலக்கியச் சோலை       


பகுதி  3  


 


   ‘யாதும் ஊரே யாவரும் கேளிர்’



 


 ‘யாதும் ஊரே யாவரும் கேளிர்’  என்று தொடங்கும் வரியைக் கொண்ட பாடலை உலகுக்குத் தந்த கணியன் பூங்குன்றனார்   என்ற  சங்க காலப் புலவரைப் பற்றி சற்றே காண்போம்.    கணியம் என்பது நாள் கிழமை கணித்து பலன் கூறும் சோதிடம். கணியம் தெரிந்தவன் கணியன்.   கணிமேதையார், கணிமேவந்தவள்  என்னும் பெயர்கள் கணியத்தோடு தொடர்பு கொண்டவை.   இவர் சிவகங்கை மாவட்டம் திருப்பத்தூர் தாலுகாவில் உள்ள மகிபாலன்பட்டியில் பிறந்தார்.


 


புறநானூற்றிலும்  (புறம்: 192)  நற்றிணை  (நற்றிணை:226)  யிலும் இவர் பாடல்கள் இடம்பெற்றுள்ளன.


இவரின் புறநானூற்றுப் பாடல் பழங்காலத் தமிழர்களின் பண்பாட்டை எவ்வளவு அழகாக  விளக்குகிறது   படியுங்கள். 










 

யாதும் ஊரே யாவரும் கேளிர்


தீதும் நன்றும் பிறர்தர வாரா
நோதலும் தணிதலும் அவற்றோ ரன்ன
சாதலும் புதுவது அன்றே, வாழ்தல்
இனிதென மகிழ்ந்தன்றும் இலமே முனிவின்
இன்னா தென்றலும் இலமே, மின்னொடு
வானம் தண்துளி தலைஇ யானாது
கல் பொருது மிரங்கு மல்லல் பேரியாற்று
நீர்வழிப் படூஉம் புணைபோல் ஆருயிர்
முறை வழிப் படூஉம் என்பது திறவோர்
காட்சியில் தெளிந்தனம் ஆகலின், மாட்சியின்
பெரியோரை வியத்தலும் இலமே,
சிறியோரை இகழ்தல் அதனினும் இலமே.





 


இதன் பொருளைப் படியுங்கள்


எல்லா ஊரும் எம் ஊர் எல்லா மக்களும் எம் உறவினரே
நன்மை தீமை அடுத்தவரால் வருவதில்லை
துன்பமும் ஆறுதலும்கூட மற்றவர் தருவதில்லை
சாதல் புதுமை யில்லை; வாழ்தல்
இன்பமென்று மகிழ்ந்தது இல்லை
வெறுத்து வாழ்வு துன்பமென ஒதுங்கியதுமில்லை
பேராற்று நீர்வழி ஓடும் தெப்பம்போல
இயற்கைவழி நடக்கும் உயிர்வாழ்வென்று
தக்கோர் ஊட்டிய அறிவால் தெளிந்தோம்
ஆதலினால்,பிறந்து வாழ்வோரில்
சிறியோரை இகழ்ந்து தூற்றியதும் இல்லை
பெரியோரை வியந்து போற்றியதும் இல்லை.


 


(தொடரும்)


    


செ ஏ துஐரபாண்டியன்









  

 

நாகை மாவட்டம் துணை இயக்குனர் டாக்டர் சண்முகசுந்தரம் அவர்கள் உத்தரவின்பேரில் கொரோனா தடுப்பு நடவடிக்கை

நாகை மாவட்டம் துணை இயக்குனர் டாக்டர் சண்முகசுந்தரம் அவர்கள் உத்தரவின்பேரில் கொரோனா தடுப்பு நடவடிக்கை மேற்கொள்ளப்பட்டு வருகிறது மாவட்டத்தில் சுகாதார களப்பணியாளர்கள் கொண்டும் மற்றும் அங்கன்வாடி பணியாளர்கள் கொண்டும் வீடுதோறும் சென்று கொரோனா விழிப்புணர்வு ஏற்படுத்தி தடுப்பு நடவடிக்கைகள் மேற்கொள்ளப்பட்டு வருகிறது அதனடிப்படையில் குத்தாலம் வட்டார  மருத்துவ அலுவலர் டாக்டர் அப்துல் ஃ க் அவர்கள் தலைமையில் திருவலங்காடு சோதனைச்சாவடியில் வாகனங்களுக்கு நோயெதிர்ப்பு கிருமிநாசினி தெளித்தும் காய்ச்சல்உள்ளதா என  தர்மா மீட்டர் மூலம் பரிசோதனை செய்து நடவடிக்கை மேற்கொள்ளப்பட்டு வருகிறது இதில் வட்டார சுகாதார மேற்பார்வையாளர் தவபாலன், சுகாதார ஆய்வாளர் சந்திரசேகரன் மாவட்ட நல்கல்வி அலுவலர் சுரேஷ்பாபு உள்ளிட்டோர் கொரோனா விழிப்புணர்வு பணியை செய்து வருகின்றனர். பீப்பிள்டுடே செய்திகளுக்காக


. கடலூர். காமராஜ்


பாவேந்தர்       பாரதிதாசன்        

பாவேந்தர்
      பாரதிதாசன்
        **
     


பலவிகற்ப
       இன்னிசை
         பஃறொடை
          வெண்பா
          **
 புரட்சிக்
   கவியாய்
      புவியைப்
         புரட்டி


