Friday, July 16, 2021

அஜினோமோட்டோ ஏன் சாப்பிட கூடாது..

 அஜினோமோட்டோ ஏன் சாப்பிட கூடாது... எதிலிருந்து கிடைக்கிறது?... என்னென்ன பக்க விளைவுகள் உண்டாகும்னு தெரியுமா??💚❤️









இந்தியாவில் அஜினோமோட்டோ குறித்து பல்வேறு ஐயங்கள் உள்ளன. பல வருடங்களாகவே அஜினோமோட்டோ உடலுக்கு கேடு விளைவிக்க கூடியது என ஒரு பக்கம் பேசப்பட்டு வந்தாலும் இந்திய உணவுகள் பலவற்றில் இன்றும் அஜினோமோட்டோ பயன்படுத்தப்பட்டுதான் வருகிறது. சீன உணவு பழக்கத்தில் சாதரணமாக அஜினோமோட்டோ பயன்படுத்தப்படுகிறது.


​எதிலிருந்து கிடைக்கிறது?


உப்பு போன்ற சுவையை கொண்ட அஜினோமோட்டோவை சீனர்கள் உணவுகளின் சுவைக்காக சேர்க்கின்றனர். ஆனால் தொழில்நுட்ப ரீதியாக பார்க்கும்போது அஜினோமோட்டோ சோடியம் மற்றும் குளுட்டமிக் அமிலத்தில் இருந்து தயாரிக்கப்படும் கலவையாகும். மேலும் இவை தாவர உணவுகளான சர்க்கரைவள்ளி கிழங்கு, கரும்பு, சோளம் போன்றவற்றில் இருந்தும் தயாரிக்கப்படுகிறது.


​உப்பை போன்றதா?


சீனர்கள் பயன்படுத்தி வந்த இந்த அஜினோமோட்டோ அவர்கள் உணவுகளான நூடுல்ஸ், சூப், ஃப்ரைட் ரைஸ் போன்ற உணவுகள் மூலம் ஆசிய கண்டம் முழுவதும் பரவி உள்ளது. பிரபல ஊட்டச்சத்து நிபுணரின் கூற்றுப்படி அஜினோமோட்டோவில் 12,300 மி.கி சோடியம், 21.2 மி.கி கால்சியம் மற்றும் 0.4 மி.கி இரும்பு சத்தை கொண்டுள்ளது. மேலும் இதில் வைட்டமின்கள், புரதங்கள், கொழுப்புகள் போன்றவை இல்லை. எனவே அஜினோமோட்டோ உண்மையிலேயே உடலுக்கு கேடு விளைவிக்கிறதா என்பதை நாம் அறிவது முக்கியமாகும்.


​அஜினோமோட்டோ ஆரோக்கியமானதா?


அஜினோமோட்டோவை பொறுத்தவரை அதை குறைந்த அளவில் பயன்படுத்தும்போது பெரிதாக பாதிப்பு ஏற்படுவதில்லை. ஆனால் அதிகப்படியான அஜினோமோட்டோ பயன்பாடானது உடலுக்கு தீங்கு விளைவிக்கலாம். உண்மையில் இதில் உள்ள குளுட்டமிக் அமிலமானது மூளையில் நரம்பு கடத்தியாக செயல்படுகிறது. இதனால் அஜினோமோட்டோ தீங்கு விளைவிக்க கூடியது என பலர் நம்புகின்றனர்.


ஏனெனில் குளுட்டமிக் நரம்பு செல்களை அழிப்பதற்கான வாய்ப்புகள் அதிகம். ஆனால் இதை உண்மை என நிரூபிக்க எந்த ஆய்வுகளும் இல்லை. உண்மையில் அஜினோமோட்டோ உணவில் உள்ள சுவையை மேம்படுத்துகிறது. மேலும் உணவின் அனைத்து சுவையையும் ஒருங்கிணைத்து ஒரு சீரான சுவையை அளிக்கிறது. இதனால் மக்கள் இதை சமையல் உப்பிற்கு பதிலாக பயன்படுத்துகின்றனர்.


