Monday, February 1, 2021

காய்கறிகளை எப்படிப் பார்த்து வாங்க வேண்டும்.:

 காய்கறிகளை எப்படிப் பார்த்து வாங்க வேண்டும்.:







வாழை தண்டு.: 

மேல் பகுதி நார் அதிகம் இல்லாமலும் உள்ளிருக்கும் தண்டுப்பகுதி சிறுத்தும் இருப்பதாகப் பார்த்து வாங்க வேண்டும்.


வெள்ளை வெங்காயம்.: நசுக்கினாலே சாறு வரும்படி இருக்க வேண்டும்


முருங்கைக்காய்.: 

முருங்கைக் காயை கட்டை மற்றும் ஆட்காட்டி விரல்களை பயன்படுத்தி சிறிது முறுக்கினால், எளிதாக வளைந்தால் அது நல்ல முருங்கை காய்


சர்க்கரை வள்ளிகிழங்கு.: உறுதியான கிழங்கு இனிக்கும், அடி பட்டு கருப்பாக இருந்தால் கசக்கும்.


மக்கா சோளம்.: 

இளசாகவும் இல்லாமல் ரொம்பவும் முற்றாமல் மணிகளை அழுத்தி பார்த்தால் உள்ளே இறங்காமல் இருந்தால் அது நல்ல மக்காச்சோளம்.


தக்காளி.: 

தக்காளி நல்ல சிவப்பாக இருந்தால் அதை வாங்கலாம் (குறிப்பு பெங்களூர் தக்காளி ஒரு வாரம் ஆனாலும் கெடாது இருக்கும்).


கோவைக்காய்.:

முழுக்க பச்சையாக வாங்க வேண்டும். சிவப்பு லேசாக இருந்தாலும் வாங்க வேண்டாம். பழுத்து ருசி இல்லாமல் இருக்கும்.


சின்ன வெங்காயம்.: 

பழைய வெங்காயம் வாங்குவதே நல்லது. இரண்டு பல் இருப்பதாக, முத்து முத்தாக தெளிவாக இருப்பதை வாங்கவும்.


குடை மிளகாய்.:

தோல் சுருங்காமல் ஃப்ரெஷாக இருப்பதை வாங்கவும். கரும்பச்சையில் வாங்கவேண்டாம். அடிபட்டிருக்கும். எல்லா நிறக் குடை மிளகாய்களும் ஒரே சுவையில் தான் இருக்கும்.


காலிஃபிளவர்.: 

பூக்களுக்கிடையே இடைவெளி இல்லாமல் அடர்த்தியாக காம்பு தடினமனாக இல்லாமல் வாங்கவும்


மாங்காய்.: 

தேங்காயை காதருகே வைத்து தட்டி பார்ப்பது போல மாங்காயும் தட்டிப் பார்க்கவும். சத்தம் வரும். அத்தகைய மாங்காயில் கொட்டைச் சிறிதாக இருக்கும்.


பீர்க்கங்காய் ( நார்ச்சத்து உள்ள மிக நல்ல காய் இது).:

அடிப் பகுதி குண்டாக இல்லாமல் காய் முழுதும் ஒரே அளவில் இருக்குமாறு பார்த்து வாங்குவது நல்லது.


புடலங்காய்.:

கெட்டியாக வாங்கவும். அப்போதுதான் விதைப்பகுதி குறைவாக, சதைப்பகுதி அதிகமாக இருக்கும்.


உருளை கிழங்கு.: 

முளை விடாமல் பச்சை நரம்பு ஓடாமல் கீறினாலே தோல் உதிர்ந்து பெயர்ந்து வர வேண்டும்.


கருணை கிழங்கு.: 

முழுதாக வாங்கும் போது பெரியதாக பார்த்து வாங்குவது நல்லது. வெட்டிய கிழங்கை விற்றால், உள் புறம் இளம் சிவப்பு நிறத்தில் இருக்குமாறு பார்த்து வாங்கவும்.


சேப்பங்கிழங்கு.:

முளை விட்டது போல் ஒரு முனை நீண்டிருக்கும் கிழங்கு சமையலுக்கு சுவை சேர்க்காது. உருண்டையாகப் பார்த்து வாங்கவும்.


பெரிய வெங்காயம்.: 

மேல் பகுதியில் தண்டு பெரிதாக இல்லாமல் பார்த்து வாங்கவும்.


கத்திரிக்காய்.: 

தோல் மென்மையாக இருப்பதுபோல் பார்த்து வாங்கவும்.


பீன்ஸ்.: 

பிரன்ச் பீன்ஸில் நார் அதிகம். புஷ் பீன்ஸில் நார் இருக் காது. தோல் மென்மையாக இருந்தால் சுவை அதிகமாய் இருக்கும்.


அவரை.:  

தொட்டுப் பார்த்து விதைகள் பெரிதாக இருக்கும் காய்கள் தவிர்ப்பது நல்லது. இளசாக வாங்கினால் நார் அதிகம் இருக்காது.


பாகற்காய்.: 

பெரிய பாகற்காயில் உருண்டையை விட, தட்டையான நீண்ட காய் நல்லது.


வாழைப்பூ.:

மேல் இதழை விரித்து பூக்கள் கருப்பாகாமல் வெளிர் நிறத்தில் இருக்கிறதா என பார்க்கவும். அப்படி இருந்தால் பிரெஷ் காய் என்று அர்த்தம்.


மொச்சை.:

கொட்டை பெரிதாக தெரியும் காய் பார்த்து வாங்கவும்.


சௌசௌ.:

வாய் போன்ற பகுதி விரிசல் பெரிதாக இல்லாதபடி பார்த்து வாங்கவும். விரிசல் இருந்தால் முற்றிய காய்.


முள்ளங்கி.: 

லேசாக கீறினால் தோல் மென்மையாக இருந்தால் அது இளசு - நல்ல காய்.


வெள்ளரி.: 

மேல் பகுதியில் நகத்தால் குத்தி பார்த்தால் நகம் உள்ளே இறங்கினால், நல்ல காய். விதைகள் குறைவாக இருக்கும்

No comments:

Featured Post

பன்னாட்டு பல்லுயிர் பெருக்க தினம்

  பன்னாட்டு பல்லுயிர் பெருக்க தினம் மனிதர்களின் வாழ்வியலுடன் தொடர்புடைய ஒவ்வொரு நாளின் முக்கியத்துவத்தையும் உணர்ந்து கொள்ள வேண்டியது அவசி...