 அரட்டி(அச்சம்)
  தவிர்த்த
   அணிக்குத்
     தலைவன்


  அரக்க
    குணத்தை
      அறவே
        ஒழிக்க


   உறக்கம்
     துறந்த
       உணர்வுக்
         கவிஞன்


  பரக்க
    விரிந்த
      பதர்கள்
        நடுவே


   இரக்கம்
      புரிந்த
        இனிதாம்
         குணத்தன்


  உரக்க
    நிதமும்
      உரைத்தே
        மகிழ


   கரத்தை
     உயர்த்தும்
       கவிதைத்
         திறத்தன்


 சரக்கை
   நிகர்க்கச்
    சரிக்குச்
      சமமாய்


 அரக்காம்
    நிறத்தை
      அமைத்த
        அமரன்


 திரக்கும்
   (சுருங்கும்)
   நிலையில்
     திணறும்
       உணர்வும்


 சுரக்க
   உதித்த
     சுகிப்பு.
   (இன்ப உணர்வு)
        **
பாவேந்தர்
    பாட்டினால்
      பாரெல்லாம்
         போற்றிட


 நாமெல்லாம்
    வாழுவோம்
      நாளெல்லாம்
        பாடுவோம்.


வணக்கத்துடன்🙏
ச.பொன்மணி


ஓலி ஒளி உணர



மதுரையில் காவல்துறையுண் இணைந்து NCC மாணவர்கள் Covid 19 ஊரடங்கு காலத்தில் உதவி  :

மதுரையில் காவல்துறையுண் இணைந்து NCC மாணவர்கள் Covid 19 ஊரடங்கு காலத்தில் உதவி  :



தேசிய மாணவர் படை சார்பில் காவல் துறையுடன் இணைந்து மதுரையில் பல பகுதிகளில் Covid 19
ஊரடங்கு வாகன தனிக்கையில் ஈடுபட்ட NCC அலுவலர்கள் மற்றும் மாணவர்கள் என மொத்தம் 100 மாணவர்கள், 6NCC அலுவலர்கள் மற்றும் ஜூனியர் கமெண்டிங் ஆபிஸர்கள் ஆகியோர் கலந்து கொண்டனர்..


4 TN ENGR COY NCC MADURAI
7 TN BATTALION NCC MADURAI
2 NAVAL NCC MADURAI



மதுரை செய்தியாளர் :
S.பெரியதுரை


ராஜா ரவி வர்மா

          ராஜா ரவி வர்மா நவீன காலத்துக்கு ஏற்ற முறையில் மேல்நாட்டில் வழங்கும் ஓவிய மரபை அப்படியே இந்தியப் பாணி ஓவியக்கலைக்குள் புகுத்தியவர். உலகப்புகழ் பெற்ற பல ஓவியங்களைப் படைத்தவர். ராஜா ரவிவர்மா கேரளாவின் திருவிதாங்கூர் சமஸ்தானத்தில் உள்ள கிளிமானூர் என்னும் ஊரில் 1848-ஆம் ஆண்டில் உமாம்பா- நீலகண்டன் தம்பதிகளுக்குப் பிறந்தவர். சிறு வயதிலிருந்தே சமஸ்கிருதம், மலையாளம் ஆகியவற்றுடன் ஓவியத்தையும் தம்முடைய உறவினர் ராஜா ராஜவர்மாவிடமிருந்து கற்றுக்கொண்டார்.


ராஜா ராஜவர்மா, ரவிவர்மாவுக்குத் தமக்கு ஓவியத்தில் தெரிந்தவற்றை யெல்லாம் கற்றுக்கொடுத்தார். திருவாங்கூர் மன்னர் ஆயில்யம் திருநாள் மகாராஜாவின் உதவியுடன் 1862-ம் ஆண்டில் திருவனந்தபுரம் அரண்மனையில் எண்ணெய் வண்ண ஓவியக்கலையை அரண்மனை ஓவியர் ராமசாமி நாயுடுவிடம் ஒன்பது ஆண்டுகள் பயின்றார். சுதேசிமுறையில் செய்யப்பட்டன. அவ்வேளையில் அரச குடும்பத்தைச் சேர்ந்ததொரு பெண்ணை மணந்துகொண்டார்.

இலைகள், மரப்பட்டைகள், மலர்கள், மண் ஆகியவற்றிலிருந்து வண்ணங்கள் தயாரித்தே அக்காலத்தில் ஓவியங்கள் தீட்டப்பட்டன. ஐரோப்பியர்களின் எண்ணெய் வண்ண ஓவியங்களைப் பற்றி சில உத்திகளைத் தெரிந்து கொள்ளவேண்டும் என்று ரவிவர்மா விரும்பினார். தியோடோர் ஜென்சன் என்னும் ஐரோப்பியர் 1868-ல் அரண்மனை வந்திருந்தபோது அவர் ஓவியம் வரையும் முறையயும் உத்திகளையும் அருகில் இருந்து கவனித்து அதன் மூலம் தாமும் அந்த ஐரோப்பியக் கலையைக் கற்றுக்கொண்டார். அந்நாளில் அவர் சென்னை ஆளுனராகிய பக்கிங்க்ஹாம் கோமகனாரை வரைந்த ஓவியம் அவருக்குப் புகழ் தேடித்தந்தது. ஆயில்யம் திருநாள் மகாராஜா, ரவிவர்மா தம்மை மிகச்சிறப்பாக வரைந்ததற்காக 'வீரஸ்ருங்கலா' என்னும் உயரிய விருதை அளித்துக் கௌரவித்தார். 1870 - 1880 ஆண்டுகளில் கிளிமானூரிலேயே தங்கி நிறைய ஓவியங்களைப் படைத்தார்.

