பரு முதல் சருமச் சுருக்கம் வரை அத்தனையையும் போக்கும் சுரைக்காய் சாறு..

 பரு முதல் சருமச் சுருக்கம் வரை அத்தனையையும் போக்கும் சுரைக்காய் சாறு... எப்படி பயன்படுத்த வேண்டும்...






சுரைக்காயின் பல்வேறு ஆரோக்கிய நன்மைகள் பற்றி தெரிந்து வைத்துள்ள நாம், அதன் சரும ஆரோக்கியத்தைப் பற்றித் தெரிந்து கொள்வதில்லை. சரி வாங்க அதன் சரும நன்மைகளைப் பற்றி காண்போம் வாங்க.


​சரும சுருக்கங்களை நீக்க


வைட்டமின் சி மற்றும் துத்தநாகம் போன்ற சக்தி வாய்ந்த ஊட்டச்சத்துக்கள் நிறைந்த சுரைக்காயில், முன்கூட்டிய வயதாவது போன்ற பிரச்சனையை சமாளிக்க உதவுகிறது. இந்த சுரைக்காய் சாறில் முகத்தில் சுருக்கங்கள் வராமல் தடுக்க உதவும் ஊட்டச்சத்துகள் அதிக அளவில் நிறைந்துள்ளன. நீங்கள் இந்த சுரைக்காயை சமைத்தோ அல்லது சாறு வடிவிலோ எடுத்துக் கொள்ளலாம். அதுமட்டுமின்றி, அழகிய சருமத்தைப் பெற நீங்கள் உங்கள் முகம் மற்றும் கழுத்து பகுதியில் இந்த சுரைக்காய் சாற்றை தடவி பயன்படுத்தலாம்.


​இயற்கை சரும பிரகாசத்திற்கு


தாதுக்கள், ஆக்ஸிஜனேற்றிகள் மற்றும் வைட்டமின்கள் நிறைந்த, சுரைக்காயில், உங்கள் சருமத்திற்கு அதிசயங்களைச் செய்யும் பல பண்புகள் அடங்கியுள்ளன. இது உங்கள் சருமத்தை ஆரோக்கியமான பளபளப்பான சருமத்தைக் கொடுக்கும். இதனை நீங்கள் உங்கள் காலை உணவாக எடுத்துக் கொள்ளலாம். ஏனெனில் இது உங்கள் செரிமான அமைப்பின் சரியான செயல்பாட்டிற்கு உதவுகிறது. மேலும், உங்கள் சருமத்தை பளபளப்பாக மாற்றுவதோடு, இயற்கையான பிரகாசத்துக்கு மிகவும் நல்லது. சிறந்த முடிவுகளுக்காக தினமும் காலையில் ஒரு கிளாஸ் சுரைக்காய் சாறு எடுத்துக் கொள்ளவும்.


​எடை இழப்பு


உங்கள் எடை இழப்பு விருப்பங்களுக்கு சுரைக்காய் மிகவும் பிரபலமான உணவுகளில் ஒன்றாகும். சுரைக்காயில் உள்ள வைட்டமின் பி, நீர்ச்சத்து மற்றும் நார்ச்சத்து ஆகியவை உடலின் வளர்சிதை மாற்ற விகிதத்தை அதிகரித்து செரிமான அமைப்பைச் சுறுசுறுப்பாக்க உதவுகிறது. மேலும், சுரைக்காய் மலச்சிக்கல் தொடர்பான பிரச்சனைகளை எளிதாக்கவும் உதவி புரிகிறது. மேலும், சுரைக்காய் சாறு உங்கள் பசியைக் குறைக்கவும், வயிறு நிறைந்த உணர்வையும் கொடுக்கும் என்று நம்பப்படுகிறது. எலுமிச்சை சாருடன், சுரைக்காய் சாற்றை கலந்து தொடர்ந்து சாப்பிட்டு வருவதன் மூலம் கூடுதல் உடல் எடை குறையும்.