​தீங்கு விளைவிக்க கூடிய விஷயங்கள்


அஜினோமோட்டோவை அதிகமாக எடுத்துக் கொள்வது உடலில் வியர்வை பிரச்சனைகளை ஏற்படுத்துகிறது. இதன் காரணமாக உடலில் நீரிழப்பு ஏற்படுகிறது. இது சோர்விற்கு வழி வகுக்கிறது. உடலில் அதிக அளவு சோடியம் இருப்பதால் அது மூட்டு மற்றும் தசை வலிக்கு வழி வகுக்கும். மேலும் இது சிலருக்கு வயிற்றில் எரியும் உணர்வை ஏற்படுத்தும். இது குடலில் அமிலத் தன்மை போன்ற பிரச்சனைகளை ஏற்படுத்துகின்றன. இதனால் ஒட்டு மொத்த செரிமான அமைப்பிலும் பிரச்சனை ஏற்படுகிறது.


​தலைவலி


அதிகப்படியான அஜினோமோட்டோவை உண்பது இரத்த அழுத்தத்தின் ஏற்ற இறக்கங்களில் பாதிப்பை ஏற்படுத்துகின்றன. மேலும் அதிக அளவில் அஜினோமோட்டோவை உட்கொள்பவர்களிடம் ஒற்றை தலைவலி அல்லது கடுமையான தலைவலி ஏற்படுகிறது.


​புற்றுநோய்


இதில் உள்ள மோனோசோடியம் குளுட்டமேட்டானது தூங்கும்போது சுவாச பிரச்சனைகளை ஏற்படுத்துகின்றன. இதனால் அஜினோமோட்டோ உண்பவர்கள் குறட்டை பிரச்சனைகளுக்கு ஆளாவதற்கு வாய்ப்பு உள்ளது. அதிர்ச்சியூட்டும் விதமாக ஒரு ஆய்வில் அஜினோமோட்டோவை அதிகமாக எடுத்துக் கொள்வது புற்றுநோய் செல்களை இனப்பெருக்கம் அடைய செய்வதோடு பெருங்குடல் புற்றுநோய்க்கும் வழி வகுக்கிறது என கூறப்பட்டது.


​பாதுகாப்பான அளவில் பயன்படுத்தலாம்


மேலே குறிப்பிட்ட விளைவுகள் அனைத்தும் அதிகப்படியான அளவில் அஜினோமோட்டோவை பயன்படுத்துவதால் ஏற்படும் விளைவுகள் ஆகும். ஊட்டச்சத்து நிபுணர்களின் கூற்றுப்படி உணவில் 0.5 கிராம் அஜினோமோட்டோவை சேர்த்து கொள்வது பாதுக்காப்பானது. விஞ்ஞான ரீதியாக இதை எந்த உணவிலும் சேர்க்கலாம். ஆனால் இது பெரியவர்களை அல்லது கர்ப்பிணி பெண்கள் மற்றும் குழந்தைகளை பாதிக்கும் என்பதால் அவர்கள் அஜினோமோட்டோவை தவிர்ப்பது நல்லது.


கிட்டத்தட்ட அஜினோமோட்டோ உப்பு போன்ற ஒரு பொருளே ஆகும். எப்படி நாம் உப்பை அதிகமாக பயன்படுத்த கூடாதோ அதே போல அஜினோமோட்டோவையும் அதிகமாக பயன்படுத்த கூடாது அது உடலுக்கு தீங்கு விளைவிக்கும். மற்றப்படி அஜினோமோட்டோவை பாதுக்காப்பான அளவில் பயன்படுத்துவது மூலம் நாம் ஆரோக்கியமாக இருக்க முடியும்

No comments:

Featured Post

பன்னாட்டு பல்லுயிர் பெருக்க தினம்

  பன்னாட்டு பல்லுயிர் பெருக்க தினம் மனிதர்களின் வாழ்வியலுடன் தொடர்புடைய ஒவ்வொரு நாளின் முக்கியத்துவத்தையும் உணர்ந்து கொள்ள வேண்டியது அவசி...