மஹாராஜா மூன்றாம் சத்யாஜிராவ் கெய்க்வாட் (Sathyajirao Gaekwad) அவர்களின் ஆட்சிக் காலத்தில் ரவிவர்மா பரோடா சமஸ்தானத்தில் 19-ம் நூற்றாண்டின் இறுதிப் பகுதியில் பத்து ஆண்டுகள் தங்கினார். அவரது பெரும்பாலான சிறந்த ஓவியங்கள் அங்குதான் படைக்கப்பட்டன. தமது வாழ்வின் பெரும் பகுதியை அவர் மும்பாயில் கழித்தார். அங்குதான் 1894-ல் அவர் தமது அச்சகத்தைத் நிறுவினார். 1896 இல் அவரது அச்சகத்தில் முதல் பிரதி ஓவியம் தமயந்தி அன்னப்பட்சியுடன் உரையாடும் ஓவியம் அச்சிடப்பட்டது. 1899 இல் அச்சகத்தை ஸ்லிஷர் (Slisher) நகரத்துக்கு மாற்றினார். 1906 இல் தமது 58-வது வயதில் அவர் இறைவனடி சேர்ந்தார்.



1873 இல் வியென்னாவில் நடைபெற்ற ஓவியக் கண்காட்சியில் ரவிவர்மாவின் ஓவியங்கள் காட்சிக்கு வைக்கப்பட்டு சிறப்பான விருதைப் பெற்றார். தென்னிந்தியப் பெண்களை இந்துக் கடவுளரின் உருவகங்களாகப் படைத்தார். பழம்பெரும் காவிய நாயகிகளான துஷ்யந்தை, சகுந்தலை, தமயந்தி போன்றோரின் உருவங்களை வரைந்து உலகப்புகழ் பெற்றார்.


"நவம்பர் 24 2002 இல் டில்லியில் நடந்த ஓவிய ஏலத்தில் அவரது யசோதையும் கிருஷ்ணனும் ஓவியம் 56 லட்சம் ரூபாய்க்கு ஏலம் போனது



இந்தியக் கலை விமர்சகர்கள் அவரது ஓவியங்களில் வெறும் கதை சொல்லும் (illustrative) தன்மையும், உணர்ச்சி மேலோங்கிய தன்மையும்தான் காணப்படுகின்றன என்றும் அவர் கற்பனை வரட்சி மிக்க, மேலை நாட்டுப் பாணியை நகல் செய்யும், இந்தியக் கலையியலைப் புறக்கணித்த ஓவியர் என்றும் குறைகூறினார்கள். அவரது அச்சகத்தில் அச்சிடப்பட்ட பிரதி ஓவியங்கள் 'கேலண்டர் ஓவியர்' என்று அவரை கொச்சைப் படுத்தப் பயன்பட்டன. மேலை நாட்டு உத்தியான தைல வண்ணத்தை பயன்படுத்தி இந்திய வண்ண உத்தியை அவர் அவமதித்ததாகக் கூடக் குறிப்பிட்டார்கள்.


 


செ ஏ துரைபாண்டியன்


 


Quarantine workout for arms

Quarantine workout for arms


Best women's arm workout



Quarantine workout for Tonned Arms,


Zumba Toning - Upper body isolation


see here



by


Zin Rituhttps://www.youtube.com/channel/UCFfzORs3-n79UZ-8b4A5Pag/featured


 


ஆத்திசூடி           (க)  14. கண்டு ஒன்று        சொல்லேல்

 


ஆத்திசூடி
          (க)
 14. கண்டு ஒன்று
       சொல்லேல்
         **
      ஒருவிகற்ப
       இன்னிசை
       வெண்பா
         **
 கண்டதை
    மாற்றிக்
     கதையெனக்
        கூறினால்


 அண்டமாப்
   பொய்யாய்
     அகிலமும்
       தூற்றிடும்


   அண்டுதல்
    (கிட்டுதல்)
      என்னும்
        அறவழி
         ஏற்றிட


  உண்மையைப்
      போற்றிப்
        புகல்.
     **
   கண்டு ஒன்று
    சொல்லேல்
     
வணக்கத்துடன்🙏
ச.பொன்மணி


ஒலி ஒளி உணர



குருவிக்குத் தக்க ராமேஸ்வரம்

குருவிக்குத் தக்க ராமேஸ்வரம்


பழமொழிகளின் விளக்கம்



  1. மோதிரக் கையால் குட்டு வாங்குவது.


“மோதிரக் கையால்“ அல்ல.  “மோதுகிற கையால்“,  உனக்குச்


சரிசமமான அந்தஸ்து உள்ளவனிடம மோத வேண்டும் என சொல்வது.  .


 



  1. சோழியன் குடுமி சும்மா ஆடுமா?


சோழியன் என்ற அனத்தவர் அந்தக் காலத்தில் நிறைய முடி வளர்த்து அதை குடுமி போல் முடிந்திருப்பார்களாம்.  தலையில் வைத்து கனமான சாமான்களைத் தூக்கி வர வேண்டியிருந்தால் துணியால் செய்த சும்மாடு ஒன்றைத்  தலையில் வைத்து அதன்மேல் கனமான சாமான்களைத் தூக்கி வருவார்களாம்.  என்னதான் தலை நிறைய முடி இருந்தாலும், சோழியன் குடுமி “சும்மாடு ஆகுமா“  என்பதுதான் மறுவி “சும்மா ஆடுமா“ என்றாகி ஆகிவிட்டது.


