ஏசியால் உங்கள் கரெண்ட் பில் எகிறுதா

ஏசியை ஆன் செய்ததும் முடிந்தவரை டெம்பரேச்சரை குறைத்து வைக்கும் பழக்கம் நம்மில் பலரிடம் இருக்கிறது

கோடைகாலம் வந்து விட்டால் ஏசி அல்லது ஏர்கூலர் இன்றி அதை சமாளிப்பது மிக கடினம். அதிகரிக்கும் வெயிலைப் போலவே, ஏசி பயன்பாட்டால் உங்கள் கரெண்ட் பில்லும் கூட தாறுமாறாக உயரக் கூடும். வியர்த்து விறுவிறுக்க ரூமுக்குள் நுழையும் நாம் உடனடியாக ஏசியை ஆன் செய்து, ரூம்-ஐ சற்று குளு, குளுவென வைத்துக் கொள்ள விரும்புவோம். ஆனால், இதில் நாம் செய்யும் சில தவறுகளால் மாத இறுதியில் மின்சாரக் கட்டணம் வெகுவாக அதிகரித்து விடுகிறது. இதை எப்படி குறைப்பது என தெரியாமல் நீங்கள் திணறிக் கொண்டிருப்பவர் என்றால், உங்களுக்கான 5 டிப்ஸ் இந்தச் செய்தியில் இருக்கிறது.

சரியான டெம்பரேச்சர் எது என்று தெரிந்து கொள்ளுங்கள்   ஏசியை ஆன் செய்ததும் முடிந்தவரை டெம்பரேச்சரை குறைத்து வைக்கும் பழக்கம் நம்மில் பலரிடம் இருக்கிறது. அதே சமயம், மிக குறைவான டெம்பரேச்சரில் நீங்கள் ஏசியை இயக்கும் போது, உங்கள் கரெண்ட் பயன்பாடும் அதிகரிக்கும் என்பதை நினைவில் கொள்ள வேண்டும்.

பொதுவாக ஏசியை நீங்கள் 24 - 26 டெம்பரேச்சரில் பயன்படுத்தி வந்தால் மின் கட்டணத்தை சற்று குறைக்க இயலும். இந்த டெம்பரேச்சரில் உங்களுக்கான கூலிங் குறைவாக இருக்கிறது என எண்ணுகிறீர்களா? ஆனால், இதுதான் சரியான அளவு என்றும், இதில் நல்ல காற்றோட்டம் கிடைக்கும் என்று ஆய்வுகள் தெரிவிக்கின்றன. சுமார் 24 சதவீதம் மின்சாரம் மிச்சமாகும்.

குளிர்ந்த காற்று வெளியேறாமல் பார்த்துக் கொள்ள வேண்டும் :

இது வெகு இயல்பாக செய்யக் கூடிய ஒன்றுதான். ஏசியை ஆன் செய்யும் முன்பாக ரூம் கதவை மூட வேண்டும் என்பது நம் அனைவருக்கும் தெரிந்த விஷயம் தான். இது மட்டுமல்லாமல், உங்கள் ஜன்னல்களும் இறுக்கமாக மூடியிருப்பதை உறுதி செய்யுங்கள். தேவைப்பட்டால் திரைகளை பயன்படுத்தலாம். சூரிய வெளிச்சம் உள்ளே இல்லை என்றால் ரூமில் வெகு விரைவாக கூலிங் கிடைக்கும்.

உடனடியாக ஸ்விட்ச் ஆஃப் செய்யுங்கள் :

ரூமில் உங்களுக்கு தேவையான அளவு கூலிங் கிடைத்த பிறகு உடனடியாக ஸிவிட்ச் ஆஃப் செய்யுங்கள். சுமார் 1 மணி நேரத்திற்கு அந்த கூலிங் நீடிக்கும். இதனால், உங்கள் மின் கட்டணம் குறையும்.

அவ்வபோது சர்வீஸ் செய்ய வேண்டும் :

ஏசி பில்டரில் ஒவ்வொரு முறை தூசி சேரும்போதும் அதன் கூலிங் திறன் குறையத் தொடங்கும். இதனால், கூலிங் வழங்க மோட்டார் கூடுதல் சக்தியுடன் செயல்படத் தொடங்கும். இதனால், மின் கட்டணம் அதிகரிக்கக் கூடும். ஆகவே, ஏசியில் உள்ள தூசியை அவ்வபோது சுத்தம் செய்யுங்கள்.

ஏசியுடன் ஃபேன் ஆன் செய்யலாம் :

இது சற்று முரண்பாடான விஷயமாக தோன்றலாம். ஆனால், ஏசியை ஆன் செய்த பிறகு ஃபேன் ஆன் செய்தீர்கள் என்றால், ரூமில் உள்ள வெப்ப காற்றை வெளியேற்றி, கூலிங் காற்றை எங்கும் கொண்டு செல்வதற்கு அது உதவிகரமாக இருக்கும். ரூமில் போதுமான கூலிங் கிடைத்த பிறகு நீங்கள் ஃபேன் ஆப் செய்து விட்டு, தொடர்ந்து ஏசியில் இருந்து கூலிங் பெறலாம்.