Tuesday, August 31, 2021

மன நலத்துடன் இருக்க என்ன உணவுகளை உண்ண வேண்டும்

 மன நலத்துடன் இருக்க என்ன உணவுகளை உண்ண வேண்டும்? 





உங்கள் மனநலம் என்பது, நீங்கள் உண்ணும் உணவுகளைப் பொறுத்தது. இதைப் பலர் ஏற்றுக்கொள்ள மாட்டார்கள். மனநலம் என்பது எண்ணங்கள் மற்றும் உணர்வுகள் சம்பந்தப்பட்டது என்று அவர்கள் சொல்லலாம். அப்படியானால் உணவுக்கும் அதற்கும் என்ன தொடர்பு இருக்க முடியும் என்ற கேள்வி எழலாம். எப்படி உணவு நம்முடைய மனநலத்தை பாதிக்கும்?


உணவுக்கும் மனநலத்துக்கும் ஒரு நெருங்கிய தொடர்பு உண்டு என்று நிபுணர்கள் சொல்கிறார்கள். இரவும் பகலும் நம் உடலுக்குள் நடக்கும் இயக்கங்களை நமது மூளை கட்டுப்படுத்துகிறது.


மூளை செயல்படுவதற்கான ஆற்றல் உணவிலிருந்துதான் கிடைக்கிறது. ஆகவே, நாம் என்ன சாப்பிடுகிறோம் என்பது மனநலத்துக்கு மிகவும் முக்கியம்.


ஃபோர்டிஸ் மருத்துவமனையைச் சேர்ந்த மனநல மருத்துவர் கேதார் திலாவே பேசும்போது, "நீங்கள் என்ன சாப்பிடுகிறீர்கள் என்பது உங்கள் உணர்வுகளை நேரடியாக பாதிக்கும்" என்கிறார்.


உணவுக்கும் மனநலத்துக்கும் உள்ள தொடர்பு என்ன? உணவுப்பழக்கங்கள் மனநலத்தை பாதிக்கின்றவா? எப்படி பாதிக்கின்றன? இதுபோன்ற கேள்விகளுக்கு நிபுணர்களிடம் பேசி பதில்களைப் பெறலாம்.


உணவு எப்படி மனநலனோடு தொடர்புபடுகிறது?


முதலில் மனநலம் என்றால் என்ன என்பதை நாம் புரிந்துகொள்ளவேண்டும். மனநலனில் மூன்று அம்சங்கள் உண்டு. அவை உணர்வுகள், உளவியல், சமூக நலம் ஆகியன.


நானாவதி மருத்துவமனையைச் சேர்ந்த மருத்துவர் வாணி குஹால்லி பேசும்போது, "உணவுப் பழக்கமும் மனநலனும் பின்னிப் பிணைந்தவை. உடலுக்கு சத்தான சரிவிகித உணவு தேவை. அது மனநலனோடும் தொடர்புபடுத்தப்படுகிறது. மூளைக்கு ஆற்றல் தேவை. இந்த ஆற்றல் உணவிலிருந்துதான் கிடைக்கிறது. சரிவிகித உணவிலிருந்து கிடைக்கும் ஆற்றல் மூளையை நேர்மறையாகச் சிந்திக்க வைக்கிறது, மூளையின் செயல்திறன் இதனால் அதிகரிக்கிறது" என்கிறார்.


ஊட்டச்சத்து நிபுணர் மருத்துவர் ஜினால் பட்டேல் பேசும்போது, "மனநலம் என்பது மூளை, வயிறு, செரிமான உறுப்புகளோடு தொடர்புடையது. நம் உணவோடும் தொடர்புடையது" என்று குறிப்பிடுகிறார்.


பலருக்கு இனிப்பு பண்டங்கள் சாப்பிடப் பிடிக்கும். வேறு சிலரோ ஃபாஸ்ட் ஃபுட் எனப்படும் துரித உணவுகளை விரும்பிச் சாப்பிடுகிறார்கள். இந்த உணவுக்கும் மனநலனுக்கும் நெருங்கிய தொடர்பு உண்டு என்று வல்லுநர்கள் நினைக்கிறார்கள். இனிப்பான உணவுகள் கொழுப்பை சுரக்கின்றன. அதனால் மூளையில் ஹார்மோன்கள் சுரப்பது அதிகரிக்கிறது.


"அதிக கொழுப்புள்ள உணவுகளை உண்ணும்போது கார்டிகோஸ்டீரோன் என்ற ஹார்மோன் சுரக்கிறது. இது பதற்றம், மன அழுத்தத்தோடு தொடர்புடைய ஒரு ஹார்மோனாகும். ஆகவே கொழுப்பான உணவுகள் மூளையை பாதிக்கின்றன."


அளவுக்கதிகமாக இனிப்புகள் சாப்பிடும்போது மூளையின் வேதித்தன்மை மாறுகிறது.


"இந்த ஹார்மோன் தானாக சுரப்பதில்லை. அளவுக்கதிகமாக கொழுப்புசத்து உள்ள உணவுகளைச் சாப்பிடும்போது ஹார்மோன் சுரப்பு அதிகரிக்கிறது."


உணவுப் பழக்கங்கள் எப்படி மனநலத்தை பாதிக்கின்றன என்பதற்கு சில உதாரணங்கள் தருகிறார் மருத்துவர் திலாவே.


"உணவு உண்டு முடித்தபின்பு நாம் மது அருந்தும்போதோ புகையிலை பயன்படுத்தும்போதோ மனப்பதற்றம் அதிகரிக்கலாம்" என்கிறார் திலாவே.


அளவுக்கதிகமான இனிப்புகள் சாப்பிடுபவர்களுக்கு கவனக்குறைவு நோய் (ADHD) உள்ளிட்ட பிரச்னைகள் வரலாம் என்கிறார் .


நல்ல மனநலம் வேண்டுமானால் எந்த உணவுகளை சாப்பிடவேண்டும்?


மூளை நலத்துடன் இயங்கவேண்டுமானால் என்னென்ன உணவுகளைச் சாப்பிடவேண்டும்? மன அழுத்தத்தைக் குறைக்க வேண்டுமானால் எந்தெந்த உணவுகளைச் சாப்பிடவேண்டும்? இதுகுறித்து ஊட்டச்சத்து நிபுணர்களிடம் பேசினோம்.


மும்பையின் வாக்ஹார்ட் மருத்துவமனையைச் சேர்ந்த ஊட்டச்சத்து நிபுணர் அம்ரீன் ஷைக் பேசும்போது, "நல்ல உணவு இருந்தால் மூளை அமைதியாக இருக்கும், பதற்றம் குறையும்" என்கிறார். மன அழுத்தம் தொடர்பான ஹார்மோன்களின் சுரப்பைக் குறைப்பதற்கான உணவுகளை அவர் பட்டியலிடுகிறார்.


"வைட்டமின் சி உள்ள எலுமிச்சை, கொய்யா, நெல்லிக்காய், ஆரஞ்சு, குடை மிளகாய், பெர்ரி வகை பழங்கள் போன்றவை ரத்தத்தில் கார்டிசோல் ஹார்மோன் அளவைக் குறைக்கும். பெர்ரி பழங்கள் அழுத்தத்தைக் குறைக்கும். பாலில் உள்ள புரதச்சத்துகள் ரத்த அழுத்தத்தையும் இது தொடர்பான ஹார்மோன்களையும் கட்டுக்குள் வைத்திருக்கும். மாவுச்சத்து உள்ள பொருட்களைச் சாப்பிடும்போது மூளையில் செரடோனின் என்ற ஹார்மோன் சுரக்கிறது. இதனால் உணர்வுகள் மகிழ்ச்சியானவையாக மாறுகின்றன. வைட்டமின் பி உள்ள உணவுப் பொருட்கள் அழுத்தத்தைக் குறைக்கின்றன" என்கிறார்.


"கொஞ்சமாக டார்க் சாக்லேட் சாப்பிட்டாலும் நம் உணர்வுகள் மேம்படும்" என்கிறார் மருத்துவர் திலாவே.


உடலில் வைட்டமின் டி சத்து குறையும்போது மனச்சோர்வு ஏற்படும் என்று நிபுணர்கள் சொல்கிறார்கள். வைட்டமின் டி அளவு சீராக இருக்கும்போது மனச் சோர்வும் கட்டுக்குள் வரும்.


உடல் எடையைக் குறைப்பதற்காக டயட் பின்பற்றினால் அது மனநலனை பாதிக்குமா?


உடல் எடையைக் குறைப்பதற்காக பலர் டயட் பின்பற்றுகிறார்கள். இதனால் உடல் எடை வேகமாகக் குறைகிறது. ஆனால் இதனால் மனநலம் பாதிக்கப்படும் என்கிறார் மருத்துவர் ஜினால்.


"உடல் எடையைக் குறைப்பதற்காக சிலர் கடுமையான டயட்டைப் பின்பற்றுவார்கள். எதிர்பார்த்த அளவுக்கு எடை குறையவில்லை என்றால் தங்களைத் தாங்களே குறை சொல்லிக்கொள்வார்கள், இது மன அழுத்தம் தரும், மனநலத்தை பாதிக்கும்" என்கிறார்.


குறிப்பிட்ட எடையில், அளவில் உடல் இருக்கவேண்டும் என்று நினைப்பவர்கள் எப்போதும் ஒருவித அழுத்தத்திலேயே இருக்கிறார்கள். அது அவர்களின் மனநலத்தை பாதிக்கிறது. அனோரெக்சியா போன்ற நோய் உள்ளவர்கள் முறையான சிகிச்சையை எடுத்துக்கொள்ள வேண்டியது அவசியம்.


கொழுப்பு செல்களிலிருந்து சுரக்கும் லெப்டின் என்ற ஹார்மோனைப் பற்றி நிபுணர்கள் விளக்குகிறார்கள். இதுதான் உடல் எடையைக் குறைத்து கொழுப்பின் விகிதத்தையும் கட்டுக்குள் வைக்கிறது. லெப்டின் சுரக்கும்போது மூளைக்கு ஒரு சமிக்ஞை போகும். அது நம் உணவை பாதிக்கும்.


"பருமனான உடல்வாகு உடையவர்களின் உடலில் லெப்டின் அதிகமாக இருக்கும். ஆகவே மூளை அதை கவனிக்காது. ஆகவே ஏற்கனவே கொழுப்புச்சத்து உடலில் இருந்தாலும் அவர்கள் அதிகமாக கொழுப்பை உண்பார்கள்" என்கிறார் மருத்துவர் பட்டேல்.


உணவுக்கும் மனத்துக்கும் உள்ள தொடர்பைப் பற்றி ஆயுர்வேதம் என்ன சொல்கிறது?


மனம் உணவாலானது என்கிறது ஆயுர்வேதம். மும்பையைச் சேர்ந்த ஆயுர்வேத நிபுணர் மருத்துவர் விக்ரான் பாட்டீல் பேசும்போது, "நீங்கள் சாப்பிடும் உணவாலானது உங்கள் மனம். ஜுரமாக உணர்கிறேன் என்று சாதாரணமாக சொல்லிவிடுகிறோம். ஆனால் ஜுரம் அடிக்கும்போது மனம் கோபத்தை உணரும். சாப்பிட்ட உணவு செரிக்கவில்லை என்றால் உடலில் அமிலங்கள் சுரக்கும். அது ஜுரத்தை ஏற்படுத்தும். ஆகவே ஒருவேளை உணவைத் தவிர்த்து இதை குணப்படுத்தலாம்" என்கிறார்.