                                                   



  1. குருவிக்குத் தக்க ராமேஸ்வரம்    


“குருவிக்குத் தக்க ராமேஸ்வரம்”     ஏதாவது அர்த்தம் இருக்கிறதா?


இதை குறிவைக்க + தைய்க்கும் +  ராமசரம்,   ராமன் குறிவைத்து அம்பு எய்தால் அது குறிதவறாமல் தைக்குமாம்.  அதுபோல எந்த ஒரு காரியத்தையும் சரியாகத் தீர்மானித்து செய்தால் தவறாமல் நினைத்தது நடக்கும்   என்பதுதான் மறுவி அர்த்தமற்றதாகத் தெரிகிறது. 


செ ஏ துரைபாண்டியன்


 


பிரபல பாலிவுட் நடிகர் இர்பான் கான் புற்று நோயால் மரணம்  

பிரபல பாலிவுட் நடிகர் இர்பான் கான் புற்று நோயால் மரணம்  


உடல்நலக் குறைவு காரணமாக சிகிச்சை பெற்று வந்த பிரபல பாலிவுட் நடிகர் இர்பான் கான்இன்று ஏப்ரல் 29, 2020 சிகிச்சை பலனின்றி உயிரிழந்தார்.




பிரபல பாலிவுட் நடிகர் இர்பான் கான் 1988-ம் ஆண்டு வெளியான சலாம் பாம்பே என்ற படம் மூலம் திரையுலகில் அறிமுகமானார். பின்னர் வில்லன், குணச்சித்திர வேடம் என அனைத்திலும் நடித்து முன்னணி நடிகராக உயர்ந்தார். இவர் பாலிவுட் மட்டுமல்லாது ‘லைஃப் ஆஃப் பை’, ஜுராசிக் வேர்ல்டு போன்ற ஹாலிவுட் படங்களிலும் நடித்துள்ளார். விளம்பர படங்களிலும் மாடலிங் செய்து வந்தார்.


 


இவர் நியூரோ எண்டாக்ரின் ட்யூமர் எனப்படும் அரிய வகை நோயினால் பாதிக்கப்பட்டு சிகிச்சை பெற்று வந்தார். திடீரென உடல்நலக்குறைவு ஏற்பட்டதன் காரணமாக நேற்றிரவு அவர் மும்பையில் உள்ள தனியார் மருத்துவமனையில் அனுமதிக்கப்பட்டார்.


 


இந்நிலையில், அவர் இன்று சிகிச்சை பலனின்றி உயிரிழந்தார். அவருக்கு வயது 54. அவரது மறைவு பாலிவுட் பிரபலங்களிடையே அதிர்ச்சியை ஏற்படுத்தி உள்ளது. 


 


கடந்த சனிக்கிழமை இவரின் தாயார் சாயிதா பேகம், 95, ஜெய்ப்பூரில் வயது முதிர்வு காரணமாக உயிரிழந்தார். கொரோனா வைரஸ் காரணமாக நாடு முழுவதும் லாக்டவுன் போடப்பட்டுள்ளதால், ஜெய்பூருக்கு செல்ல முடியாத நிலையில், வீடியோ காலில் அழுத படி தாயின் இறுதி சடங்குகளை இர்பான் கான் பார்த்தார் என்பது குறிப்பிடத்தக்கது.


செஏ துரைபாண்டியன்


 


Irrfan No more


Actor Irrfan Khan Dies In Mumbai At 53



As news of Irrfan Khan's hospitalisation spread on Tuesday evening, the actor's spokesperson released a statement


இந்திய சினிமாவுக்கு ஓர் இழப்பு

நடிகர் #இர்ஃபான்கான் மறைந்துவிட்டார் என்பது  ஓர் அதிர்ச்சி அளிக்கும் செய்தி . உண்மையில் இந்திய சினிமாவுக்கு ஓர் இழப்பு. இவ்வளவு இளம் வயதில் (52) அவர் இறந்தது ஒரு துரதிர்ஷ்டம்.


நடிகனுக்கு உடல் என்பது ஒரு கருவி. அதை நுட்பமாகப் பயன்படுத்தத் தெரிந்தவர் இர்பான் கான்.


மரம் அறுப்பதற்கும் மரச் சிற்பம் செய்வதற்கும் ஆன இடைவெளி ஒரு மோசமான நடிகருக்கும் நல்ல நடிகருக்கும் ஆன இடைவெளி ஆகும்.


பொதுவான மேலோட்டமான நடிப்பு என்பதிலிருந்து நுட்பமான நடிப்பை நோக்கி முன்னேறுவது என்பது ஒரு நடிகன் தன்னைத்தானே செதுக்கிக் கொள்ளும் ஒரு பயணம். வருத்தமும் வலியும் கொடுக்கும் பொறுமையான நீண்ட பயணம். அதில் வெல்வது  தன்னையே வெல்வதாகும். அது தரும் உவகை பணம் , புகழ் இவற்றைத் தாண்டியது. இந்த உவகையைப் பெற நினைக்கும் கலைஞன் பொதுப் பாதையில் இருந்து தன்னைத் தனிமைப்படுத்திக்கொள்பவன். இதனால் வரும் இழப்புகளுக்கு அஞ்சாதவன். அவர்களில் ஒருவர் இர்ஃபான்.