​முடி பராமரிப்பு


சுரைக்காய் உங்கள் முடி முன்கூட்டியே நரைப்பதை சமாளிக்கவும், கட்டுப்படுத்தவும் உதவும் என்பது உங்களுக்குத் தெரியுமா...? ஆம், உங்களின் முடி பராமரிப்புக்கு சுரைக்காய் மிகவும் உதவுகிறது. சுரைக்காயில் உள்ள வைட்டமின் பி, உங்கள் உச்சந்தலையை குளிர்ச்சியூட்டும் பண்பைக் கொண்டுள்ளது. இதனால், உங்கள் இயற்கையான கூந்தலின் நிற மாற்றம் மற்றும் வறட்சியை குறைக்க உதவுகிறது. சுரைக்காயை தொடர்ந்து உட்கொள்வது உங்கள் முடி உதிர்தலைக் கட்டுப்படுத்தும். சுரைக்காயை அரைத்து அதனுடன் தயிர் அல்லது ஆப்பிள் சைடர் வினிகர் கலந்து ஹேர் பேக்காகப் பயன்படுத்தலாம்.


​பருக்கள் மற்றும் முகப்பருவை குறைக்க


சுரைக்காயின் சாறு உங்கள் சருமத்தை சுத்தம் செய்து, எண்ணெயைக் கட்டுக்குள் வைத்திருக்க உதவுகிறது. மேலும், சரும துளைகளில் இருந்து வெளியாகும் எண்ணெய் சுரப்பையும் சமப்படுத்தவும், பருக்கள் மற்றும் சரும வெடிப்புகளையும் குறைக்க உதவுகிறது. உங்கள் தோல் தொடர்பான பிரச்சனைகளை எதிர்க்க சுரைக்காயை சமைத்தோ அல்லது ஜூஸாகவோ நீங்கள் எடுத்துக் கொள்ளலாம்.


​மென்மையான மற்றும் பிரகாசமான சருமத்துக்கு


சுரைக்காய் இரத்தத்தை சுத்திகரித்து, சருமத்தை மென்மையாகவும் மிருதுவாகவும் மாற்ற உதவுகிறது. இது உங்களின் உடலை உட்புறமாக சுத்தம் செய்து, ஆரோக்கியமான, ஒளிரும் மற்றும் தெளிவான சருமத்திற்கு வழிவகுக்கிறது. வெள்ளரிக்காய் மற்றும் சுரைக்காயை சம விகிதத்தில் எடுத்து ஒரு பேஸ்பேக்கை உருவாக்கவும். இதில், நீங்கள் விரும்பினால் கடலை மாவு மற்றும் தயிர் சேர்த்துக் கொள்ளுங்கள். இந்தக் கலவையை உங்கள் முகத்தில் சுமார் இருபது நிமிடங்கள் தடவிக் கொள்ளுங்கள். பின் வெதுவெதுப்பான நீரில் கழுவவும். இது உங்கள் தோலுக்கு மென்மையான உணர்வை கொடுக்கும்.


வீங்கிய கண்களுக்கு சிகிச்சையளிக்க


சுரைக்காயைப் பயன்படுத்தி உங்கள் கண்ணின் வீக்கம் நிறைந்த பைகளை இயற்கையாகவே அகற்றலாம். சுரைக்காயின் குளிரூட்டும் விளைவு, உங்கள் கண்களை நிதானப்படுத்தவும், நிவாரணம் செய்யவும் உதவி புரிகிறது. சுரைக்காயை வட்ட வடிவில் கட் செய்து உங்கள் கண்களின் மேல் அழுத்தி வைத்துக் கொண்டு படுத்துக் கொள்ளுங்கள். பின் 20 நிமிடங்கள் கழித்து அந்த துண்டுகளை அகற்றிக் கொள்ளுங்கள். இதன் மூலம் நீங்கள் கண்களில் இனிமையான தாக்கத்தைப் பெறுவீர்கள்.

Comments

Popular posts from this blog

காது பிரச்சனைகளை முற்றிலும் குணமாக்கும் மருள் கற்றாழை

இந்திய இதழியலின் தந்தை எனப் போற்றப்படுபவருமான ராமானந்த சட்டர்ஜி

சிங்கப்பெண்ணே மகளிர் தின கவிதை