ஒரு வேளை உணவைத் தவிர்க்கும்போது, ஏற்கனவே வயிற்றில் இருக்கும் உணவை செரிக்க உடலுக்கு நாம் அவகாசம் தருகிறோம்.


இதற்கும் மனதுக்கும் என்ன தொடர்பு?


"இப்படி செய்யும்போது மனம் நலமாக இருக்கும். நல்ல உணவு சாப்பிடும்போது மனதில் நல்ல எண்ணங்கள் வரும். ஆகவே உணவு முக்கியமானது" என்கிறார்.


குழந்தைகள் அதிகமாக துரித உணவு சாப்பிடுகிறார்கள், இது அவர்களின் மனதை பாதிக்குமா?


"துரித உணவில் உள்ள சில பொருட்கள் உடலை பாதிக்கும், மனதை இது மந்தமாக்கும். மனதுக்கும் உடலுக்கும் உள்ள தொடர்பை நாம் கவனிக்கவேண்டும்" என்கிறார்.


உணவுக்கும் மனத்துக்கும் உள்ள தொடர்பைப் பற்றி யோகா என்ன சொல்கிறது?


"நாம் என்ன சாப்பிடுகிறோமோ மனம் அதனால் பாதிக்கப்படுகிறது" என்கிறோம். உணவு, பயணம், நடத்தை, எண்ணம் ஆகியவை யோகாவின் நான்கு முக்கிய அம்சங்கள். யோகாவின்படி, உணவும் மனமும் ஒன்றோடொன்று தொடர்புடையவை. உணவு, ஆன்மா, மனம், மூளை, மகிழ்ச்சி என்ற ஐந்து அம்சங்களைப் பற்றி தைத்தரேய உபநிஷத் பேசுகிறது.


யோகா பயிற்சியாளர் திலீப் தாவே பேசும்போது, "நாம் உண்ணும் உணவு உடலை பாதிக்கிறது. பல உடல் பிரச்னைகளுக்கு மனம்தான் ஆணிவேர்" என்கிறார்.


யோகாவைப் பொறுத்தவரை, மனம் அழுத்தத்தில் இருக்கும்போது அது நம் ஆன்மாவின் ஆற்றலைப் பாதிக்கிறது.


"மனம் அழுத்தமாக இருக்கும்போது மூச்சுவிடும் தன்மை மாறுகிறது. அது உணவோடு தொடர்புடையது. உணவு எண்ணங்களைப் பாதிக்கிறது, எண்ணங்கள் உணவைப் பாதிக்கின்றன. சாத்விக், தமசிக், ரஜசிக் என்று யோகாவில் மூன்றுவகை உணவுகள் உண்டு". என்கிறார்.


தமசிக் என்பது ஒழுங்காக சமைக்கப்படாத, அழுகிப்போன உணவு. அது ஆற்றலைக் குறைக்கும், மந்தத்தன்மை தரும்.


ரஜசிக் என்பது காரசாரமான உணவு. அது அதீத ஆற்றல் தரும். ஆகவே மூச்சுப் பிரச்னைகள் வரும்.


சாத்விக் என்பது ஆற்றலை சமப்படுத்தும் காய்கறிகளும் பழங்களும். அது நேர்மறை சிந்தனைகள் தரும்.


உணவு, ஹார்மோன்கள், மனநலம் இவற்றுக்கு இடையில் உள்ள தொடர்பு என்ன?


வயிற்றில் உள்ள பாக்டீரியா மன அழுத்தத்தை அதிகரிக்கும். தயிர் சாப்பிட்டால் இந்த பாக்டீரியாக்கள் கட்டுக்குள் இருக்கும். தயிர் உணர்ச்சிகளை பாதிக்கும் என்பதால் அது மன அழுத்தத்தைக் குறைக்கும். டோபாமைன், செரடோனின், எண்டார்ஃபின் ஆகியவற்றை மகிழ்ச்சி ஹார்மோன்கள் என்று அழைப்பார்கள். டோபாமைன் மூளைக்கு நல்லது.


மருத்துவர் அம்ரீன் ஷைக் பேசும்போது, "உடலின் 90% ஹார்மோன்கள் வயிற்றில்தான் சுரக்கின்றன. ஆகவே வயிறு ஆரோக்கியமாக இருக்கவேண்டும்" என்கிறார்.


துரித உணவுகள் அசிடிட்டியை ஏற்படுத்துகின்றன. அவை வயிற்றிலுள்ள பாக்டீரியாவை பாதிப்பாதால் உணர்வுகள் மாறி மாறித் தோன்றலாம். ஆகவே நிறைய நார்ச்சத்தும் நன்மை செய்யும் பாக்டீரியாவும் கொண்ட உணவுகளை சாப்பிட்டால் வயிறு ஆரோக்கியமாக இருக்கும்.


நாம் மன அழுத்தத்தில் இருக்கும்போது அதிகமாக சாப்பிடவேண்டும் போலத் தோன்றும்.


"மன அழுத்தம் இருக்கும்போது அதிகம் சாப்பிடுகிறோம். சிலர் மன அழுத்தத்தைக் குறைப்பதற்காக அதிகமான இனிப்புகளும் துரித உணவுகளும் சாப்பிடுவார்கள். அது தற்காலிகமான ஓர் ஆறுதலைத் தரும் என்றாலும் அது நல்லதல்ல" என்கிறார் மருத்துவர் ஷைக்.

#மனித_ #மூளையின்_ #அற்புதங்கள்..!!

 



#மனித_

#மூளையின்_

#அற்புதங்கள்..!!


நமது உடல் உறுப்புகளில் மிகவும் மர்மமானது மூளை. 


நமது மூளையின் முழுமையான ஆற்றலை ஆய்வு செய்தால், 

நாம் நமது மூளையை முழுமையாக பயன்படுத்துகிறோமா என்ற சந்தேகம்

தான் வரும். 


உடல் உறுப்புகளில் இதயத்திற்கு அடுத்தபடியாக முக்கியத்துவம் வாய்ந்த மூளை, 

நமது நினைவுகளை சேமிக்கிறது. 


ஆளுமைக்கும், அறிவாற்றலுக்கும் மையமாக திகழ்கிறது.


1. 

நமது மூளை 

60 சதவீதம் கொழுப்பாலானது. 


வேறு எந்த உறுப்பும் 

இந்த அளவுக்கு கொழுப்பாலானது இல்லை.


2. 

நமது மூளை வலியை உணராது. 


ஏனெனில் 

வலியை உணரும் வலி வாங்கிகள் மூளையில் இல்லை. 


எனவே தான் 

நமது மூளை மண்டையோட்டுக்குள் நகரும் போதும், உந்தும் போதும் நமக்கு அந்த வலி தெரிவதில்லை.


3. 

மண்டையோட்டை 

கழற்றி விட்டு மூளையில் 

அறுவை சிகிச்சை செய்யும்போது 

நாம் விழிப்பில் 

தான் இருப்போம், 


வலி வாங்கிகள் இல்லாததால் நமக்கு வலி தெரியாது. 


மருத்துவர்கள் ஏன் நம்மை விழிப்பில் வைத்து அறுவை சிகிச்சை செய்கிறார்கள் என்றால், அப்போதுதான் மூளையின் அறிவாற்றல் செயல்பாடுகளை கண்காணிக்க முடியும்.


4. 

நமது மூளை 

25 வாட்ஸ் அளவுக்கு மின்சாரம் உற்பத்தி செய்கிறது. 


அதாவது மின்சார பல்பை எரிய வைக்கும் அளவுக்கு இந்த மின்சாரம் இருக்கும். 


சரியாக புரிந்து

கொள்ளாதவர்களை ட்யூப் லைட் என்றும், புத்திகூர்மை உள்ளவர்களை 

குண்டு பல்பு என்றும் சொல்வது இதற்காகத்

தானோ…


5. 

பொருட்களை நாம் சரியாக காண்பதற்கு மூளை தான் உதவுகிறது. 


பொதுவாக நமது கண்கள் பொருட்களை தலைகீழாகத்

தான் பதிவு செய்யும். 


அந்த தலைகீழ் காட்சியை நேராக்கி இயல்பாக்குவது மூளை தான்.


6. 

மூளையின் அளவு பெரிதாக இருந்தால் அறிவாற்றலும் அதிகமாக இருக்கும் என்ற நம்பிக்கை பலரிடம் இருக்கிறது. 


ஆனால் அது உண்மையில்லை. 


மூளையின் அளவுக்கும் புத்திக்

கூர்மைக்கும் தொடர்பு இருப்பதாக இதுவரை நிரூபிக்கப்படவில்லை.


7. 

நமது மூளையில் உள்ள மெல்லிய 

நரம்பு இழைகள் 

1 லட்சத்து 

61 ஆயிரம் கிலோ மீட்டர் நீளம் நீண்டு பிண்ணிப் பிணைந்து

இருக்கின்றன. 


இந்த நரம்புகள் தான் நமது உடலின் அத்தனை பாகங்களுக்கும் தகவல்களை அனுப்புகின்றன.


8. 

டீன் ஏஜ் பருவத்திலோ, இருபது வயதுகளிலோ 

நமது உடலின் 

சில உறுப்புகள் வளர்ச்சியை நிறுத்தி

விடுகின்றன. 


ஆனால், மூளை அப்படியல்ல. 


நாம் நமது 

40 வயதுகளில் இருக்கும் சமயத்திலும், 

நமது மூளை 

தன்னை 

மேம்படுத்திக் கொண்டே இருக்கிறது. 


புதியவற்றைக் கற்கும் போதும் அவற்றை நமது மூளை ஏற்று பதிவு செய்கிறது.


9. 

நமது உடல் தளர்ந்து சோர்வாக உணரும்போது அதற்கு காரணம் மூளை தான் காரணம். 


மூளை அப்படிச் சோர்வாக உணரும் போது தான் நமது உடலும் சோர்வாக உணர்கிறது.


10. 

நாம் தொடர்ச்சியாக சிந்தித்துக் கொண்டிருக்கிறோம். 


ஒரு நாளைக்கு 

70 ஆயிரம் விஷயங்களை 

நாம் சிந்திக்கிறோம் என்கிறார்கள்.


11. 

நீங்கள் எப்போதேனும் அதிவேகமாக சிந்திப்பதாக உணர்ந்து

இருக்கிறீர்களா? 


ஒரே சமயத்தில் இரண்டு விஷயங்களை சிந்தித்திருக்கிறீர்களா


நமது மூளை மணிக்கு 418 கிலோ மீட்டர் வேகத்தில் தகவல்களை பரிமாறுவதாக விஞ்ஞானிகள் கூறுகிறார்கள்.


12. 

நமது மூளையின் அளவு வளர்வதே இல்லை. 


பிறக்கும்போது எந்த அளவில் இருந்ததோ அதே அளவில் தான் கடைசிவரை இருக்கும். 


பிறந்த குழந்தையின் தலை அதன் உடலைக் காட்டிலும் பெரிதாக இருப்பதை கவனித்தால் 

இது புரியும்.


13. 

மூளை எப்போதும் வேலை செய்வதை நிறுத்துவதே இல்லை. 


நாம் விழித்திருக்கும்போதைக் காட்டிலும் தூங்கும்போது அதிவேகமாக சிந்திக்கும்.


14. 