நேஷனல் ஸ்கூல் ஆஃப் டிராமாவில் பயின்றதில் இருந்து ஹாலிவுட் படங்களில் நடித்தது வரை இர்பான் கான் பயணம் செய்தது அவரது தொடர் உழைப்பினால் கிடைத்த பயன்.


உலகத் திரைப்படங்களில் ஒரு இந்திய நடிகர் தலை காட்டுவது என்பது சாதாரண விஷயமல்ல. 


'ஸ்லம்டாக் மில்லியனர்',  'லைப் ஆஃப் பை' போன்ற 
ஹாலிவுட் படங்களில் நடித்தவர் இர்பான் கான்.
இவை அவரை சர்வதேச கவனம் பெற வைத்தவை. 


அவருடைய 'லஞ்ச் பாக்ஸ்' பரவலான கவனத்தை பெற்ற அழகான காதல் காவியம் ஆகும்.


இன்னும் பல இடைநிலைப் படங்களில் தன் பங்களிப்பைச் செலுத்தியவர் இர்பான் கான்.  


பத்மஸ்ரீ விருது, தேசிய விருது, ஃபிலிம்ஃபேர் விருது  ஆகிய விருதுகளைத் தன் திரைக்கலை பங்களிப்புக்காகப் பெற்றவர் இர்ஃபான்.
அவரது மறைவு உண்மையிலேயே நடிப்புக் கலைக்கும் இந்தியத் திரை உலகிற்கும் ஒரு பேரிழப்பாகும். 


ஒரு தூரத்து ரசிகனாக
அவருக்கு என் அஞ்சலி. 
*
- பிருந்தா சாரதி
திரை எழுத்தாளர் , இயக்குநர்.
*


விழுப்புரம் மாவட்டம் திண்டிவனத்தில் ஊரடங்கு நேரத்தில் யாதவர் சங்கம் சார்பில் நிதியுதவி

விழுப்புரம் மாவட்டம்
திண்டிவனத்தில் ஊரடங்கு நேரத்தில் யாதவர் சங்கம் சார்பில் நிதியுதவி :



விழுப்புரம் மாவட்டத்தில்.,
திண்டிவனம் வட்டார யாதவர் சங்கம் சார்பாக கொரோனா வைரஸ் 144 ஊரடங்கு உத்தரவு நிலை காரணமாக திண்டிவனம் பகுதியில் வாழ்வாதாரம் இழந்த
ஏழை குடும்பங்களுக்கு நிவாரண உதவிகள் வழங்கப்ப்பட்டது.
மேலும்
யாதவர் சங்கம் தலைமை ஒருங்கிணைப்பாளர் வழக்கறிஞர் 
வி.நவநீதகிருஷ்ணன் 
BE.,BL.., அவர்கள் அரிசி (ம) மளிகைப் பொருட்களை வழங்கினார்..
மேலும் சங்கத்தின் பொறுப்பாளர்கள்
பொன்னரசு,
கமலக்கண்ணன்,
ஜெயச்சந்திரன்,
கிருஷ்ணமூர்த்தி,
ஹரி,
பாலாஜி,
ஆனந்தன்
ஆகியோர் முன்னின்று நிவாரண உதவிகளை வழங்கினர்....
மேலும் நிதியுதவியை பெற்று கொண்ட மக்கள்
சங்கத்திற்கு நன்றியை தெரிவித்துக் கொண்டனர்...


 


மதுரை செய்தியாளர் :
S. பெரியதுரை


ஆடுவோமே என்று நடனம் ஆட முடியாத நிலையில் உலகம்

 


உலக நடன தினம்


 


ஒவ்வோர் ஆண்டும் உலக நடன தினம்  (International Dance Day) ஏப்ரல் மாதம் 29ம் தேதி உலக அளவில் கொண்டாடப்படுகிறது.


இந்தியா போன்ற நாடுகளில் நடனக்கலை முக்கியத்துவம் பெற்ற ஒரு கலையாகவும், சில சந்தர்ப்பங்களில் தெய்வீகத்தன்மை கொண்ட ஒரு கலையாக விளங்குகின்ற போதிலும் கூட உலக நடன தினம் (World Dance Day) என்ற அடிப்படையில் ஏனைய உலக தினங்களைப் போல இத்தினம் ஒரு முக்கியத்துவம் பெற்ற தினமாக கொண்டாடப்படுவதில்லை.


நடனம் (Dance )  நாட்டுக்கு நாடு, மாநிலத்துக்கு மாநிலம் வேறுபடுகிறது.  பரதம் தமிழ்நாட்டுக்குரிய நடனமாகக் கருதப்படுகின்றது. இது மிகத் தொன்மைவாய்ந்ததும், இந்தியாவிலும், வெளிநாடுகளிலும் பிரபலமானதுமாகும்.


பரத முனிவரால் உண்டாக்கப்பட்டதனால் 'பரதம்' என்ற பெயர் வந்ததாகக் கூறுவர். அதேவேளை பரதம் என்ற சொல் ப- பாவம், ர- ராகம், த- தாளம் என்ற மூன்றையும் குறித்து நிற்பதாகவும் சொல்லப்படுகிறது.


