Sunday, May 23, 2021

கால்சியம் குறைபாடு வராமல் இருக்க இந்த உணவுகளை சாப்பிடுங்கள்.

 கால்சியம்குறைபாடு வராமல் இருக்க இந்த உணவுகளை சாப்பிடுங்கள்.




மூட்டுவலி, முதுகுவலி போன்ற எலும்பு சம்பந்தமான பிரச்சினைகள் உருவாகுவதற்கு கால்சிய சத்து குறைபாடு முக்கிய காரணமாக அமைகிறது. அதிலும் பெண்கள் கால்சிய சத்து குறைபாடு பிரச்சினையால் அதிகம் அவதிப்படுகிறார்கள். 


கால்சியம் சத்தை ஈடுகட்ட சத்தான உணவு வகைகளை தேர்ந்தெடுத்து சாப்பிடுவது அவசியமாகிறது.


கால்சியத்தை உடலில் உறிஞ்சுவதற்கு வைட்டமின் டி சத்தும் மிகவும் அவசியமாகிறது. எனவே கால்சியத்துடன், வைட்டமின் டி உள்ள உணவுகளை சாப்பிட வேண்டும்.


தினமும் பால் பருகி வருவதன் மூலம் கால்சியம் சத்தை தக்கவைத்து கொள்ளலாம். சோயா பால் பருகி வருவதும் நல்லது. 100 மி.லி. சோயா பாலில் 120 மில்லி கிராம் கால்சியம் இருக்கிறது.


பாதாமிலும் 80 சதவீதம் அளவுக்கு கால்சியம் நிறைந்துள்ளது. காலை உணவுடன் ஒரு டம்ளர் ஆரஞ்சு ஜூஸ் பருகி வருவதும் நல்லது. அதில் வைட்டமின் சி மட்டுமின்றி கால்சியமும் அதிக அளவில் நிறைந்திருக் கிறது. இது தினமும் உடலுக்கு தேவையான கால்சியத்தின் அளவை ஈடு செய்யும்.


அத்தி பழத்தில் கால்சியம் மட்டுமின்றி பெண்களுக்கு தேவையான மற்றொரு ஊட்டச்சத்தான இரும்பு சத்தும் நிரம்பியிருக்கிறது. செரிமானம் சீராக நடைபெறவும் இது உதவும்.


பால் பொருட்களைத் தவிர, கால்சியம் சத்தானது பச்சை இலைக் காய்கறிகளில் நிறைந்துள்ளது. அதிலும் பசலைக் கீரை, ப்ராக்கோலி போன்றவற்றை அளவுக்கு அதிமான அளவில் கால்சியம் சத்து நிறைந்துள்ளது.


கேழ்வரகில் அரிசியை விட 30 மடங்கு கால்சியம் நிறைந்திருக்கிறது. ராகி மால்ட், கேழ்வரகு தோசை, ரொட்டி போன்றவை தயாரித்து சாப்பிட்டு வரலாம். அவை கால்சியத்தின் அளவை அதிகப் படுத்தும்.


காராமணியில் கால்சியம் அதிகம் இருக்கிறது. சூப்பாகவோ, சாலட்டுகளில் சேர்த்தோ, வேகவைத்தோ சாப்பிட்டு வரலாம்.


நண்டு:


நண்டில் அதிக அளவு கால்சிய சத்து உள்ளது. 100 கிராம் நண்டில் 1600 மில்லி கிராம் கால்சியம் காணப்படுகிறது. நண்டு சிலருக்கு ஒவ்வாமையை ஏற்படுத்தும். நண்டு பிரியர்கள் தாராளமாக சாப்பிடலாம்.


ராகி:


தானியங்களில் கால்சியம் அதிகம் கொண்டது ராகி ஆகும். 100 கிராம் ராகியில் 380 மில்லி கிராம் சுண்ணாம்பு சத்து உள்ளது. ஆகவே, ராகி கஞ்சி, ராகி தோசை, ராகி வெல்ல உருண்டை என்று விதம்விதமாக செய்து சாப்பிடலாம்.


வாதுமை பருப்பு:


வறுத்த வாதுமை பருப்பு ஒரு கப் சாப்பிட்டால் உடலில் 457 மில்லி கிராம் கால்சியம் சேரும். சுண்ணாம்பு சத்து மட்டுமல்ல புரோட்டீன் என்ற புரதமும் இதில் அதிகம் உள்ளது. இதய நோயை தடுக்கும் இயல்பு கொண்டது. புரதச் சத்து அதிகம் கொண்ட இந்த பருப்புகளில் சிலவற்றை காலை சாப்பிடுவது உடல் ஆரோக்கியத்துக்கு நல்லது.


அத்திப் பழம்:


அத்தி, உலராத சீமை அத்தி ஆகிய பழங்களில் கால்சியம் அதிக அளவு உள்ளது. ஓர் அத்திப்பழத்தில் 170 கிராம் சுண்ணாம்பு சத்து உள்ளது.


இவை தவிர வாழை, கொய்யா ஆகிய பழங்களிலும் வெந்தய கீரை, வெந்தய தாள், காலிஃபிளவர், முருங்கை, கொத்தமல்லி, முள்ளங்கிக்கீரை, கேரட், வெண்டை, சர்க்கரைவள்ளிக்கிழங்கு ஆகியவற்றிலும் கால்சியம் அதிகம் காணப்படுகிறது

No comments: