Saturday, November 13, 2021

ஒரு கடலாய் வாழ்வது/#மனதின்ஓசைகள் #மஞ்சுளாயுகேஷ்








 ஒரு கடலாய் வாழ்வது

அவ்வளவு எளிதல்ல.
அத்தனை அலைகளையும்
தாங்கும் கரையொன்றை
கட்டிக்கொள்ள வேண்டும்;
அதற்கு காத்திருப்புகளை
மட்டுமே,
பழக்கப்படுத்த வேண்டும்.
ஆசையாய் மீன்களை வளர்த்து
அவற்றை இன்னொன்றிற்கு
இரையாக்க வேண்டும்.
தனிமை நிரம்பி வழியும்
கப்பல்களை மூழ்காமல்
மிதக்க செய்யவேண்டும்.
ஒரு கடலாய் வாழ்வது
அவ்வளவு எளிதல்ல.
அங்கு கண்ணீர்
கூடுதலாய் கரிக்கும்.
தினமாயிரம் பிரிவுகள்
கைக்குலுக்கி கொள்ளும்.
தனிமையில் அரவணைத்துக்
கொள்ள தோள்கள் இராது.
இத்தனையும் தாண்டி,
நோக்கும் கண்களுக்கெல்லாம்
அதிசயத்தையே,
எவ்வளவு காலம் பரிசளிக்க முடியும்?
இருந்தும், எப்படி சிலர் மீது
வீசுகிறது அக்கடலின் வாசம்.

❤️💃💃

1 comment:

Venkatpemi said...

அருமை. தனிமை வாழ்வில் கடலைக் காட்டிய வரிகள் கடலின் அலைகளில் தனிமையைக் காட்டின.

Featured Post

கட் - கட எனும் சங்கேத ஒலிகள் கொண்ட தந்தி முறை

 வரலாற்றில் இன்று மே 24, 1844- கட் - கட எனும் சங்கேத ஒலிகள் கொண்ட தந்தி முறையைக் கண்டு பிடித்த சாமுவேல் மோர்ஸ் உலகின் முதலாவது தந்திச் செய்த...