இதில் பாவம் உணர்ச்சியையும், ராகம் இசையையும் குறிக்கும். இவற்றுடன் தாளம் சேர்ந்த நடனம்தான் பரத நாட்டியம். நன்கு தேர்ச்சி பெற்றதொரு நாட்டியக்கலைஞரின் முக பாவனையில் நவரசங்களின் பாவனைகளையும் வெளிக்கொணருதலைக் காணலாம்.


மேலை நாடுகளில் முக்கியத்துவம் பெற்றுள்ள பாலே, டிஸ்கோ, சல்சா, போல்கா, லம்பாடா, லிம்போ போன்ற நடனங்களில் முக பாவனையில் நவரசங்களின் பாவனைகளைக் காண்பது அரிது.


பரத நடனத்தை ஆடுபவர்கள் மிகப்பெரும்பான்மையோர் பெண்களேயென்றாலும், ஆண்களும் இதனை ஆடுவதுண்டு.


சைவ சமயத்தவர்களின் முழுமுதற் கடவுளான சிவன் கூட, நடராஜர் வடிவத்தில் இந்த நடனத்தை ஆடியபடி சித்தரிக்கப்படுகிறார்.


சிவபெருமான் ஆடும் நடனம் 'தாண்டவம்' என்று சொல்லப்படுகிறது.


மகிழ்ச்சியின் உச்சத்தில் அவர் ஆடும் நடனம் 'ஆனந்த தாண்டவம்' என்றும், அழிக்கும் கடவுளாக அவர் ஆடும் நடனம் 'ருத்ர தாண்டவம்' என்றும் அழைக்கப்படுகிறது.


மென்மையான அசைவுகள் மற்றும் பதங்களுடன் பார்வதி ஆடும் நடனம் 'லாஸ்யா' என்று அழைக்கப்படுகிறது.


உடல் அசைவுகளும், கை முத்திரைகளையும் சேர்த்தது 'அடவு' என்று வழங்கப்படுகிறது.. பல அடவுகள் சேர்ந்தது 'ஜதி' எனப்படும். அடவுகள் சுமார் 120 உள்ளன. அவற்றில் கிட்டத்தட்ட எண்பது வரைதான் தற்போது பயன்பாட்டில் உள்ளது. சிதம்பரம் ஆலயத்தில் உள்ள சிற்பங்களில் இவை செதுக்கப்பட்டுள்ளன.


பரத நாட்டியத்திற்கு பாடல், நட்டுவாங்கம், மற்றும் இசைக்கருவிகளின் துணை தேவை. வீணை, புல்லாங்குழல், வயலின், மிருதங்கம் ஆகிய இசைக்கருவிகள் இவற்றில் சில. இசைக்கலைஞர்கள் மேடையின் ஒரு புறமாக அமர்ந்து இசைக்க, நடனம் ஆடுபவர் மேடையின் மையப்பகுதியில் ஆடுவார். நடனம் ஆடுபவர், நாட்டியத்திற்காக பிரத்யோகமாக தைக்கப்பட்ட வண்ணப் பட்டாடைகள் அணிந்து இருப்பார். மேலும் பரத நாட்டியத்திற்கான நகைகளையும், காலில் சலங்கையும் அணிந்திருப்பார்.


இந்தியாவிலுள்ள ஒவ்வொரு மாநிலத்திலும் குறிப்பிட்ட நடனம் சிறப்பாக இருக்கிறது.


தமிழ்நாட்டில் பரதநாட்டியம், கோலாட்டம், கும்மியாட்டம், தெருக்கூத்து, கேரளாவில் சாக்கியார் கூத்து, கதகளி, மோகினி ஆட்டம், ஓட்டம் துள்ளல், தாசி ஆட்டம், கூடி ஆட்டம், கிருஷ்ணா ஆட்டம்,


ஆந்திராவில் குச்சுப்பிடி, கோட்டம், வீதி பகவதம்


கர்நாடகாவில் யக்ஷகானம்:


ஒரிஸ்ஸாவில் ஒடிசி:


மணிப்பூரில் மணிப்புரி, லாய்-ஹரோபா,


பஞ்சாப்பில் பாங்ரா, கிட்டா,


பீகாரில் பிதேஷியா, ஜட்டா-ஜட்டின், லாகூய், நாச்சாரி,


அஸ்ஸாமில் பிகு,


ஜம்மு-காஷ்மீரில் சக்ரி, ரூக்ப் என்றவாறு அமைந்துள்ளன.


 


நடனக்கலையின் முக்கியத்துவம் கருதி இந்திய பாரம்பரிய நடனங்களை . பரத நாட்டியம், குச்சிப்புடி, கதகளி, மோகினியாட்டம், ஒடிசி, மணிப்புரி என சுருக்கமாக கூறுவர்.


இந்தியாவின் கிராமிய நடனங்களை பின்வருமாறு பிரித்தாரயலாம்.


தென்னிந்திய கிராமிய நடனங்கள்- தேவராட்டம், தொல்லு குனிதா, தண்டரியா, கரகம், கும்மி, கூட்டியாட்டம், படையணி, கோலம் (நடனம்) இலவா, நிக்கோபாரிய நடனம்.


வட இந்திய கிராமிய நடனங்கள் - டும்ஹால் இரூவ்ப், லாமா நடனம், பங்கி நடனம், பங்காரா, ராஸ், கிட்டா, தம்யால் டுப், லகூர், துராங், மாலி நடனம், தேரா தலி.