நமது மூளை, 

நமது எடையில் 

2 சதவீதத்தை 

எடுத்துக் கொண்டு, 

நமது ஆற்றலில் 

25 சதவீதத்தை உபயோகித்துக் கொள்கிறது.


15. 

நமது மூளை தனித்தன்மை வாய்ந்தது. 

அது நம்மிடம் தந்திர விளையாட்டுகளை விளையாடுகிறது. 


உதாரணத்திறக்கு இந்த படத்தில் 

ஏ மற்றும் பி சதுரங்கள் வெவ்வேறு வண்ணங்களில் இருக்கின்றன. 


ஆனால், 

அவை இரண்டும் 

ஒரே நிறம் தான்.


16. 

நாம் உயிர்வாழ 

நமது மூளையின் 

ஒரு பகுதி போதுமானது. 


மூளை அற்புதமானது. மூளையின் 

ஒரு பகுதி சேதமடைந்தாலும், சேதமடையாத பக்கத்து மூளை, சேதமடைந்த பக்கத்தின் செயல்பாடுகளை தனக்குள் இணைத்துக் கொள்ளும்.


17. 

மூளை தனது செயல்பாடுகளுக்காக வினாடிக்கு 

1 லட்சம் ரசாயன விளைவுகளை சந்திக்கிறது. 


பொருள்களை சிந்திப்பது, பொருள்களை நினைவுபடுத்துவது, கம்ப்யூட்டரில் டைப் செய்வது என்று மூளை பல வேலைகளை ஒரே சமயத்தில் செய்கிறது.


18. 

நீங்கள் நம்புவீர்களோ மாட்டீர்களோ… 


2 வயதில் தவழும் போது மூளையின் அணுக்கள் வளர்ச்சியை நிறுத்துகின்றன. 


அதன் பிறகு அணுக்கள் 

வளர்வதே இல்லை. 


அதன் பிறகு ஒன்று அணுக்களின் எண்ணிக்கை குறையும் அல்லது நிலையாக இருக்கும்.


19. 

கர்ப்ப காலத்தில் பெண்களின் மூளையின் அளவு சற்று சரியும். 

இது உண்மை. 


குழந்தையை பிரசவித்த 

ஆறு மாதங்கள் கழித்தே அந்த பெண்ணின் மூளை பழைய அளவுக்கு மாறும்.


20. ஒருவருடைய வாழ்நாளில் அவருடைய மூளை ஆயிரம் லட்சம் கோடி தகவல்களை சேமித்து வைக்கிறது. 


விரலை அழுத்தினால் எல்லா நோயும் போச்சு

 விரலை அழுத்தினால் எல்லா நோயும் போச்சு! - இது எப்படி ஏற்படுகிறது?




 









நம் உடலில், ஏதேனும் ஒரு இடத்தில் வலி ஏற்பட்டால், அப்பகுதியை நம் கையால் அழுத்திவிட்டுக் கொள்கிறோம். அப்படி செய்தால், வலி குறைகிறது. இது எப்படி ஏற்படுகிறது? நம் உடல் முழுவதும் அக்குப்பிரஷர் புள்ளிகள் உள்ளன. நாம் வலியுள்ள பகுதியில் அழுத்தம் கொடுக்கும் போது, அப்பகுதியில் உள்ள அக்குப்பிரஷர் புள்ளிகள் தூண்டப்படுகின்றன. அதனால் வலி குறைகிறது. உடலில் உள்ள சில குறிப்பிட்ட புள்ளிகளில் சில முறைகள் அழுத்தம் கொடுத்து தளர்த்துவதால், நம் நோய்கள் தீருகின்றன.


நோய்கள் வராமல் தடுக்கப்படுகின்றன. சில நோய்களுக்கு அக்குப்பிரஷர் முறையில் தீர்வு காணும் எளிய முறைகளை காணலாம்.


தலைவலி :


நமக்கு பிடிக்காத ஒரு வேலையை பிறர் நம்மை செய்ய சொல்லும் போது, “தலை வலிக்கிறது’ என்று கூறி தப்பித்து கொள்கிறோம். ஆனால், உண்மையில் தலைவலி வந்தால் என்ன செய்கிறோம்? வலி நிவாரணக் களிம்புகள் தடவுகிறோம். அவை கொடுக்கும் வெப்பத்தினால் தலைவலி குறைவது போல் உணர்கிறோம் அல்லது வலி நிவாரண மாத்திரைகள் எடுத்து கொள்கிறோம். அடிக்கடி மாத்திரைகள் எடுத்து கொள்வதால், அசிடிட்டியால் துன்பப்படுகிறோம். மருந்தில்லாமல் தலைவலியை எப்படி போக்குவது? நம் உடலின் அனைத்து உறுப்புகளுக்குமான பிரதிபலிப்பு புள்ளிகள், நம் உள்ளங்கைகளில் உள்ளன.


படத்தில் காட்டியது போல், உள்ளங்கை உடலை குறிக்கும். கட்டை விரல் தலையை குறிக்கும். கட்டை விரலில் நுனியில் உள்ள பக்கவாட்டுப் பகுதி நெற்றிப் பொட்டை குறிக்கும்.படத்தில் காட்டப்பட்டுள்ள கட்டை விரலின் நகத்தினடியில் உள்ள இருபுள்ளிகளை மற்றொரு கையின் கட்டை விரல், ஆள்காட்டி விரல் இவற்றினால் அழுத்தம் கொடுக்க வேண்டும். 14 முறை அழுத்தம் கொடுத்து தளர்த்த வேண்டும். அழுத்தம் கொடுக்கும் போது, மூச்சை உள்ளே இழுக்கவும், தளர்த்தும் போது மூச்சை வெளியே விடவும், 14 முறை முடிப்பதற்கு முன்பே தலைவலி மறைந்துவிட்டால் அத்துடன் நிறுத்தி விடலாம். வலி இன்னும் தொடர்ந்தால், மற்றொரு கை கட்டைவிரலில் 14 முறை அழுத்தம் கொடுக்கவும். அழுத்தம் கொடுத்து முடிப்பதற்குள் தலைவலி போயே போச்சு!


அலர்ஜி, சைனஸ், தும்மல், இருமல் :


ஒவ்வொரு விரல் நுனியிலும், சைனஸ் புள்ளிகள் உள்ளன. விரல்நுனிகளில் அழுத்தம் கொடுத்து தளர்த்தும் போது, அலர்ஜி, சைனஸ், தும்மல், இருமல் இவை வெகுவாக குறைக்கப்படுகின்றன. விரலின் முதல் கோடு வரை, மேலும், கீழுமாக 14 முறைகளும், பக்கவாட்டில் 14 முறைகளும் அழுத்தம் கொடுக்க வேண்டும்.10 விரல்களிலும் இவ்வாறு தினமும் இருமுறைகள் காலையிலும், மாலையிலும் செய்தால் அலர்ஜி, சைனஸ், தும்மல் இவை மறைகின்றன. மீண்டும் வராமல் தடுக்கப்படுகின்றன. ஆஸ்துமா தொல்லை கூட வெகுவாக குறைகிறது.


மலச்சிக்கல், அஜீரணம், அசிடிட்டி, வாயுத்தொல்லை, மூச்சுப்பிடிப்பு:


ஆள்காட்டி விரலையும், கட்டை விரலையும் நெருக்கமாக சேர்க்கும் போது, புறங்கையில் ஒரு கோடு தெரியும். அந்த கோடு முடியும் இடத்தில், ஆள்காட்டி விரல் எலும்பின் கடைசியில் எல்.ஐ.4 என்ற புள்ளி உள்ளது. மேற்கூறிய அனைத்து தொந்தரவுகளையும் நீக்க இப்புள்ளி உதவுகிறது.இப்புள்ளியில் 14 முறைகள் அழுத்தம் கொடுத்து தளர்த்த வேண்டும். (Press & Release) தசையின் மேல் இல்லாமல், எலும்பின் மீது அழுத்தம் கொடுக்க வேண்டாம். பாதிப்பு உள்ளவர்களுக்கு, இப்புள்ளியில் அழுத்தும் போது வலி தெரியும். இரு கைகளிலும் அழுத்தம் கொடுக்கலாம்.மாத்திரை இல்லாமல் மலச்சிக்கல் தீருகிறது. அசிடிட்டிக்கு, “ஆன்டாசிட்’ மருந்து தேவையில்லை. இப்புள்ளியில் அழுத்தம் கொடுக்கும் போது, அதிகமான வாயு வெளியேறுகிறது. மூச்சுப்பிடிப்பு, தசைப்பிடிப்புகளுக்கு, இப்புள்ளி உடனடி நிவாரணம் அளிக்கிறது.


மலச்சிக்கல் :


மலச்சிக்கல் என்பது பல சிக்கல்களை உண்டாக்கும். படத்தில் காட்டப்பட்டுள்ள முகவாயில் உள்ள CV24 என்ற புள்ளி மலச்சிக்கலை தீர்க்க பெரிதும் உதவுகிறது. LI4 என்ற புள்ளியை இரு கைகளிலும் அழுத்தம் கொடுத்த பின், இப்புள்ளியில் 14 முறைகள் அழுத்தம் கொடுத்தால், மலச்சிக்கலை எளிதாக தீர்க்கலாம். கழுத்து வலி : கணினியில் வேலை செய்வதால், கழுத்தில் உள்ள தசைகள் இறுக்கமடைந்து வலியை உண்டாக்குகின்றன. எளிய முறையில் இவ்வலியைப் போக்கலாம். கட்டை விரல் தலையை குறிக்கும். கட்டை விரலின் அடிப்பகுதி கழுத்தை குறிக்கும்.


படத்தில் காட்டப்பட்டுள்ள இப்பகுதியில் உள்ள இருபுள்ளிகளிலும், மற்றொரு கையின் இரு விரல்களினால், 14 முறைகள் அழுத்தம் கொடுக்க வேண்டும்.பின், கட்டை விரலை கடிகாரம் சுற்றும் திசையில், 14 முறையும், எதிர்திசையில், 14 முறையும் சுழற்ற வேண்டும். இரு கைகளிலும் இவ்வாறு செய்யும் போது, கழுத்திலுள்ள தசைகளின் இறுக்கம் வெகுவாக குறைகிறது. கழுத்து வலிக்கு உடனடி நிவாரணம் கிடைக்கிறது.


உயர் ரத்த அழுத்தம் :


உயர் ரத்த அழுத்தம் உள்ளவர்கள், வாழ்நாள் முழுவதும் மாத்திரை எடுத்துக் கொள்ள வேண்டியிருக்கும். அக்குப்பிரஷர் முறையில் கீழ்க்கண்ட புள்ளிகளில் தினமும் அழுத்தம் கொடுக்கும் போது, சிறிது, சிறிதாக மாத்திரையின் அளவை குறைத்து, கடைசியில் முழுவதுமாக நிறுத்தவும் முடியும். நம் கையில் சிறுவிரலின் நகத்திற்கு கீழே உட்புறமாக H9 என்ற புள்ளி உள்ளது. இது, இதய மெரிடியனின் காற்று சக்திப்புள்ளி. இப்புள்ளியில் அழுத்தம் கொடுக்கும் போது, காற்று சக்தி அதிகரித்து, ரத்தக் குழாய்கள் விரிவடைந்து, ரத்த அழுத்தம் குறைகிறது.தலை உச்சியில் GV20 என்ற புள்ளி உள்ளது.


