சுந்தர் பிச்சை என்று அறியப்படும் பிச்சை சுந்தரராசன் பிறந்த நாள்

 இன்று  சுந்தர் பிச்சை என்று அறியப்படும் பிச்சை சுந்தரராசன்  பிறந்த நாள் ஜூன் 10, 1972, இந்திய அமெரிக்க வாழ் கணினி தொழில் நுட்ப மேலாளர் ஆவார். இவர் அல்பபெட்  (Alphabet Inc.)  மற்றும் அதன் துணை நிறுவனமான  கூகுள் முதன்மை செயல் அலுவலர் ஆவார்

     சுந்தர் பிச்சை தமிழ் நாட்டில், மதுரை மாவட்டத்தில் பிறந்தார். இவரது தந்தை ரகுநாத பிச்சை மற்றும் தாயார் லட்சுமி ஆவார். இவர் சென்னையில் உள்ள சவகர் வித்தியாலயா பள்ளியில் பத்தாம் வகுப்பும், வனவாணி பள்ளியில் பன்னிரெண்டாம் வகுப்பும் படித்தார். பிறகு ஐ.ஐ.டி கரக்பூரில் உலோகப் பொறியியல் பயின்ற இவர், ஸ்டான்போர்ட் பல்கலைக் கழகத்தில், பொருளறிவியல் பட்டம் பெற்றார். பின்னர் வார்ட்டன் மேலாண்மைப் பள்ளியில் மேலாண்மைப் பட்டம் பெற்றார்

       சுந்தர் பிச்சை 2004 ஆம் ஆண்டு கூகுள்இல் இணைந்தார். இவர் கூகிள் வாடிக்கையாளர் மென்பொருள் தயாரிப்புகள் தொகுப்பில் முக்கிய பங்கு வகித்தார்.. 2013 ஆம் ஆண்டு மார்ச் 13 ஆம் நாள் ஆண்ட்ராய்டு பிரிவிற்கும் சேர்த்து தலைவரானார். 2019 ஆம் ஆண்டு டிசம்பர் 5 ஆம் திகதி முதல் ஆல்பாபெட்டு  மற்றும் கூகுள் இரண்டு நிறுவனங்களுக்கும் ஒரே தலைமை செயல் அதிகாரியாக பணியாற்றி வருகிறார். அமெரிக்க தொழில்நுட்பத்துறையில், மைக்ரோசாஃப்ட் நிறுவனத்தில் உயர்பதவியில் உள்ள சத்யா நாதெல்லாவுக்குப் பிறகு, மற்றொரு இந்தியரான சுந்தர் பிச்சை இந்த உயர்ந்த நிலையை அடைந்துள்ளார்.