கிழக்கிந்திய கிராமிய நடனங்கள்- நாகா நடனம், ஹஸாகிரி, மூங்கில் நடனம், நொங்கிறேம், பிகு, தங்-டா, கர்மா, பொனுங், பிரிதா ஓர் வ்ரிதா, ஹுர்க்கா பாவுல், காளி நாச், கண்ட பட்டுவா, பைக், தல்காய் . மேற்கிந்திய நடனங்கள் கெண்டி, பகோரியா நடனம், ஜாவார் இகர்பா, தாண்டியா, காலா டிண்டி, மண்டோ.


1982ம் ஆண்டு யுனெஸ்கோ நிறுவனத்தின் கலாசார ஊக்குவிப்பின் கீழ் சர்வதேச நடன சபை International Dance Council (CID) ஏற்படுத்தப்பட்டது. இச்சபையின் மூலமாகவே உலக நடன தின ஏற்பாடுகள் 2003ம் ஆண்டிலிருந்து செய்யப்படுகின்றன.


இச்செய்தியை வெளியிட்ட சர்வதேச நடன சபையின் International Dance Council (CID), தலைவர் பேராசிரியர் அல்கீஸ் ராப்டிஸ் Prof. Alkis Raftis அவர்கள் ''உலகிலுள்ள இருநூறு நாடுகளின் அரைவாசிக்கும் மேற்பட்ட நாடுகளில் நடனத்திற்கு சட்டரீதியான அந்தஸ்து வழங்கப்பட்டிருப்பதாக தெரியவில்லை. பொதுவாக அரசாங்கங்கள் வரவு செலவு திட்டத்தில் நடனக்கலையை ஊக்குவிக்கும் வகையில் எத்தகைய நிதி ஒதுக்கீடுகளையும் செய்யப்படுவதுமில்லை. மேலும் தனிப்பட்ட அல்லது நிறுவன ரீதியான நடனக்கல்விக்கு அரச நிதி உதவிகள் கிடைப்பதில்லை'' என்றார்.


2005ம் ஆண்டில் நடன தினத்தின் கவனம் ஆரம்பக் கல்வியின் ஊடாக நடனத்தைப் போதிப்பதை நோக்கமாகக் கொண்டிருந்தது.


தனிப்பட்ட நடனப்பயிற்சியாளர்கள், நடன நிறுவனங்கள் தமது பிரேரனைகளுடன் தத்தமது நாடுகளின் கல்வி, கலாசார அமைச்சுகளை தொடர்பு கொண்டு பள்ளிகளில் நடன தின விழாவைக் கொண்டாடுவதற்கான ஏற்பாடுகள் செய்யப்பட வேண்டும் என்றும் நடனம் பற்றிய கட்டுரைகள் எழுதுதல், நடனம் பற்றிய புகைப்படங்களை காட்சிப்படுத்துதல், வீதி நடனங்கள் போன்றவற்றை ஏற்பாடு செய்தல். நடனம் பற்றிய கருத்தரங்குகள் சொற்பொழிவுகளை ஏற்பாடு செய்தல் போன்றன இத்தினத்தில் எதிர்பார்க்கப்பட்டது.


1981ல் நடனத்திற்கு முறையான அங்கீகாரம் பெற நடனங்கள் தொடர்பான ஒரு நிறுவனம் தேசிய நடனவாரத்திற்கான கூட்டு ஒன்றியமொன்று Coalition for National Dance Week உருவாக்கப்பட்டுள்ளது


உலகமே கொரானா  என்ற நச்சுத் தொற்று நோய் பீதியில் இருக்கும்போது மனதிற்கு இதமளிக்கும் என்ற வகையில் எப்பொழுது வேண்டுமானாலும் பார்த்து இரசிக்கக்கூடிய நடனங்கள் சில பற்றிய சில இணைய தள முகவரிகள் கீழே கொடுக்கப்பட்டுள்ளன.  விரும்பினால் இணைப்பில் பாருங்கள்.


 


செ ஏ துரைபாண்டியன்


https://www.youtube.com/watch?v=3mtavE5YBG4


https://www.youtube.com/watch?v=nmJzxqIOQdo&list=RDnmJzxqIOQdo&start_radio=1&t=36


https://www.youtube.com/watch?v=9qV-11UracQ


 


https://www.youtube.com/watch?v=6_b9DzTPGF0&list=RDnmJzxqIOQdo&index=3


 


என்னோடு சேர்ந்து ஆடுங்க

            இன்று ஏப்ரல் 29. உலக நடன தினமாகும் (International Dance Day)


இந்திய, இலங்கை போன்ற நாடுகளில் நடனக்கலை முக்கியத்துவம் பெற்ற ஒரு கலையாகவும், சில சந்தர்ப்பங்களில் தெய்வீகத்தன்மை கொண்ட ஒரு கலையாக விளங்குகின்ற போதிலும் கூட உலக நடன தினம் (World Dance Day) என்ற அடிப்படையில் ஏனைய உலக தினங்



நடனம் (Dance ) எனும் போது நாட்டுக்கு நாடு, பிரதேசத்துக்கு பிரதேசம் வேறுபடுவதை அவதானிக்கலாம். உதாரணமாக பரதம் தென்னிந்தியாவுக்குரிய, குறிப்பாக தமிழ்நாட்டுக்குரிய நடனமாகக் கருதப்படுகின்றது. இது மிகத் தொன்மைவாய்ந்ததும், இந்தியாவிலும், வெளிநாடுகளிலும் பிரபலமானது.