காதுகளிலுருந்து தலைக்கு செல்லும் நேர்கோடும், மூக்கிலிருந்து தலைக்கு செல்லும் நேர்கோடும் சந்திக்கும் இடத்தில் இப்புள்ளி உள்ளது. இப்புள்ளியில் 14 முறைகள் அழுத்தம் கொடுக்கும் போது, டென்ஷன், மன அழுத்தம் இவை குறைவதால், ரத்த அழுத்தம் சீராகிறது.H9 , GV20 இப்புள்ளிகளில், 14 முறைகள் காலையிலும், மாலையிலும் இருவேளைகள் அழுத்தம் கொடுத்து வந்தால், உயர்ரத்த அழுத்தம் சீரடைகிறது.இதை தவிர காலில், பெருவிரல், இரண்டாவது விரல் இவற்றின் இடைவெளியிலிருந்து, மூன்று விரல் தூரத்தில் LIV3 என்ற புள்ளி உள்ளது. இப்புள்ளியில் 7 முறைகள் அழுத்தம் கொடுக்கும் போது, ரத்த அழுத்தம் சீராகிறது. இப்புள்ளியில் ஒரு நாளில் 7 முறைகள் மட்டுமே அழுத்தம் கொடுக்க வேண்டும். அதிக முறைகள் அழுத்தம் கொடுத்தால், ரத்த அழுத்தம் அதிகளவில் குறைய வாய்ப்புள்ளது

சென்னையிலுள்ள அறம் செய்ய விரும்பு லயன்ஸ் கிளப்பின் தொடர் சேவையாக 29.8.2021 அன்று நடை பெற்ற மிகப்பெரிய ப்ராஜக்ட்

 சென்னையிலுள்ள  அறம் செய்ய விரும்பு லயன்ஸ் கிளப்பின் தொடர் சேவையாக 29.8.2021 அன்று மிகப்பெரிய  ப்ராஜக்ட் நடை பெற்றது.



 சங்கத்தின் சார்பாக நடந்த இந்த மெகா ப்ராஜெக்ட்க்கு அனைத்து ஏற்பாடுகளையும் முன் நின்று செய்த Project chair person  லயன் டாக்டர்.கருணாநிதி அவர்கள் 

இதற்கு அவர் தனது பொன்னான நேரத்தை  சங்கத்திற்காக செலவிட்டு சோளிங்கநல்லூர் தொகுதியின் சட்டமன்ற உறுப்பினர், பகுதி செயலாளர், வட்டச் செயலாளர் மற்றும்  பெருமளவு மக்களையும் அங்கு கூட்டி வந்து  சங்கத்தின் சேவையை உலகம் அறிய  செய்துள்ளார் 

இந்த நிகழ்வுக்கு  வருகை தந்த ஒவ்வொருவரும் வாழ்த்தி தங்களது ஆதரவுகளை தெரிவித்தனர்.

  இது  சங்கத்திற்கு  சந்தோஷத்தை அளித்த தருணம்.என சங்க செயலாளர் லயன் ஸ்ரீ பாலச்சந்தர் தெரிவித்தார்

மேலும் அவர்  இந்த நிகழ்வுக்கு  தனது பொன்னான நேரத்தை நேரத்தை  சங்கத்திற்கு கொடுத்துக் கொண்டிருக்கும்   founder லயன் ASV சரவணகுமரன் அவர்களையும் மற்றும்  சங்கத்தின் president MJF லயன் A. தன பாலகிருஷ்ணன் அவர்களையும், நமது சங்கத்தின் பொருளாளர் லயன் T. கார்த்தீபன்.  சங்கத்தின் கிளப் Advisor லயன் கோகுல் அவர்களையும்,  முதல் vice president லயன் தினேஷ் அவர்களையும், நமது சங்கத்தில் charter  உறுப்பினரான லயன் ஜெயராமன் அவர்களையும், வாழ்த்தினார்

 சங்கத்தின் புதிய உறுப்பினரான லயன் கராத்தே கார்த்தி அவர்களையும் வாழ்க வாழ்கவென வரவேற்றார்

.


மேலும் அவர் இந்த நிகழ்ச்சி வெற்றிகரமாக அமைய தான் மட்டும் இல்லாமல் தங்களது நண்பர்களையும் அழைத்து வந்து பெருமளவு உதவி செய்த லயன் கராத்தே கார்த்தி மற்றும் லயன் சன் டாகட்ர் கருணாநிதி அவர்களுக்கும் சங்கத்தின் சார்பாக  நன்றிகளை தெரிவித்தார்

Echo Health is wealth project with our CT RC DC

In front of Registration table



Vision project with DC  Stephen



Health is wealth project with Our CT,RC & DC





Monday, August 30, 2021

டோக்கியோபாராலிம்பிக்ஸில் இந்தியாவுக்கு இது முதல் தங்கம்

 டோக்கியோ பாராலிம்பிக்ஸ்:





10 மீட்டர் ஏர் ரைபிள் துப்பாக்கி சுடுதல் பிரிவில் இந்திய வீராங்கனை அவனி லெகாரா தங்கப்பதக்கம் வென்று சாதனை.


டோக்கியோ பாராலிம்பிக்ஸில் இந்தியாவுக்கு இது முதல் தங்கம்



டோக்கியோ பாராஒலிம்பிக் போட்டியில் தங்கம் வென்ற அவனி லெகாராவுக்கு இந்திய ஜனாதிபதி ராம்நாத் கோவிந்த் வாழ்த்துகளை தெரிவித்து கொண்டார்.


 டோக்கியோ பாராஒலிம்பிக் போட்டியில் வரலாறு படைத்ததுடன், தங்கம் வென்ற முதல் இந்திய பெண் என்ற சாதனை படைத்ததற்காக வாழ்த்துகள் என ட்வீட்டரில் பதிவிட்டுள்ளார். உங்களுடைய சிறந்த செயல்பாட்டால் இந்தியா உற்சாகம் அடைந்து உள்ளது.  


நீங்கள் படைத்த அற்புத சாதனையால், மேடையில் நமது மூவர்ண கொடி உயர பறக்கிறது என ட்வீட்டரில் பதிவிட்டுள்ளார்.

கண்ணனைக் கும்பிடுவோம் | கவிஞர் ச.பொன்மணி |

 

கண்ணனைக் கும்பிடுவோம் | கவிஞர் ச.பொன்மணி |









பாடல், இசை, குரல் & ஒளி வடிவம் கவிஞர் ச.பொன்மணி


by 





ஸ்ரீ கிருஷ்ண உபதேசம்:

 ஸ்ரீ கிருஷ்ண உபதேசம்:





செல்வ செழிப்புடன் வாழ உதவும் 5 பொக்கிஷம்

வனவாசம் முடிந்து ஹஸ்தினாபுரம் திரும்பிய பாண்டவர்களுக்கும், தாய் குந்திக்கும், மனைவி திரௌபதிக்கும் ராஜா திருதிராஷ்டிரன் மற்றும் ராணி காந்தாரியும் அமோக வரவேற்பளித்தனர்.
இதைத் தொடர்ந்து ஹஸ்தினாபுர அரசராக பாண்டவர்களில் மூத்தவரான யுதிஷ்டிரனுக்கு மன்னர் திருதராஷ்டிரன் மூடிச்சூட்ட ஏற்பாடுகள் செய்யப்பட்டன.
அதற்கு முதல் நாள் இரவு யுதிஷ்டிரனை சந்தித்துப் பேசிய கிருஷ்ணர், வாழக்கையில் செல்வமும், செழிப்பும் பெற்று நாட்டை ஆள்வதற்கு தேவையான முக்கிய 5 பொக்கிஷங்களை பற்றி எடுத்துக் கூறியுள்ளார்.
தண்ணீர்:
இந்து முறைப்படி, தண்ணீர் கொடுப்பது தெய்வபக்திக்கு நிகராக கருதப்படுகிறது. அதனால் தான் சூர்ய பகவானுக்கும், தேவிக்கும் தண்ணீர் வைத்து படையல் செய்கிறோம். அதோடு வீட்டிற்கு வரும் உறவினர்களை முதலில் தண்ணீர் கொடுத்து வரவேற்கிறோம்.
சந்தனம் :
ஆயிரக்கணக்கான கொடிய பாம்புகள் சுற்றியிருந்தாலும் சந்தன மரம் தனது வாசனையை இழந்ததில்லை. அதேபோல் உன்னைச் சுற்றி எத்தனை தீமைகள் இருந்தாலும் வீட்டில் சந்தனம் இருந்தால் எந்த தீய சக்தியும் தாக்காது என்று ஸ்ரீ கிருஷ்ணர் யுதிஷ்டிரனிடத்தில் கூறியுள்ளார்.
நெய் :
இந்து மதத்தில் பசு புனித விலங்காக போற்றப்படுகிறது. ஆகையால் அதன் பாலையும் பக்தியுடன் பயன்படுத்துகிறோம். பசுவின் பாலில் இருந்து தயாரிக்கப்படும் நெய் பயன்படுத்தி வீட்டில் உள்ள கடவுளுக்கு நெய் தீபம் ஏற்றி வழிபடுவதால் கடவுள் நன்மையினை வழங்கி ஆசிர்வாதிப்பார்.
வீணை :
சரஸ்வதி தேவி வீற்றிருக்கும் தாமரை மலர், களிமண்ணில் இருந்து உருவானாலும் அதற்கும், தாமரைக்கும் எவ்வித தொடர்பும் இருக்காது. அதுபோன்று வீட்டில் சரஸ்வதியின் உருவச் சிலை அல்லது, அவரது இசைக்கருவியான வீணையை வைத்திருந்தால் வறுமை பிடிக்காது.
தேன் :
கிருஷ்ணரின் கணக்குப்படி, தேன் ஒரு சுத்தமான ஒன்று, அது மனிதர்களின் எண்ணம், ஆன்மாவைத் தூய்மைப்படுதுவதுடன் வீட்டில் தூய ஒளிப்பரவச் செய்யும். தேனிடத்தில் இருக்கும் தூய சக்தி வீட்டில் உள்ள எத்தகைய தீங்கையும் அழித்துவிடும் என்றுக் கூறியுள்ளார்.

அனைவருக்கும் ஸ்ரீ கிருஷ்ணரது பரிபூரண அருள் கிடைக்க பிரார்த்திக்கிறேன் !
ஸ்ரீ கிருஷ்ண ஜெயந்தி நல்
வாழ்த்துகள்
!




Sunday, August 29, 2021

குழந்தை உரிமை பாதுகாப்பு குழு உறுப்பினர்களுக்கு திறன் வளர்ச்சி பயிற்சி

 







செங்கல்பட்டு மாவட்டம் திருநீர்மலை பகுதியில் உள்ள அரசு நடுநிலைப்பள்ளியில் இன்று (29.08.2021)காலை 10 மணி முதல் மாலை 5 மணி வரை குழந்தை  உரிமை பாதுகாப்பு தோழமை  கூட்டமைப்பு மற்றும் இனிய உதயம் தொண்டு நிறுவனம் இணைந்து குழந்தை உரிமை பாதுகாப்பு குழு உறுப்பினர்களுக்கு திறன் வளர்ச்சி  பயிற்சி நடைபெற்றது.  இந்த பயிற்சிக்கு இனிய உதயம் தொண்டு நிறுவனத்தின் நிறுவனர் திருமதி கோமளா அவர்கள் தலைமையிலும், திருநீர்மலை கிராம நிர்வாக அலுவலர் திரு சிவகுமார் அவர்கள் முன்னிலையில் ACDS நிறுவனத்தின் இயக்குனர் திரு தேவன்பு அவர்கள் பயிற்சி அளித்தார்.













