வீடு தேடி ரேஷன் பொருட்கள்,

டெல்லி சட்டசபை தேர்தல் வரும் 8-ம் தேதி நடைபெறகிறது. 11 ம் தேதி வாக்கு எண்ணிக்கை . பா.ஜ.க, காங்கிரஸ் மற்றும் ஆம் ஆத்மி இடையே கடுமையான போட்டி நிலவி வருகிறது.

 

 ஆம் ஆத்மி கட்சி தனது தேர்தல் அறிக்கையை வெளியிட்டது. அதில், 

* பணியின் போது மரணமடையும் துப்புரவு பணியாளர் குடும்பத்திற்கு ரூ.1 கோடி இழப்பீடு வழங்கப்படும். 

 

*வீடு தேடி ரேஷன் பொருட்கள், வலிமையான ஜன்லோக்பால்.

 

*  மூத்த குடிமக்கள் வழிபாட்டுதலங்களுக்கு செல்ல ரூ.10 லட்சம் நிதியுதவி வழங்கப்படும்.

 

* பெண்கள் பாதுகாப்பு, அனைவருக்கும் கல்வி அளிக்கப்படும்.

 

* ஆங்கிலம், தனிநபர் பயிற்சிக்கு சிறப்பு வகுப்புகள் துவக்கப்படும். 

 

* யமுனை ஆற்றங்கரையோரம் நவீனப்படுத்தப்படும்.

 

* டெல்லி நகரத்தில் கடைகள் மற்றும் உணவகங்கள் 24 மணிநேரமும் திறந்திருக்கும் வகையில் புதிய திட்டம் செயல்படுத்தப்படும்.

 

இவ்வாறு தேர்தல் அறிக்கையில் தெரிவிக்கப்பட்டுள்ளது.

 

தேர்தல் அறிக்கையை வெளியிட்ட பின் அரவிந்த் கெஜ்ரிவால் செய்தியாளர்களிடம் கூறியதாவது:-

 

மக்களிடமிருந்து உத்தரவு வந்த பின்னர், யார் முதல்-மந்திரி வேட்பாளர் என்பதை அறிவிப்போம் என அமித்ஷா கூறுகிறார்.

பாஜகவால் யார் முதல்-மந்திரி வேட்பாளர் என அறிவிக்க முடியுமா? அக்கட்சியை சேர்ந்த யாருடனும் விவாதத்தில் ஈடுபட தயாராக உள்ளேன். நாளை பிற்பகல் 1 மணிக்குள் அக்கட்சி முதல்-மந்திரி வேட்பாளரை அறிவிக்காவிட்டால், மீண்டும் ஒரு பத்திரிகையாளர் சந்திப்பிற்கு ஏற்பாடு செய்வேன். 

 

இவ்வாறு அவர் கூறினார்.