உங்கள் வயிற்றுப் பகுதியில் உள்ள வீக்கத்தைக் குறைக்க உதவும் டிப்ஸ்.

 

உங்கள் வயிற்றுப் பகுதியில் உள்ள வீக்கத்தைக் குறைக்க உதவும் டிப்ஸ்.

சிலருக்கு வயிற்றுப் பகுதியில் வீக்கம் போல காணப்படும். வீக்கம் காரணமாக வயிறு பெரிதாக இருக்கும்போது சிலருக்கு பிரச்சனையை ஏற்படுத்தும். இது உங்கள் எடை அதிகரித்துள்ளது என்ற அர்த்தம் அல்ல, மாறாக இந்த பிரச்சனை பெரும்பாலும் உங்கள் உணவு மற்றும் வாழ்க்கை முறை பழக்கவழக்கங்களால் ஏற்படுகிறது. ஆனால் இதில் உள்ள நல்ல விஷயம் என்னவென்றால், உங்கள் அன்றாட வாழ்க்கை முறையில் சில எளிதான மாற்றங்களைச் செய்வதன் மூலம் நீங்கள் எளிதில் வயிற்று வீக்கத்திலிருந்து விடுபடலாம்.

உங்கள் வயிற்று பகுதியை அழகாக தட்டையாக்க நீங்கள் செய்ய வேண்டிய சில விஷயங்கள் இங்கே.,

வயிற்று பகுதியில் வீக்கம் என்றால் என்ன?

வயிற்று பகுதியில் காணப்படும் வீங்கி மோசமாக தோன்றுவது மட்டுமல்லாமல், வயிற்று இறுக்கம் போன்ற உடல் அசவுகரியங்களையும் ஏற்படுத்தும்.

வீக்கம் என்பது உங்கள் செரிமான அமைப்பில் அதிக அளவு காற்று நிரம்புவதால் ஏற்படுகிறது. இது உங்கள் வயிற்றைப் பெரிதாகக் காண்பிக்கும், மேலும் அது வீக்கமாகவும், சங்கடமாகவும் உணரக்கூடும. மிக வேகமாக சாப்பிடுவது அல்லது ஸ்ட்ரா வழியாக குளிர்பானங்கள் அருந்தும் நேரத்தில் உணவு பொருள் மட்டுமின்றி காற்றும் வயிற்றுக்குள் செல்கிறது. இதன் விளைவாக வீக்கம் ஏற்படுகிறது. ஆனால் இது உடல் எடை அதிகரிப்புடன் தொடர்புடையது அல்ல, முற்றிலும் வேறுபட்டது.

பெரும்பாலானோருக்கு இது தற்காலிகமானது மற்றும் சில எளிய பழக்கத்தை பின்பற்றுவதன் மூலம் பிரச்னையை சரி செய்யலாம்.

நீங்கள் செய்ய வேண்டியது என்னென்ன என்பது குறித்து இங்கு தெரிந்து கொள்வோம்.,

அதிகமாக உணவை சாப்பிட வேண்டாம் :

அதிக உணவுப்பழக்கம்

உங்களுக்கு போதுமான அளவு மட்டுமே உணவை உட்கொள்ள வேண்டும். பிடித்த உணவு என்றால் அதிகம் சாப்பிடுவது கூடாது. அதேபோல சாப்பிடும் போது உங்கள் உணவை மெதுவாக மென்று சாப்பிடுவது ஜீரணத்தை எளிதாக்குகிறது. நீங்கள் அவசரமாக சாப்பிடும் போது அதனுடன் நிறைய காற்றையும் உட்கொள்கிறீர்கள். இதனால் உங்கள் வயிற்று பகுதியில் வீக்கம் மற்றும் வாயு தொல்லைகளும் ஏற்படுகிறது.

உங்களுக்கு ஏற்றுக்கொள்ளாத உணவை உட்கொள்ள வேண்டாம்:

வீக்கம் என்பது உங்கள் உடலுக்கு ஏற்றுக்கொள்ளாத உணவை உட்கொள்வதில் அறிகுறிகளில் ஒன்றாகும். அரிசி அல்லது பால் போன்ற ஒரு குறிப்பிட்ட உணவை உட்கொண்ட பிறகு நீங்கள் அடிக்கடி வயிறு வீங்கியதாக உணர்ந்தால், உங்களை நீங்களே சோதித்துப் பாருங்கள். சில சந்தர்ப்பங்களில் வெளிப்படையான அறிகுறிகளைக் காட்டாததால், உணவு ஏற்றுக்கொள்ளவில்லை என்பதை பெரும்பாலானோர் உணர்வதில்லை. உங்கள் உணவு பாட்டிலில் ஏதேனும் மாற்றம் செய்ய விரும்பினால் உங்கள் மருத்துவரை சந்தித்து ஆலோசனை பெறவும்.

உங்கள் வாழ்க்கைமுறையில் மாற்றங்களைச் செய்யுங்கள் :

உங்கள் அன்றாட வாழ்க்கைமுறையில் செய்யும் மாற்றங்கள் வயிற்று வீக்கம் பிரச்சனையை எளிதாக குணப்படுத்தும். கடைகளில் விற்பனை செய்யப்படும் பானங்கள், பூமர், புகைபிடித்தல் மற்றும் குடிப்பது ஆகியவை உங்களுக்கு தீங்கு விளைவிக்கக்கூடியவை. இந்த பழக்கங்கள் உங்கள் வயிற்று பகுதியில் வாயுவை அதிகரித்து விடும். இதனால் உங்களுக்கு சங்கடமாக இருக்கும். இந்த பழக்கங்களைக் குறைத்து தினமும் எளிய உடற்பயிற்சிகளில் ஈடுபட முயற்சிக்கவும்.

மிதமான சுடுதண்ணீர் அருந்தவும் :

நீங்கள் நீரிழப்பு பிரச்சனையால் அவதிப்பட்டாலும் வீக்கம் ஏற்படும். போதுமான அளவு தண்ணீர் குடிப்பது வயிற்று பகுதியில் வீக்கத்தை குறைக்கவும் உதவும். இதற்கு குளிர்ந்த நீருக்கு பதிலாக, மிதமான சுடு நீர் அல்லது சாதாரண தண்ணீரை குடிக்கவும். அவை உங்களை நீரேற்றமாக வைத்திருப்பது மட்டுமின்றி செரிமான அமைப்புகளை துரிதப் படுத்துகின்றன.