வயிற்றில் புண், கிருமித் தொற்றை குணமாக்கும் வேப்பம்பூ கொள்ளு சூப்

03-09- 2020

 இந்த சூப் குடித்தால் குடல் புழுக்கள் நீங்கும். பசியைத் தூண்டி, செரிமான ஆற்றலைக் கொடுக்கும். உடலுக்கு புத்துணர்வைத் தரும்.

 

வேப்பம்பூ கொள்ளு சூப்

தேவையான பொருட்கள் : 

வேப்பம்பூ - 4 டீஸ்பூன், 

கொள்ளு - 50 கிராம்,
மிளகு - 2 டீஸ்பூன், 
பிரிஞ்சி இலை - 2,
அன்னாசிப் பூ - 5 கிராம், 
நல்லெண்ணெய் - 25 மி.லி,
கடுகு, மஞ்சள் தூள் - சிறிதளவு, 
உப்பு - தேவையான அளவு,

பூண்டு - 50 கிராம்.

 

 

செய்முறை: 

கொள்ளுவை நன்றாக வறுத்துப் பொடித்து கொள்.

நல்லெண்ணெயில் வேப்பம்பூவை வறுத்துக்கொள்.

ஒரு பாத்திரத்தில் ஒரு லிட்டர் நீரை, நன்றாகக் கொதிக்கவிடு.

இதில் மஞ்சள் தூள் சேர்த்து, கொள்ளுப் பொடியைக் கட்டி இல்லாமல் கரைத்துச் சேர்.

இதில், வறுத்த வேப்பம்பூ, உப்பு சேர்.

மிளகு, பிரிஞ்சி இலை, அன்னாசிப் பூ இவற்றை நன்றாக அரை. 
ஒரு கடாயில் எண்ணெய் விட்டு, கடுகு தாளித்து, பூண்டு, அரைத்த மிளகுக் கலவையைச் சேர்த்துக் கலக்கு.

இந்தக் கலவையைக் கொதிக்கும் சூப்பில் கொட்டி, கலக்கி
சத்தான வேப்பம்பூ கொள்ளு சூப்பை இறக்கு.