 இந்த நடன தினத்தில் தமிழ் திரைப்படங்களில் இடம் பெற்ற சில பல்வேறு நடனகாட்சிகளின் துளிகள் clips  தொகுத்து வழங்கியுள்ளேன்


 சில நடனங்கள்  நம்மள ஆடவைக்கும்


இப்போ நாம குவாரண்டைல இருப்பதால் ஆடுவோம் ,என்ன நான்  சொல்றது 


சரிதானே


 


பாருங்க


 


வணக்கம்


 உமாதமிழ்


Tuesday, April 28, 2020

நீங்கள் எதை எண்ணுகிறீர்களோ, விரும்புகிறீர்களோ, ஆசைப்படுகிறீர்களோ அதுவாகவே ஆகிறீர்கள்

 


 


நீங்கள் எதை எண்ணுகிறீர்களோ, விரும்புகிறீர்களோ, ஆசைப்படுகிறீர்களோ அதுவாகவே ஆகிறீர்கள்


(தொடர் 3)


கேள்வி : திரைப்படங்களில் நடிக்க வராமலிருந்தால் வேறு என்ன செய்திருப்பீர்கள்?


 


பதில் :  அரசியலில் தீவிரமாக இறங்கி, பெரிய அரசியல்வாதியாக வேண்டும் என்ற ஆசையும் இருந்தது. ஒருவேளை நான் சினிமாவிற்கு வராமலிருந்தால், இன்று தேர்தலுக்காக அல்லது உப தேர்தலுக்காக எங்கதாவது மேடையில் பேசி வெளுத்து வாங்கிக் கொண்டிருப்பேன்.


நான்கு ஆசைகளைத் தெரிவித்ததில் இது நான்காவது ஆசை.   அந்த நபர் வேறு யாருமல்ல.


சென்னை கடற்கரையில் நீங்காத் துயில் கொண்டிருக்கும்     ஜெயலலிதா


ஆனந்த விகடன் 10-08-1969-ல் வெளிவந்த செய்தி 


 



செ ஏ துரைபாண்டியன்


 


 


 


 


 


 


 


மொத்த பணம் வெறும், 130 ரூபாய் மட்டுமே வைத்திருந்த தலைவர்

எப்படிப்பட்ட முதல்வர்?


 


சென்னை மாநில (தமிழக) முதல்வராக மூன்று முறையும், கிங் மேக்கராக (இந்தியாவின் பிரதமரை நிர்ணயிக்கும் வல்லமை படைத்தவராக) இந்தியாவில் முக்கிய தலைவராக வாழ்ந்த காமராசர், கடைசி வரை வாடகை வீட்டில்தான்  வாழ்ந்தார்.  சொந்த வீடு, கார் மற்றும் சொத்துகள் என்று எதுவும அவருக்கு இல்லை. தனக்கென்று  வங்கியில் கணக்கு வைத்திருந்தது கிடையாது. (பினாமி பெயரில் வைத்திருந்ததாகத் தவறாக நினைக்காதீர்கள்),


அவர் இறக்கும்போது, அவரிடம் இருந்த மொத்த பணம் வெறும், 130 ரூபாய் மட்டுமே


செ ஏ துரைபாண்டியன்.   


சிவாஜி கணேசனின் பெருமையைக் களங்கப்படுத்துகிறார்கள்”.






சிவாஜி கணேசனின் பெருமையைக் களங்கப்படுத்துகிறார்கள்”.


  “சொன்னவர் யார்?”


 


    கேள்வி : “ ’இயற்கையான நடிப்புக்கு எதிர்காலத்தில் வரவேற்பு இருக்கும்;.  மிகையான நடிப்புக்கு வரவேற்பு இருக்காது’ என்று தென் இந்திய சினிமா பத்திரிகையாளர்கள் சார்பில் தங்களுக்கு நடந்த  பாராட்டு விழாவில் நிங்கள் பேசினீர்கள் அல்லவா?


    திரு. சிவாஜி கணேசனைத் தாக்கித்தான் நீங்கள் அப்படிப் பேசினீர்கள் என்று பேசிக் கொள்கிறார்களே, அது உண்மையா?”


    பதில் :  “இயற்கை நடிப்புக்குத்தான் எதிர்காலத்தில் நல்ல வரவேற்பு இருக்கும் என்று நான் குறிப்பிடும்போது, உடனடியாக அவர்கள் திரு. சிவாஜி கணேசனைப் பற்றி ஏன் ஞாபகப்படுத்திக் கொள்கிறார்கள்? அப்படியானால், இவர்கள் திரு. கணேசன் இயற்கையை மீறி நடிக்கிறார் என்று கருதுகிறீர்களா?


இப்படிப் பேசுவதன் மூலம் சிறந்த நடிகரான சிவாஜி கணேசனின் பெதுமையை இவர்கள் களங்கப்படுத்த முயற்சிக்கிறார்கள்.”


(மனம் திறந்து) பதில் சொன்னவர்   எம். ஜி. ஆர்.


06-08-1972  ஆனந்த விகடன்-இல் வெளிவந்த தகவல் 


 



செ ஏ துரைபாண்டியன் 

 



 



Featured Post

பூக்களால் உருவாக்கப்பட்ட வீடு.

  பூக்களால் உருவாக்கப்பட்ட வீடு.. கண்ணை கவரும் உதகை ரோஜா மலர் கண்காட்சி ! நீலகிரியில் ஆண்டுதோறும்  கோடை விழாவின் ஒரு பகுதியாக நடைபெறும்  ரோஜ...