 இப்பயிற்சியில் குழந்தை உரிமை மற்றும் பாதுகாப்பு சட்டங்கள் குறித்தும் CRPF செயல்பாடுகள் மற்றும் பாதுகாப்பு குறித்து பயிற்சி அளிக்கப்பட்டது. குறிப்பாக UNCRC, போக்சோ சட்டம், குழந்தை திருமண தடை சட்டம், குழந்தைத் தொழிலாளர் (ஒழுங்குமுறை) மற்றும் (முறைப்படுத்துதல்) சட்டம் போன்றவற்றின் மீது பயிற்சி விரிவாக வழங்கப்பட்டது.

இதனை தொடர்ந்து, ஒருங்கிணைப்பாளர் திரு சுரேஷ் அவர்கள் கிராம அளவில் குழந்தைகளுக்காக உள்ள வளங்கள், வாய்ப்புகள், குழந்தைகளுக்கான பிரச்சினைகள் எவ்வாறு கண்டுபிடிப்பது மற்றும் எப்படி சரிசெய்வது பற்றியும் விரிவாக எடுத்துரைக்கப்பட்டது. 

அதன்பின் குழந்தை உரிமை பாதுகாப்பு குழு பங்கேற்பாளர்கள் அடுத்த மூன்று ஆண்டுகள் தங்கள் கிராமத்தில் உள்ள குழந்தைகளுக்கான செயல்திட்டம் குறித்து திட்ட வரைவுரை செய்தனர் 










இறுதியாக குழந்தை உரிமை பாதுகாப்பு குழு திரு எஸ்.பி. ராஜா அவர்கள் அனைவருக்கும் நன்றி கூறினார்



செய்தி தொகுப்பு

மற்றும் புகைப்படங்கள்

அல்லாபக்ஷ்

வட்டு எறிதல் போட்டியில் இந்திய வீர‌ர் வினோத் குமார் வெண்கல பதக்கம்

 வட்டு எறிதலில் இந்திய வீரர் வினோத் குமார் வெண்கலம் வென்றிருக்கிறார்.

பாராலிம்பிக் 2020 : வட்டு எறிதல் போட்டியில் இந்திய வீர‌ர் வினோத் குமார் வெண்கல பதக்கம் வென்றார்

பாராலிம்பிக் 2020 வட்டு எறிதல் போட்டியில் இந்திய வீர‌ர் வினோத் குமார் வெண்கல பதக்கம் வென்றா

19.91 மீட்டருக்கு வீசி ஆசிய ரெக்கார்ட் செய்தார். அதன் மூலம் மூன்றாம் இடம்பிடித்தார்.




உயரம் தாண்டுதலில் இந்தியாவுக்கு வெள்ளி பதக்கம்

 

டோக்கியோ பாராஒலிம்பிக்; உயரம் தாண்டுதலில் இந்தியாவுக்கு வெள்ளி பதக்கம்

டோக்கியோ பாராஒலிம்பிக் போட்டியில் உயரம் தாண்டுதலில் இந்தியாவுக்கு வெள்ளி பதக்கம் கிடைத்து உள்ளது.




கிராம்பு எண்ணெயின் நன்மைகள்...!!

 கிராம்பு எண்ணெயின் நன்மைகள்...!!





தற்போதுள்ள உலகில் அழகு ஆரோக்கியம் இரண்டிற்கும் உதவும் பொருட்கள் குறைந்த அளவே உள்ளன. அப்படி ஒரு பொருள் நம் வீட்டின் சமையலறையில் இருக்கிறது. ஆம், கிராம்பு எண்ணெய் பல வழிகளில் நமக்கு பலனுள்ளதாக இருக்கிறது.


முகப்பரு நீக்க: அதிக அளவு முகப்பரு இருந்தால் கிராம்பு எண்ணெயுடன், பாதாம் அல்லது தேங்காய் எண்ணெய் கலந்து முகத்தில் அப்ளை செய்து 15 நிமிடம் கழித்து கழுவ வேண்டும்.இப்படி தினமும் செய்து வர முகப்பரு நீங்கும்.


மன அழுத்தம் நீங்க: கிராம்பு எண்ணெய் அற்புதமான் நறுமணம் கொண்டிருக்கும். இது நரம்புகளுக்கு புத்துணர்வு அளிக்கும் அதனால் மனம் அமைதி பெறும்.


தலைவலி நீங்க: கிராம்பு எண்ணெயை தடவி வர தலைவலி நீங்கும்.


பல்வலிக்கு: வலி உள்ள இடங்களில் கிராம்பு எண்ணெய் வைத்து சிறிது நேரம் கழித்து உப்பு நீரில் வாய் கொப்பளித்தால் பல் வலி நீங்கும்.

இந்த உணவுகளை வெறும் வயிற்றில் பருகினால்

 இந்த உணவுகளை வெறும் வயிற்றில் பருகினால்.





காலையில் எழுந்ததும் வெறும் வயிற்றில் சில வகை பானங்களை பருகும் வழக்கத்தை பலரும் பின்பற்றுகிறார்கள். இரவில் சாப்பிட்ட பிறகு 8-9 மணி நேரம் கழித்து வெறும் வயிற்றில் எழுந்திருக்கும்போது முதலில் சாப்பிடுவதை வயிறு, குடல் சட்டென்று உறிஞ்சிவிடும். வெறும் வயிற்றில் திரவ உணவுகளை பருகுவது நச்சுக்களை வெளியேற்றவும், பசியை அதிகரிக்கவும், எடையை குறைக்கவும், சரும ஆரோக்கியத்தை பாதுகாக்கவும், நோய் எதிர்ப்பு சக்தியை அதிகரிக்கவும் உதவும்.


வெறும் வயிற்றில் என்னென்ன பானங்களை பருகலாம்? அதனால் உடலுக்கு கிடைக்கும் நன்மைகள் என்னென்ன?


மஞ்சள் பால்: இந்திய உணவுகளில் மஞ்சள் சிறந்த ஆன்டி ஆக்சிடென்டுகளை கொண்டது. இது அனைத்து விதமான அழற்சியையும் போக்கும். குறிப்பாக சுவாச பிரச்சினைகளுக்கு சிறந்த நிவாரணியாக செயல்படக்கூடியது. சளி, இருமல் போன்ற பல்வேறு பாதிப்புகளுக்கு பயன்படுத்தப்படுகிறது.


ஒரு கப் சூடான பாலில் அரை தேக்கரண்டி மஞ்சள் தூள், சிறிதளவு உப்பு சேர்த்து கலக்க வேண்டும். சுவைக்கு தேன் அல்லது சிறிதளவு எலுமிச்சை சாறு சேர்த்துக்கொள்ளலாம். தினமும் காலையில் எழுந்ததும் இந்த மஞ்சள் பாலை பருகலாம். இரவில் தூங்க செல்வதற்கு முன்பும் பருகலாம். மஞ்சள் பாலுடன் மிளகு, கிராம்பு சேர்த்தும் பருகலாம். இது தொண்டை புண்களையும் ஆற்றும்.


சீரக நீர்: வெறும் வயிற்றில் சீரக தண்ணீர் பருகுவது உடலில் உள்ள நச்சுக்களை வெளியேற்ற உதவும். எடை குறைப்புக்கும் வழிவகுக்கும். எடையை குறைப்பதன் மூலம் வளர்சிதை மாற்ற விகிதத்தை மேம்படுத்தலாம். இரண்டு கப் தண்ணீரில் இரண்டு தேக்கரண்டி சீரகத்தை போட்டு கொதிக்க விடவும். கொதிக்க ஆரம்பித்ததும் அடுப்பை அணைத்து விட்டு அந்த நீரை வடிகட்டி பருகலாம். தேவைப்பட்டால் சிறிதளவு உப்பு சேர்த்துக்கொள்ளலாம்.


துளசி டீ: காலையில் எழுந்ததும் துளசி சாறு அல்லது துளசி டீ பருகுவது செரிமான செயல்முறையை எளிமையாக்க உதவும். குடல் ஆரோக்கியத்தையும் மேம்படுத்தும். ஒரு கப் சூடான நீரில் சிறிதளவு துளசி சாறு கலந்தும் பருகலாம். சுவைக்கு சிறிதளவு தேன் சேர்த்துக்கொள்ளலாம்.


இஞ்சி பானம்: நோய் எதிர்ப்பு சக்தியை அதிகப்படுத்தும் பானம் இது. ஒரு கப் சூடான நீரில் ஒரு தேக்கரண்டி தேன் சேர்த்து ஆற விடவும். பின்னர் உலர்ந்த சாமந்தி பூ, இஞ்சி, ஆரஞ்சு தோல், லவங்கப்பட்டை, ஏலக்காய் போன்றவற்றை சிறிதளவு சேர்ந்து கொதிக்கவிடவும். கொதிக்க தொடங்கியதும் இறக்கி ஆறவைத்து பருகலாம். இந்த இஞ்சி பானம் ஒட்டுமொத்த உடல் ஆரோக்கியத்திற்கும் ஏற்றது.


கொத்தமல்லி பானம்: கொத்த மல்லி விதையில் இருந்து தயாரிக்கப்படும் நீரை பருகுவது ரத்த சர்க்கரை அளவை குறைக்க உதவும். ஒரு டம்ளர் நீரில் ஒரு டீஸ்பூன் கொத்தமல்லி விதைகளை போட்டு இரவில் ஊறவைக்கவும். காலையில் அந்த நீரை வடிகட்டி பருகிவிடலாம். பின்பு கொத்தமல்லி விதைகளை சமையலுக்கும் பயன்படுத்திக்கொள்ளலாம்.


வேப்ப இலை டீ: வேப்ப இலையில் பாக்டீரியா எதிர்ப்பு, அழற்சி எதிர்ப்பு, புற்றுநோய் எதிர்ப்பு பண்புகள் உள்ளன. அவை சரும ஆரோக்கியத்தில் முக்கிய பங்கு வகிக்கின்றன. 2 வேப்ப இலைகள், 4 துளசி இலைகள், ஒரு துண்டு இஞ்சி ஆகியவற்றை ஒரு கப் தண்ணீரில் ஊற விடவும். அதில் 2 மிளகு, 2 கிராம்புகளை பொடித்து சேர்த்துக்கொள்ளவும். இந்த கலவையை இரண்டு நிமிடங்கள் கொதிக்க விட்டு வடிகட்டிக்கொள்ளவும். ஓரளவு ஆறியதும் ஒரு டீஸ்பூன் தேன் சேர்த்து பருகலாம். இந்த டீயை ஒரு வாரம் தொடர்ந்து பருகி வந்தால் சருமம் பொலிவு பெறும்.


காலையில் டீ, காபிக்கு மாற்றாக மேற்கூறியவற்றுள் ஏதாவது ஒன்றை பருகுவது உள் உறுப்புகளின் ஆரோக்கியத்தை வலுப்படுத்தும். இதனை பருக விரும்பாதவர்கள் வெறும் வயிற்றில் வெதுவெதுப்பான நீரை பருகலாம்.

உடற்பயிற்சிகள் நம் நினைவாற்றலை கூர்மையாக வைத்திருக்க உதவுமா.?

உடற்பயிற்சிகள் நம் நினைவாற்றலை கூர்மையாக வைத்திருக்க உதவுமா.?



சமீபத்தில் மேற்கொள்ளப்பட்ட ஒரு சுவாரஸியமான புதிய ஆய்வில் வழக்கமான உடற்பயிற்சிகள் மூளை ஆரோக்கியத்தை அதிகரிக்கும் வாய்ப்புகள் இருப்பது தெரிய வந்துள்ளது. உடற்பயிற்சியின் போது தசைகளால் உற்பத்தி செய்யப்படும் ஹார்மோன் ஒன்று மூளைக்குள் சென்று நியூரான்களின் ஆரோக்கியத்தையும் செயல்பாட்டையும் மேம்படுத்துவதால் சிந்தனை மற்றும் நினைவாற்றலை கூர்மையாக இருக்கும் என்பது இந்த ஆய்வின் மூலம் தெரிய வந்துள்ளது. இந்த ஆய்வுக்கு எலிகள் பயன்படுத்தப்பட்டன.


இதற்கு முந்தைய ஆய்வில் உடற்பயிற்சிகளை செய்யும் போது மனிதர்களும் எலிகள் உற்பத்தி செய்த அதே ஹார்மோன்களை உற்பத்தி செய்தது கண்டறியப்பட்டது. ஐரிசின் (Irisin) என்ற ஹார்மோன்களே நாம் உடற்பயிற்சி செய்யும் போது நம் உடலில் உற்பத்தி ஆகிறது. மேலும் இதனுடன் கூடிய கண்டுபிடிப்புகள் வயதான மற்றும் டிமென்ஷியாவால் ஏற்படும் நினைவாற்றல் பாதிப்பை தினசரி நடைபயிற்சி மாற்றக்கூடும் என்றும் கூறுகின்றன.


உடற்பயிற்சி மூளைக்கு நல்லது என்பதற்கு ஏற்கனவே ஏராளமான சான்றுகள் உள்ளன. உடற்பயிற்சிகள் மூளையின் நினைவு மையத்தில் புதிய நியூரான்கள் உருவாவதை தூண்டுகின்றன. இந்த புதிய நியூரான்கள் அந்த புதிய செல்கள் உயிர்வாழவும், முதிர்ச்சியடையவும், மூளையின் நரம்பியல் நெட்வொர்க்குகளுடன் ஒருங்கிணைக்கவும் உதவுகின்றன. உடற்பயிற்சிகள் செய்வதால் உருவாகும் புதிய நியூரான்கள் சிந்திக்கவும், நினைவு திறனுக்கும் உதவுகின்றன. இதுவரை நடத்தப்பட்ட பெரிய அளவிலான தொற்றுநோயியல் ஆய்வுகள் (epidemiological studies) அரிதாக உடற்பயிற்சி செய்பவர்களை விட, வழக்கமாக உடற்பயிற்சியில் ஈடுபடும் சுறுசுறுப்பான மக்கள் அல்சைமர் நோய் மற்றும் பிற வகையான டிமென்ஷியாவை உருவாக்கும் வாய்ப்பு மிக குறைவு என்பதை காட்டுகின்றன.


கடந்த 2012-ஆம் ஆண்டில், டானா-ஃபார்பர் புற்றுநோய் நிறுவனம் மற்றும் ஹார்வர்ட் மருத்துவப் பள்ளியை சேர்ந்த (Dana-Farber Cancer Institute and Harvard Medical School) சில ஆராய்ச்சியாளர்கள, ஆய்வகத்தில் இருக்கும் கொறித்துண்ணிகளை தொடர் பரிசோதனையில் ஈடுபடுத்திய போது இதுவரை அறியப்படாத ஹார்மோன் அடையாளம் காணப்பட்டது. இந்த ஹார்மோனுக்கு தான் ஐரிசின் பெயரிடப்பட்டது. மேலும் ஐரிசின் ஹார்மோன், brown fat-ஐ உருவாக்க உதவுவதன் மூலம், நமது வளர்சிதை மாற்றத்தை அதிகரிக்க உதவுவதும் தொடர்ந்து கண்டறியப்பட்டது. இதனிடையே டாக்டர் ஸ்பீகல்மேன் மற்றும் அவரது சக ஆராய்ச்சியாளர்களுக்கு மூளை ஆரோக்கியத்தில் ஐரிசின் ஹார்மோனின் பங்கு இருக்கலாம் என்ற சந்தேகம் ஏற்பட்டது.


2019-ல் மற்ற ஆராய்ச்சியாளர்களின் ஆய்வில் உடற்பயிற்சிக்கு பின்னர் எலிகளின் மூளையில் ஐரிசின் உற்பத்தியாவது தெரிய வந்தது. மூளை வங்கிக்கு நன்கொடையாக வழங்கப்பட்ட பெரும்பாலான மனித மூளையில் ஆய்வுகள் செய்யப்பட்டன. இதில் அல்சைமர் நோய் இல்லாமல் மரணமடைந்தவர்களின் மூளையில் குறிப்பிட்ட ஹார்மோன் இருப்பதும் கண்டறியப்பட்டது. எனவே இந்த ஆய்வு முடிவு ஐரிசின் ஹார்மோன்கள், டிமென்ஷியா அபாயத்தை குறைப்பதாக கூறியது.


இதனிடையே சமீபத்தில் டாக்டர் ஸ்பீகல்மேன் மற்றும் அவரது சக ஆய்வாளர்கள் தங்களது புதிய ஆய்வை, ஐரிசின் ஹார்மோனை உற்பத்தி செய்ய இயலாத எலிகளை இனப்பெருக்கம் செய்வதன் மூலம் தொடங்கினர். பின்னர் சாதாரண பிற பெரிய எலிகளை சக்கரங்களை கட்டி சில நாட்கள் நடக்க வைத்தனர். இந்த வகை உடற்பயிற்சி பொதுவாக நினைவாற்றல் மற்றும் சிந்திக்கும் திறனை மேம்படுத்துகிறது. ஆய்வின் முடிவில் ஐரிசின் ஹார்மோனை உருவாக்க முடியாத விலங்குகள் இந்த வகை உடற்பயிற்சி காரணமாக அறிவாற்றல் முன்னேற்றத்தை பெரிதாக காட்டவில்லை. இதனை அடுத்து சிந்தனையை மேம்படுத்த உடற்பயிற்சிக்கு ஐரிசின் ஹார்மோன்கள் முக்கியம் என்று முடிவுக்கு முன்னணி ஆராய்ச்சியாளர்கள் வந்தனர்.


ஒட்டுமொத்தமாக எடுத்து கொண்டால், தங்களது புதிய பரிசோதனைகள் "உடற்பயிற்சியை அறிவாற்றலுடன் இணைப்பதில்" ஐரிசின் ஹார்மோன் ஒரு முக்கிய பங்கு வகிக்கிறது என்பது உறுதியாக தெரிகிறது என டாக்டர். ஸ்பீகல்மேன் கூறியுள்ளார். எவ்வாறாயினும், இது ஒரு சிறியளவிலான ஆய்வு. கொறித்துண்ணிகளைப் போல நம் மூளை ஐரிசின் ஹார்மோனால் சிறப்பான செயல்பாட்டை வெளிப்படுத்துகிறதா என்பதை முழுமையாக்க இன்னும் நிறைய ஆய்வுகள் தேவை. அதே போல எந்த வகை உடற்பயிற்சிகள் நமது ஐரிசின் அளவை அதிகரிக்க முடியும் என்பது தொடர்பாகவும் இன்னும் ஆராய்ச்சிகள் தேவைப்படுகின்றன.

'பிளாக் காபி' உடல் எடையை குறைக்க உதவுமா

 'பிளாக் காபி' உடல் எடையை குறைக்க உதவுமா..?






சாதாரணமாக ஒருநபர் ஒரு நாளைக்கு 5 முறையாவது காபியை குடிக்கின்றனர். அதிலும் குறிப்பாக பிளாக் காபி (Black Coffee). பிளாக் காபி குடிப்பதற்கும், எடை குறைப்பிற்கும் நெருங்கிய தொடர்பு உள்ளது. இதில் அதிகளவு கஃபைன் உள்ளது. இதன் முக்கியமான பலன்களில் ஒன்று புற்றுநோய்க்கு எதிராக போராடுவதாகும். இந்த பதிவில் பிளாக் காபிக்கும், எடை குறைப்பிற்கும் இடையே இருக்கும் ரகசிய தொடர்பு என்னவென்று பார்க்கலாம்.


பிளாக் காபி என்பது காபி பிரியர்களின் பிரியமான பானமாகும். இது அவர்களுக்கு போதை மற்றும் சுவை அளிப்பதைத் தவிர, இது ஆரோக்கியத்திற்கும் நன்மை பயக்கும். இதில் ஊட்டச்சத்துக்கள் மற்றும் ஆக்ஸிஜனேற்றங்கள் நிறைந்துள்ளது. இது ஒரு உடனடி பவர் பூஸ்டர் அதோடு புற்றுநோய், இருதய நோய்கள், நீரிழிவு போன்ற பல்வேறு நோய்களைத் தடுக்கும் என்று கூறப்படுகிறது. இதைத் தவிர, எடை இழப்புக்கு உதவுவதிலும் இது மிகவும் பயனுள்ளதாக இருக்கும். பிளாக் காபி (Black Coffee) வளர்சிதை மாற்றத்தை அதிகரிக்கும் மற்றும் கொழுப்பை எரிக்க உதவுகிறது. எடை இழப்பு நன்மைகளைப் பெறுவதற்கு, சர்க்கரை, பால், கிரீம் போன்ற கூடுதல் சேர்க்கைகள் இல்லாமல் கருப்பு காபியை உட்கொள்ள நிபுணர்களால் பரிந்துரைக்கப்படுகிறது. எடை இழப்புக்கு கருப்பு காபி சரியான பானமாக இருப்பதற்கு மற்ற சில காரணங்களை இங்கே காண்போம்.


பசியை கட்டுப்படுத்துகிறது (Controls Hunger):- பிளாக் காபி வளர்சிதை மாற்ற செயல்முறைகளை மேம்படுத்துகிறது மற்றும் வேகப்படுத்துகிறது, இதன் விளைவாக பசி வேதனையை (Controls hunger pangs) அடக்குகிறது. இது பெப்டைட் ஒய் (Peptide YY) எனப்படும் பசி ஹார்மோனிற்கு எதிராக செயல்படுகிறது, அதனால் இது பசியை அடக்குகிறது.


கஃபைன் (Caffeine):- கருப்பு காபியில் கஃபைன் (Caffeine) இருப்பது ஆற்றல் ஊக்கமாக செயல்பட்டு வளர்சிதை மாற்றத்தை மேம்படுத்துகிறது. இது அதிக கலோரிகளை எரிக்க (burning more calories) உதவும் சுறுசுறுப்பாகவும் ஆற்றலுடனும் நம்மை உணர வைக்கிறது. ஆற்றல் அளவை அதிகரிப்பதன் மூலம், கருப்பு காபி இரத்தத்தில் உள்ள கொழுப்பின் அளவையும் கட்டுக்குள் வைத்திருக்கிறது. இது கலோரி இல்லா பானம் என்றும் அழைக்கப்படுகிறது. சர்க்கரை சேர்க்கப்படும் போது அது கலோரிகளின் எண்ணிக்கையை அதிகரிக்கும். கஃபைன் (Caffeine) மிதமான அளவில் இருப்பது நல்லது. இல்லையெனில் இதற்கு குடி போல் நாம் அடிமையாகி விடுவோம். உடல் நலம் எனும் பொழுது அதில் கழிவுப் பொருள் வெளியேற்றமும் சீராக இருக்க வேண்டியது அவசியம்.


நீர் உள்ளடக்கத்தை குறைக்கிறது (Reduces water content) :- சிலருக்கு உடலில் நீரின் அளவு அதிகமாக இருப்பதால் எடை அதிகரிக்கும். கருப்பு காபியை உட்கொள்வது சிறுநீர் கழிப்பதை அதிகரிக்க வழிவகுக்கிறது, இதன் விளைவாக நீரின் அளவு கணிசமாகக் குறைகிறது.


குளோரோஜெனிக் அமிலத்தின் இருப்பு (Presence of chlorogenic acid) : கருப்பு காபி குளோரோஜெனிக் அமிலத்தைக் (chlorogenic acid) கொண்டுள்ளது, இது எடை இழப்பு செயல்முறையை துரிதப்படுத்துகிறது. உடலில் குளுக்கோஸ் உற்பத்தியைக் கணிசமாகக் குறைத்து எடை இழப்புக்கு உதவும் பல்வேறு ஆக்ஸிஜனேற்றங்களும் இதில் உள்ளன. எனவே தினமும் கருப்பு காபி குடிப்பது உங்களுக்கு எடை குறைப்பிற்கு உதவும். உடற்பயிற்சிக்கு முன் கருப்பு காபியை குடிப்பது நீங்கள் அதிக கலோரிகளை எரிக்க உதவும்.


அதிக கலோரிகளை எரிப்பதன் மூலம் இது நிரந்தர எடை இழப்பிற்கும் வழிவகுக்கிறது. அதிக கலோரிகள் தொடர்ந்து எரிக்கப்படும் போது உங்கள் எடை தானாக குறையும். பாரம்பரிய காபியின் ஆரோக்கியமான பதிப்புதனை இந்த பிளாக் காபி. ஏனெனில் இது கிரீம் மற்றும் சர்க்கரை இல்லாதது. இது பொதுவாக உடல் எடையை குறைக்க முயற்சிப்பவர்களின் தேர்வாக இருக்கிறது. பிளாக் காபியையும் (Black Coffee) அதிகப்படியாக உட்கொண்டால் அது சில எதிர்மறையான உடல்நல பாதிப்புகளை ஏற்படுத்தக்கூடும் என்பதை நினைவில் கொள்ளுங்கள்.

உணவின் கலோரி அளவை கணக்கிட உதவும் ஃபார்முலா

 உடல் எடையை குறைக்க நினைப்போர் உணவின் கலோரி அளவை கணக்கிட உதவும் ஃபார்முலா இதுதான்..! 


உடல் எடையை குறைப்பதற்கான முயற்சிகளில் ஈடுபட்டுள்ள அனைவருக்கும் பொதுவாக எடை இழப்புக்கான டயட் முறைகள் பற்றி தெரிந்திருக்கும் என்றாலும் ஒருவர் தாங்கள் தினசரி எடுத்து கொள்ளும் உணவுகளில் கலோரிகளை கட்டுப்படுத்துவதன் மூலம் வெகுவாக எடை இழப்பு ஏற்படும் என்பது பலருக்கு தெரியாது. குறைந்த கலோரி உணவுகளை கொண்ட டயட்டை பின்பற்றுவது எடை இழப்பிற்கு உதவும் என்று பல ஆய்வுகள் காட்டுகின்றன. இதற்கு அர்த்தம் என்னவென்றால் குறிப்பிட்ட அளவு உடல் எடையை இழக்க வேண்டும் என்ற இலக்கு கொண்டிருப்பின், அவர்கள் கலோரி உட்கொள்ளலில் கவனம் செலுத்த வேண்டும்.



மேலும் கலோரி விஷயத்தில் அவர்கள் இலக்கிற்கு ஏற்ப தேவையான மாற்றங்களை செய்ய வேண்டும். நீங்கள் எடை குறைப்பு முயற்சியில் ஈடுபட்டுள்ளீர்கள் என்றால் உங்களுக்கு தினசரி தேவைப்படும் கலோரி அளவுகள் எவ்வளவு என்ற குழப்பம் ஏற்படும். எனவே உங்களுக்கு உதவ பிரபல ஊட்டச்சத்து நிபுணரான நான்சி டெஹ்ரா சமீபத்தில் இன்ஸ்டாகிராமில் வீடியோ ஒன்றை ஷேர் செய்து உள்ளார். அதில் அளவான கலோரி எடுத்து கொள்வது எடை குறைப்பில் எப்படி வேலை செய்கிறது மற்றும் உங்களுக்கு தேவைப்படும் சராசரி கலோரி எவ்வளவு என்பதை எப்படி கணக்கிடுவது என்பதற்கான ஃபார்முலா உள்ளிட்டவற்றை பற்றிய தகவல்களை ஷேர் செய்து இருக்கிறார்.


பொதுவாக எடை குறைப்பு தேவைப்படாத ஆரோக்கியமான நபர்களுக்கு பரிந்துரைக்கப்படும் தினசரி கலோரி உட்கொள்ளல் பெண்களுக்கு ஒரு நாளைக்கு 2,000 கலோரி மற்றும் ஆண்களுக்கு 2,500 கலோரி ஆகும். ஆனால் எடை குறைப்பில் இருப்பவர்களுக்கான டயட் என்பது தினசரி 1000 கலோரிகளுக்கும் குறைவாக உட்கொள்ள வேண்டும் என்று அர்த்தமில்லை. துவக்கத்திலேயே ஒரேடியாக கலோரி அளவை குறைக்காமல் சிறிது சிறிதாக குறைக்க வேண்டும்.


எடை குறைய குறைய தேவைக்கேற்ப உங்கள் தினசரி கலோரி உட்கொள்ளல் அளவை குறைத்தல் போதுமானது என்கிறார் நான்சி டெஹ்ரா. இதற்காக ஒருவர் செய்ய வேண்டியது அவர்களின் எடையை 26.4-ஆல் பெருக்க வேண்டும் என்று அவர் கூறினார். இந்த ஃபார்முலா தோராயமான கலோரிகளுடன் உங்களை ஆரோக்கியமான வழியில் எடையை குறைக்க உதவும் என்று கூறியுள்ளார். இது தொடர்பான போஸ்ட்டில் எடையை கிலோவில் எடுத்து கொள்ளுங்கள், பவுண்டுகளில் அல்ல என்று தெரிவித்து உள்ளார்.


தனது எடை இழப்பு பயணத்தை துவங்கும் ஒருவருக்கு (10+ கிலோவிற்கும் மேல் எடையை இழக்க முடிவு செய்திருந்தால்) இந்த ஃபார்முலா சிறப்பான பலனை தரும். இது கிட்டத்தட்ட கலோரிகளை சரியாக பராமரிக்க உதவுகிறது. இதனை பயன்படுத்தி வரும் கலோரி அளவு உங்களுக்கு அதிகமாக இருப்பதாக தோன்றினால் அதிலிருந்து 200-400 கலோரிகளை கழித்து கொள்ளுங்கள் என்றும் யோசனை தெரிவித்துள்ளார்.


நீங்கள் ஒருவேளை சீரியல் டயட்டராக இருந்தால் இந்த ஃபார்முலா உங்களுக்கு மிகவும் பொருத்தமான ஒன்றாக இருக்காது. தவிர நீங்கள் ஏற்கனவே உங்களுக்கு தேவையான பராமரிப்பு கலோரிகளின் அளவு குறித்து தெரிந்திருந்தால் , தேவைப்படும்பட்சத்தில் அதிலிருந்து சுமார் 300 - 500 கலோரிகளைக் கழித்து கொள்ளலாம் என்றும் குறிப்பிட்டுள்ளார்.

உடம்ப குறைக்கும் ஐடியா இருந்தா முதலில் இதை கவனிங்க!

 Weight Loss | உடம்ப குறைக்கும் ஐடியா இருந்தா முதலில் இதை கவனிங்க! 






ஒரு கட்டடத்திற்கு அடித்தளம் எவ்வளவு முக்கியமோ, அதேபோல் உடல் எடையை குறைக்க வேண்டும் என்றவுடனேயே நீங்கள் செய்ய வேண்டியது உங்கள் உடலில் உள்ள கலோரி அளவை குறைப்பது தான். கலோரியை குறைக்கவில்லை என்றால் உடல் எடை குறையாது. உங்கள் உயரம், எடையை பொறுத்து உங்கள் உடம்பிற்கு ஒரு குறிப்பிட்ட அளவு கலோரி தேவைப்படும். இரண்டாவதாக நீங்கள் கவனிக்க வேண்டியது அடிப்படையான உடற்பயிற்சிகள். இதற்காக நீங்கள் ஜிம்மிற்கு செல்ல வேண்டும் என்பதில்லை. வீட்டிலிருந்தே பணிபுரியும் நிலையில் உள்ளவர்கள் உடல் எடையைக் குறைக்க வேண்டும் எனில், முதலில் எளிதான மற்றும் அடிப்படையான உடற்பயிற்சிகளை மேற்கொள்ள வேண்டும்.


தினமும் 30 நிமிடங்கள் உடற்பயிற்சியும் உணவில் கலோரியின் அளவை கட்டுக்குள் வைப்பதுமே உடல் எடையைக் குறைக்க உதவும் முக்கிய கூறுகள் ஆகும். மேலும், உங்கள் எடை விரைவில் குறைவதை உணருவீர்கள்.


குறைந்த கலோரி கொண்ட உணவுகளை உட்கொள்வது என்பது சருமத்திற்கு மட்டுமல்ல நோய்களையும் தடுக்க உதவும். கீட்டோ மற்றும் இண்டர்மிட்டண்ட் ஃபாஸ்ட்டிங் போன்ற டயட்களை பின்பற்றுவதற்கு பதிலாக, நீங்கள் செய்ய வேண்டியது எல்லாம் சீரான உணவுகளை உட்கொள்வதுதான். சற்று நிதானமாக முயற்சித்தால், உங்கள் எடையைக் குறைக்கும் பயணத்தின் முடிவில் அற்புதமான ரிலச்ல்டை பெறுவீர்கள். கலோரிகள் உங்கள் உடலுக்கு முற்றிலும் தீங்கானவை அல்ல என்றாலும், உங்கள் எடை குறைக்கும் முறையின் போது கலோரி அளவை நீங்கள் கட்டுக்குள் வைத்திருக்க வேண்டும். குறைந்த கலோரி கொண்ட சில காய், கனிகள் குறித்து பார்க்கலாம்.


பெரும்பாலான காய்கறிகள் அனைத்தும் லோ-கலோரி காய்கறிகள் தான். குறிப்பாக முள்ளங்கி, பூசணி, காலிஃப்ளவர், பீன்ஸ், கேரட், ப்ரோகலி மற்றும் கீரை வகைகள் ஆகியவை. பழங்கள் பொருத்தவரை ஆப்பிள், ஆரஞ்ச், வெள்ளரிக்காய், தர்பூசணி, திராட்சை, ஸ்ட்ராபெரி ஆகியவை. மேலும், எடை குறைப்பில் நம் அன்றாட உணவில் சர்க்கரையை முற்றிலும் தவிர்ப்பது நல்லது. கோதுமை, அரிசியின் அளவையும் குறைப்பது நல்லது. ஆனால் கோதுமை, அரசியை சரியான அளவில் உட்கொள்ளவும் செய்யலாம். அளவை கவனத்தில் கொள்ள வேண்டியது மிக அவசியம்.

இரவில் தயிர் சாப்பிடலாமா?

  இரவில் தயிர் சாப்பிடலாமா? 





தயிருக்கு உடலை குளிர்ச்சியாக வைத்துக்கொள்ளும் தன்மை உண்டு. அதனால்தான் பரவலாக அது உபயோகத்தில் இருக்கிறது. தயிரில் உள்ளடங்கி இருக்கும் நல்ல பாக்டீரியாக்கள் செரிமானம் சீராக நடைபெற உதவும். குடல் ஆரோக்கியத்தையும் பாதுகாக்கும்.


* பகல் நேரங்களில் வெப்பநிலை அதிகமாக இருக்கும் என்பதால் உடல் உஷ்ணத்துடன் காணப்படும். அந்த சமயத்தில் தயிர் சாப்பிடுவது உடல் சூட்டை தணிக்க உதவும். அதனால்தான் சாப்பிடும்போது தயிரை தவிர்க்காமல் உணவில் சேர்த்துக்கொள்கிறார்கள்.


* சிலர் தயிரை இரவு உணவிலும் சேர்த்துக்கொள்வார்கள். இரவு நேரத்தில் உடலின் வெப்பநிலையில் மாற்றம் ஏற்படும். அந்த சமயத்தில் தயிரை சேர்த்துக்கொண்டால் சளிப்பிரச்சினை உருவாக வாய்ப்பிருக்கிறது.


* அதிலும் இருமல், ஆஸ்துமா பாதிப்புக்கு ஆளாகி இருப்பவர்கள் தயிரை முற்றிலும் தவிர்க்க வேண்டும். அது சளியை அதிகப்படுத்திவிடும்.


* ஆனால் மோர் எல்லா நேரத்திற்கும், எல்லோருக்கும் ஏற்றது. மோரில் சிறிதளவு மிளகுத்தூள் கலந்து பருகலாம். அது உடல் வெப்பநிலையை அதிகரிக்க செய்யும் என்பதால் சளி பிரச்சினை ஏற்படாது.

முகப்பரு வந்தால் கடைபிடிக்க வேண்டியவை

 முகப்பரு வந்தால் கடைபிடிக்க வேண்டியவை 





* நிறைய தண்ணீர் அருந்துதல் வேண்டும். ஒரு நாளைக்கு குறைந்தது நான்கு அல்லது ஐந்து லிட்டராவது தண்ணீரை குடிக்க வேண்டும்.


* ஒரு நாளைக்கு நான்கு அல்லது ஐந்து முறை வெறும் நீரால் முகம் கழுவுதல் வேண்டும்.


* முகத்தை கழுவும்போது காலை மற்றும் மாலை நேரத்தில் மட்டும் ரோஸ் வாட்டரில் முகம் கழுவினால் சருமத்தில் உண்டான சூடு குறைந்து குளிர்ச்சி கிடைக்கும்.


* ஜெல் பேஸ், ஃபேஸ் வாஷ்களை பயன்படுத்துதல் வேண்டும்.


* பயத்தம் பருப்பு அல்லது நாட்டு மருந்துக் கடைகளில் கிடைக்கும் குளியல் பொடி கொண்டும் முகத்தைக் கழுவலாம்.


* வெயில் நேரத்தில் வெளியில் செல்லும் போது முகத்தை மூடி வெயில் நமது சருமத்தை நேரடியாகத் தாக்காதவாறு பாதுகாப்பாகச் செல்ல வேண்டும்.


* வெளியில் செல்லும்போது சூரிய ஒளி நேரடியாகத் தாக்காதவாறு சன் க்ரீம்களை பயன்படுத்தலாம். இது சருமத்தை சற்று பாதுகாக்கும்.


* கைபேசிகள் வழியாக வெளியேறும் ரேஷர் கதிர்கள் முகத்தை தாக்கும் தன்மை கொண்டது. எனவே கைபேசி பயன்பாட்டை குறைப்பதுடன், தூங்கும்போது அருகில் வைப்பதை தவிர்த்தல் வேண்டும்.


* சாலிட்டிரிக் ஆயில் அல்லது டீ ட்ரீ ஆயில் உள்ள ஃபேஸ் வாஷ்களை பயன்படுத்தினால் முகப்பரு கட்டுப்பாட்டுக்குள் வரும்.


* ஆலுவேரா சருமத்திற்கு மிகவும் உகந்தது. ஆலுவேரா ஜெல்லை நன்றாக மசித்து அத்துடன் கஸ்தூரி மஞ்சள் அரை ஸ்பூன் இணைத்து முகத்தில் பேக் போடலாம். ஆலுவேராவில் உள்ள ஜெல் சருமத்தில் உள்ள எண்ணைத் தன்மையை இழுப்பதுடன், கஸ்தூரி மஞ்சள் முகப்பருவை கட்டுப்படுத்தும்.


* வேப்பிலையுடன் மஞ்சள் சேர்த்து இரண்டையும் அரைத்து, அத்துடன் வெந்தயம் எசன்ஸ் சேர்த்து முகத்தில் மாஸ்க் போடலாம். இதுவும் முகப்பருவை கட்டுப்படுத்தும்.


* அதிகமாக பழம் மற்றும் பழச்சாறுகளை உணவாக எடுக்கலாம். காய்கறிகளையும் அதிகம் உணவில் சேர்க்க வேண்டும்.


* சரியாக நேரத்திற்கு உணவு சாப்பிடவில்லை என்றால் ஹைட்ரோ குளோரிக் ஆசிட் உருவாகும். இது முகப்பரு தோன்ற வழிவகுக்கும். எனவே குறிப்பிட்ட நேரத்தில் கொஞ்சமாகவாவது உணவை எடுக்க வேண்டும்.

சகுந்தலா ஸ்ரீனிவாசனின் காதல் கவிதைகள் எழுதும் நேரம்

 

காதல் கவிதைகள் எழுதும் நேரம்




---சகுந்தலா ஸ்ரீனிவாசனின் கவிதைகள்

1 .ஏனென்றால் நீ வேண்டும்



ஏன் அழ வேண்டும்

ஏன் புன்னகைக்க வேண்டும்
ஏன் சினம் கொள்ள வேண்டும்
ஏன் தவிப்புக்குள்ளாக வேண்டும்
ஏன் தனிமை வேண்டும்
ஏன் பசிக்கமாலிருத்தல் வேண்டும்
ஏன் தூக்கத்தை இழக்க வேண்டும்
ஏன் பைத்தியமாக வேண்டும் ...
ஏனென்றால் நீ வேண்டும்
என்பதற்காகத்தான்
இவ்வளவும்



2 .உன் கோபத்தில்
நான் யார்...


மௌனம் கொள்
மென்று விழுங்கு
உமிழ்நீர் உறைய வை
உலகை நிறுத்து
வானை உடை
வாளினை கூர்செய்
நீண்ட தூரம் செல்
நீளும் காதலை அமைதியாக்கு..
இப்போது சொல்
உன் கோபத்தில்
நான் யார்...



3 .என் விழிகளுக்கான பருவமழை




.விழுந்து கிடக்கும்
மலர்களுக்கும்
இலைகளுக்கும்
நடுவில் சுற்றித்திரியும்
ஒற்றை எறும்பினைப்போல்
ஊர்ந்துக்கொண்டிருக்கிறேன்..
எந்நேரமும் பெருமழையொன்று
வருவதற்கான முகாந்திரத்தை
ஏற்படுத்தி தருகிறது மனது..
என் விழிகளுக்கான பருவமழையை
உன் வருகையினால் பொய்த்து விடச்செய்



கவிதைகள் by




சகுந்தலா ஸ்ரீனிவாசன்




பாராஒலிம்பிக்கில் இந்தியாவுக்கு முதல் பதக்கம்.

 பாராஒலிம்பிக்கில் இந்தியாவுக்கு முதல் பதக்கம்.



 டேபிள் டென்னிஸ் இறுதிப் போட்டியில் வெள்ளி வென்றார் இந்திய வீராங்கனை பவினா பென்.


கடுமையாக போராடி இறுதிப் போட்டியில் சீன வீராங்கனையிடம் தோல்வியடைந்தார் பவினா பென் படேல். இதன் காரணமாக வெள்ளி பதக்கம் வென்றுள்ளார் பவினா படேல்!


இந்தியாவுக்கு முதல் பதக்கம் பாராலிம்பிக்கில்  கிடைத்துள்ளது

சென்னையின் பாரம்பரிய இடங்கள் தொடர் (4)

சென்னையின் பாரம்பரிய இடங்கள் தொடர் (4) இன்று


  உட்லண்ட்ஸ் ஹோட்டல்

கர்நாடக மாநிலம் உடுப்பியை சேர்ந்தவர் கிருஷ்ணாராவ். இவர் பாரிமுனையில் உள்ள உடுப்பி கிருஷ்ணா என்ற ஹோட்டலில் சர்வராக வேலை செய்து கொண்டிருந்தார். 


இவரது அயராத உழைப்பைப் பார்த்து, ஹோட்டல் முதலாளி இவரிடமே அந்த ஹோட்டலை ஒப்படைத்தார். தனது கடின  உழைப்பால் அந்த ஹோட்டலை ஒரு நல்ல உயர்தர சைவ உணவகமாக உருவாக்கினார். 


அதன் பிறகு பெரிய ஓட்டல் ஆரம்பிக்கலாம் என்ற எண்ணம் வந்த போது, ராம்நாட் ராஜாவிற்கு சொந்தமான பங்களா ராயப்பேட்டையில் இருந்தது. இந்த பங்களாவில் தான் அரசர் இங்கு வரும் போது குடும்பத்துடன் தங்குவார். அவர் வேறொரு இடம் மாறி போவதால் இந்த இடம்  விலைக்கு வருவதாகத் தெரிந்து,  தனது நண்பர்களின் பண உதவியுடன் அந்த பங்களாவை வாங்கி உட்லண்ட்ஸ் என்ற பெயரில் ஹோட்டல் ஆரம்பித்தார். 


அந்தக் காலத்தில் இந்த பகுதி முக்கிய மையமாக இருந்தது. அப்போது மிகவும் பிரபலமாக இருந்த தியாகராஜ பாகவதர் இங்கேதான் தங்கியிருந்தார். அப்பொழுது ஒருநாள் வாடகை ஐந்து ரூபாய் மட்டுமே. 


இந்தியா சுதந்திரம் பெற்ற அன்று சுதந்திரம் பெற்றதை கொண்டாடும் விதமாக ராஜாஜி இந்த ஹோட்டலில் தான் பார்ட்டி கொடுத்தார். 


பிறகு இந்த ஹோட்டல் தன் கிளைகளாக அண்ணா சாலையில் தற்போது ஜெமினி பிரிட்ஜ் அருகே உள்ள செம்மொழிப் பூங்காவில் டிரைவிங் ரெஸ்டாரண்ட்டாகவும், ஆர். கே. சாலையில் நியூ உட்லண்ட்ஸ் ஹோட்டல் ஆகவும் விரிவுபடுத்தப்பட்டது. 

( படம் இணையதளத்திலிருந்து)

ராயப்பேட்டையில் உள்ள இந்த ஹோட்டலுக்கு இரண்டு நாட்களாக சென்று புகைப்படம் எடுக்க அனுமதி கேட்டும் அனுமதி மறுக்கப்பட்டது. அதனால் புகைப்படம் எடுக்க முடியவில்லை.